গণাণা 34:13 - Chakma Bible

¹³ ইয়েনর্ পরেদি মোশি ইস্রায়েলীয়গুনোরে উগুম গুরিনে কলঅ, “তুমি চাম্বা চেইনে লগেপ্রভুর উগুম মজিম দেজ্‌চান তমার নয় গুট্টি আর মনঃশির অদ্দেক্ গুট্টি ভিদিরে ভাগ গুরি নেযেইনে তমার্‌ সোম্বোত্তি গুরি নেযেবা,

গণাণা 34:13 Iomraidhean Croise

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

যিহিষ্কেল 45:1

তুমি যেক্কে সোম্বোত্তি ইজেবে দেজর্ ভূইয়ানি ভাগ্ গুরি দিবা সেক্কে পোজোস্ আজার্ মাবেদে কাদি লাম্বা আর কুড়ি আজার্ মাবেদে কাদি পাদাজ্যে দেজর্ এক কট্টা ভূই লগেপ্রভুরে দিবা; সেই পুরো চাগালাগান অসিজি অবঅ।

মীখা 2:5

সেনত্তে তমা ভিদিরেত্তুন্ কনজনে লগেপ্রভুর মানুচ্চুনো সমারে ভূইয়ো ভাগ ন-পেবাক্।

গণাণা 26:52

লগেপ্রভু মোশিরে কলঅ,

গণাণা 26:55

কুদু কন্‌ গুট্টিগুনে জাগা পেবাক্‌ সিয়েনি চাম্বা চেইনে ঠিগ্ গরা পুরিবো। পত্তি বংশর পাওনা ভাগ তার্‌ গুট্টির নাঙে দিয়্যে চাগালা ভিদিরে থেবঅ।

গণাণা 34:1

লগেপ্রভু মোশিরে ইস্রায়েলীয়গুনোত্তে এই উগুমান্‌ দিইনে কলঅ, কনান দেজত্‌ সোমেবার্‌ পরেদি সোম্বোত্তি ইজেবে যে দেজ্‌চান তমারে দিয়্যে অবঅ তার্‌ দুঝিগান্‌ অবঅ এধোক্ক্যেন:

গণাণা 34:12

সে পরেদি এই দুঝির চিহ্নোগান্‌ যর্দন গাঙান্‌ ধুরি ধূল্যেচর-সাগরত্‌ যেইনে শেজ্ অবঅ। “চেরোকিত্তে এ বেক্‌ দুঝিগান ভিদিরে ইয়েনোই অবঅ তমার্‌ দেশ।”

দ্বি’লম্বর বিররণ 11:24

দোগিণেদি ধূল্যেচর চাগালাত্তুন্‌ লেবানন সং আর ইউফ্রেটিস গাঙত্তুন্‌ ভুমধ্য সাগর সং তুমি যিয়েনত্‌ টেং ফেলেবা সে জাগায়ান্ তমার্‌ অবঅ।

যিহোশূয় 13:7

ইস্রায়েলীয়গুনোর নয়-গুট্টি আর মনঃশি-গুট্টির অদ্দেক্‌ মান্‌জ্যরে তুই সোম্বোত্তি ইজেবে সিয়েনি ভাগ গুরি দিবে।”