গণাণা 33:56 - Chakma Bible

⁵⁶ সেক্কে মুই তমা উগুরে সিয়েনোই গুরিম যিয়েনি মুই তারা উগুরে গুরিম বিলিনে ঠিগ্ গুরি রাগেয়োং।”

গণাণা 33:56 Iomraidhean Croise

লেবীয় 18:28

তুমিয়ো যুনি দেজ্‌চান ফি-বলা গরঅ সালে সিদুগোর্‌ আগঅ জাদ্‌তুনো ধোক্ক্যেন দেজ্‌চানে তমারেয়ো উগুলিনে ফেলেই দিবো।

লেবীয় 20:23

তমা মুজুঙেত্তুন্‌ মুই যিদুক্কুন্‌ জাদরে দাবেই দিবাত্তে যাঙর্‌ তুমি সেই জাদতুনোর্‌ চালচলন মজিম ন-চলিবা। তারার্‌ সেই চালচলনত্তেই মুই তারারে অমকদ ঘিনাইদে চোগোন্দি দেগং।

গণাণা 33:55

“মাত্তর্‌ তুমি যুনি সেই দেজর্‌ আদাম্মেগুনোরে ধাবেই ন-দুয়ো তো যিগুনোরে তুমি থেবাত্তে দিবা তারা তমার্‌ চোগোত্‌ বুড়্‌শী ধোক্ক্যেন আর ঢাগ আড় কাঁদা ধোক্ক্যেন অবঅ। তুমি সেই দেজত্‌ বজত্তি গুরিবার অক্তত্ তারা তমারে দুঘ্ দিবাক।

গণাণা 34:1

লগেপ্রভু মোশিরে ইস্রায়েলীয়গুনোত্তে এই উগুমান্‌ দিইনে কলঅ, কনান দেজত্‌ সোমেবার্‌ পরেদি সোম্বোত্তি ইজেবে যে দেজ্‌চান তমারে দিয়্যে অবঅ তার্‌ দুঝিগান্‌ অবঅ এধোক্ক্যেন:

দ্বি’লম্বর বিররণ 28:63

যে খুজিলোই লগেপ্রভু তমারে ভালেদি গোজ্যে আর তমার মান্‌জ্যর সোংখ্যে বাড়েই দিয়্যে সেই খুজিলোই সেক্কে তে তমারে ভস্ত গুরিনে শেজ্‌ গুরি দিবো। যে দেজ্‌ছান তুমি গজক্ গুরিবাত্তে যর্‌ সে দেজ্‌ছানত্তুন শিঙোর্‌ সুদ্ধো তমারে তুলি ফেলা অবঅ।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।