গণাণা 32:33 - Chakma Bible

³³ মোশি সেক্কে ইমোরীয়গুনোর্‌ রাজা সীহোনর্‌ রেজ্য আর বাশনর রাজা ওগের রেজ্য গাদ আর রূবেণ-গুট্টির মান্‌জ্যরে আর মনঃশি-গুট্টির অদ্দেক্ মান্‌জ্যরে ভাগ গুরি রাগেল। এই মনঃশি যোষেফর পূঅ। গ্রাম আর শঅর আর সিগুনোর্‌ চেরোকিত্তে জাগানি সুদ্ধো বেক্‌ দেজ্‌চান্‌ তে তারাত্তে রাগেল।

গণাণা 32:33 Iomraidhean Croise

১ বংশধর 12:31

মনঃশি-গুট্টির অদ্দেক্‌ বংশ আদার আজার্ মানুচ্‌। এ মানুচ্চুনোরে নাঙ্‌ দিইনে কুয়া ওইয়্যেদে যেনে তারা এইনে দায়ূদোরে রাজা বানান্‌।

১ বংশধর 26:32

যিরিয় বংশর দ্বিআজার্ সাতশঅ জন মানুচ্‌ খেমতাবলা এলাক্‌। তারা অলাক্‌ নিজো নিজো গিরির্ নেতা। রাজা দায়ূদে গোজেন আর রাজার বেক্‌ কামানি গুরিবাত্তে রূবেণীয়, গাদীয় আর মনঃশি-গুট্টির্‌ অদ্দেক্‌ মান্‌জ্য উগুরে এ হিব্রোণীয়গুনোরে নেযা অলঅ।

১ বংশধর 5:18

রূবেণ-গুট্টির, গাদ-গুট্টির আর মনঃশি-গুট্টির অদ্দেক্‌ মান্‌জ্যত্তুন্‌ চোচোল্লিশ আজার্ সাতশঅ ষায়েটজন বোলী মানুচ্‌ যুদ্ধো গুরিবাত্তে যুক্কোল্‌ এলাক্‌। তারা ঢাল, ধামা আর ধনু কার্‌বারানি জানিদাক্‌ আর যুদ্ধোত্‌ বজমান কাবিল্‌ এলাক্‌।

গণাণা 32:1

রূবেণ আর গাদ-গুট্টির মানুচ্চুনোর গোরু, ছাগল আর ভেড়াছাগলর দাঙর্‌ দাঙর্‌ পাল এলাক্। তারা দেগিলাক্ যাসের আর গিলিয়দ দেজ্‌চান্‌ য়েমান পালেবাত্তে অমহদ দোল্‌ জাগা।

গণাণা 32:32

আমি লগেপ্রভুর মুজুঙোত্‌ যুদ্ধোর্‌ পোজাক্‌ উড়িনে গাঙ্‌ পার্‌ ওইনে কনান দেজত্‌ যেবং, মাত্তর্‌ গাঙর্‌ এ পারত্ থেবঅ আমার্‌ সোম্বোত্তিগানি।”

গণাণা 34:14

কিত্যে রূবেণ-গুট্টি, গাদ-গুট্টি আর মনঃশির্‌ অদ্দেক্ গুট্টির বংশগুনে তারার্‌ সোম্বোত্তি আগে আগে পেইয়োন।

গণাণা 34:15

পদথ্‌ যিরীহোর্‌ অন্যকিত্তেন্দি যর্দনর পূগ পারত্‌ তারা সেই সোম্বোত্তিগানি পেইয়োন।”

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

যিহোশূয় 12:1

অরাবা সং জাগানর পুরো পূগেদি ভাক্কান্‌ অর্ণোন কিজিঙোত্তুন্‌ হর্মোণ মুড়োবো সং যর্দন গাঙর্‌ পূগেদি ইমোরীয়গুনোর রাজা সীহোন আর বাশনর রাজা ওগরে ইস্রায়েলীয়গুনে ওদেই দিইনে তারার্‌ চাগালাগানি গজক্ গুরি নেযেয়োন্‌।

যিহোশূয় 12:6

ইস্রায়েলীয়গুনে আর লগেপ্রভুর চাগর্‌ মোশি এ দ্বিজন রাজারে ওদেই দিলো। তে তারার্‌ জাগায়ানি সোম্বোত্তি ইজেবে রূবেণ আহ্‌ গাদ-গুট্টির বেক্কুনোরে আর মনঃশি-গুট্টির অদ্দেক্‌ মান্‌জ্যরে দি যেইয়্যে।

যিহোশূয় 14:3

মোশি আড়াই গুট্টির্ সোম্বোত্তিগানি যর্দনর পূগেন্দি আগে দি যেইয়্যে, মাত্তর্‌ তে লেবি-গুট্টিরে ইস্রায়েলীয়গুনো ভিদিরে কনঅ সোম্বোত্তি ন-দে।

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

যিহোশূয় 22:7

মনঃশি-গুট্টির অদ্দেক্‌ মান্‌জ্যরে মোশি বাশন দেজ্‌চান দিয়্যে, আর যিহোশূয় বাদবাগি অদ্দেক্‌ মানুচ্চুনোরে জাগা দিলো তারার্‌ ইস্রায়েলীয় ভেইয়ুনোর সমারে যর্দনর পোজিমেন্দি। যিহোশূয় তারার্‌ ঘরত্‌ যেবাত্তে বিদেয় দিবার্‌ সময়ানত্‌ বর্ দিইনে কোইয়্যেদে,

১ শমূয়েল 13:7

ভালোক্কুন ইব্রীয় যর্দন গাঙান্‌ পার ওইনে গাদ আর গিলিয়দ চাগালাত্‌ আঢি গেলাক্। শৌল গিল্‌গলদই থেই গেলঅ, আর তা সমারে সৈন্যগুনে দরে গির্‌গিরাদন।