গণাণা 32:37 - Chakma Bible

^37-38 রূবেণ-গুট্টির মানুচ্চুনে হিষ্‌বোন, ইলিয়ালী আর কিরিয়াথমিয় শঅর আর নবো, বাল্‌-মিয়োন আর সিব্‌মা নাঙে আদামানি ঠিগ্ গুরিলাক্। ঠিগ্ গুরি নেযেয়্যে আদামানির্‌ নূয়ো নাঙ্‌ দিয়্যে অলঅ। নবো আর বাল্‌-মিয়োন আদামর্‌ নাঙান্‌ বদলা ওইয়্যে।

গণাণা 32:37 Iomraidhean Croise

পত্থম 14:5

সে পরেদি বজরত্‌ রাজা কদর্লায়োমর আর তা সমাজ্যে রাজাগুনে যেইনে রফায়ীয়গুনোরে, সুষীয়গুনোরে, এমীয়গুনোরে আর হোরীয়গুনোরে ওদেই দিলাক্। তারা রফায়ীয়গুনোরে ওদেই দিলাক্‌ অস্তরোৎ-কর্ণয়িমত, সুষীয়গুনোরে ওদেই দিলাক্ হমত্‌, এমীয়গুনোরে ওদেই দিলাক্‌ শাবি-কিরিয়াথয়িমোত্‌ আর হোরীয়গুনোরে ওদেই দিলাক্‌ এল-পারণর সোজা সেয়ীরর মুড়ো-মুড়ি চাগালাত্‌। এল-পারণান এলদে ধূল্যেচর-চাগালা কায়কুরে।

যিশাইয় 15:4

হিষ্‌বোন আর ইলিয়ালী কানের্; তারার মুয়ো রগুন্ যহস সং শুনো যার্। সেনত্তে মোয়াবর্ সৈন্যগুনেয়ো কানদন্ আর তারার মনানি দরে গির্‌‌‌গিরের্।

যিরমিয় 48:1

মোয়াব পৌইদ্যেনে ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “হায় নবো! সিয়েন দঅ ভস্ত ওই যেবঅ। কিরিয়াথয়িমে অসর্মান ওইনে অন্যগুনো আঢত্ যেবঅ; তা ঘিজ্যে দেবালান ভাঙি যেইনে মাজারা ন-থেবঅ।

যিরমিয় 48:34

“তারার্ কানানি রঅগুন্ হিশ্‌‌‌‌‌‌‌‌বোনত্তুন ইলিয়ালী আর যহস সং, সোয়রত্তুন্ হোরোণয়িম আর ইগ্লৎ-শলিশীয়া সং লুম্মেগোই, কিত্তে নিম্রীমর পানিগানঅ শুগেই যার্।

যিহিষ্কেল 25:9

সেনত্তে মুই মোয়াবর এক কিত্তেন্দি দুযিগান খুলি দিম্। সেক্কে মোয়াবর বাঈনী গরেদে শঅরান বৈৎ-যিশীমোৎ, বাল্-মিয়োন আর কিরিয়াথয়িমরে আক্রমণ গরা অবঅ।

গণাণা 21:27

ইয়েনত্যেই কবিগুনে কোইয়োন: “তুমি হিষ্‌বোনোত্‌ এইনে শঅরান্‌ আরঅ বানেইনে তুলো। সীহোনর শঅরান্‌ আরঅ বানেই তুলো ওক্।

গণাণা 32:3

“অটারোৎ, দীবোন, যাসের, নিম্রা, হিষ্‌বোন, ইলিয়ালী, সেবাম, নবো আর বিয়োন নাঙে যেদক্কানি জাগা লগেপ্রভু ইস্রায়েলীয়গুনোর্‌ অধীনোত্‌ আন্যে সে জাগায়ানি য়েমান্‌ পালেবাত্তে অমহদ দোল্‌, আর তর্‌ এই চাগরুনোরঅ য়েমানপাল আগন্‌।

গণাণা 32:36

বৈৎ-নিম্রা আর বৈৎ-হারণ নাঙে কদক্কানি আদাম আর শঅর্‌ দেবাল দিইনে ঘিরিনে ঠিগ গুরিলাক্ আর তারার্‌ গোরু-ভেড়াছাগলর ঘরঅ বানেলাক্।

যিহোশূয় 13:19

কিরিয়াথয়িম, সিব্‌মা, কিজিঙো ভিদিরে মুড়ো-মুড়ি উগুরে সেরৎ-শঅ‌রান্‌,