গণাণা 32:32 - Chakma Bible

³² আমি লগেপ্রভুর মুজুঙোত্‌ যুদ্ধোর্‌ পোজাক্‌ উড়িনে গাঙ্‌ পার্‌ ওইনে কনান দেজত্‌ যেবং, মাত্তর্‌ গাঙর্‌ এ পারত্ থেবঅ আমার্‌ সোম্বোত্তিগানি।”

গণাণা 32:32 Iomraidhean Croise

লেবীয় 14:34

যে কনান দেজ্‌চান্‌ সোম্বোত্তি ইজেবে মুই তমারে দিবাত্তে যাঙর্‌ সে দেজত্‌ তুমি চোমেবার্‌ পরেদি সে জাগানর্‌ কনঅ ঘরত্‌ মুই যুনি ছিদি পোজ্যে ক্ষয়-গোজ্যে ফারাঙি সাজুরিবার্‌ বেবস্থা গরঙ্‌,

গণাণা 32:19

যর্দন গাঙর্‌ উইপারত্‌ ইস্রায়েলীয়গুনো সমারে আমি কনঅ সোম্বোত্তি ন-নিবোং, কিত্যে গাঙর্‌ পূগ পারন্দি দঅ আমি সিয়েনি পেবং।

গণাণা 32:31

এই কধাগান্‌ শুনিনে গাদ আর রূবেণ-গুট্টির্‌ মানুচ্চুনে কলাক্, “লগেপ্রভু যিয়েনি কোইয়্যে তর্‌ চাগরুনে সিয়েনই গুরিবাক্।

গণাণা 32:33

মোশি সেক্কে ইমোরীয়গুনোর্‌ রাজা সীহোনর্‌ রেজ্য আর বাশনর রাজা ওগের রেজ্য গাদ আর রূবেণ-গুট্টির মান্‌জ্যরে আর মনঃশি-গুট্টির অদ্দেক্ মান্‌জ্যরে ভাগ গুরি রাগেল। এই মনঃশি যোষেফর পূঅ। গ্রাম আর শঅর আর সিগুনোর্‌ চেরোকিত্তে জাগানি সুদ্ধো বেক্‌ দেজ্‌চান্‌ তে তারাত্তে রাগেল।

গণাণা 34:15

পদথ্‌ যিরীহোর্‌ অন্যকিত্তেন্দি যর্দনর পূগ পারত্‌ তারা সেই সোম্বোত্তিগানি পেইয়োন।”

দ্বি’লম্বর বিররণ 1:1

মোশি যর্দন গাঙর্‌ পূগেন্দি ধূল্যেচর-চাগালাত্, অত্তাৎ অরাবাতত্‌ বেক্‌ ইস্রায়েলীয়গুনো ইদু বালক্কানি কধা কোইয়্যে। তে যিয়েনত্‌ সেদক্কানি কধা কোইয়্যে সেই জাগায়ান এলদে সূফর মুজুঙোন্দি। সিয়েনর্‌ এক কিত্তেন্দি এলদে পারণ আর আরেক কিত্তেন্দি এলদে তোফল, লাবন, হৎসেরোৎ আহ্‌ দীষাহব।

দ্বি’লম্বর বিররণ 29:8

আমি তারার দেজ্‌ছান নেযেইনে সোম্বোত্তি ইজেবে সিয়েন রূবেণীয়, গাদীয় আর মনঃশি-গুট্টির অদ্দেক মান্‌জ্যরে দিয়্যেই।

দ্বি’লম্বর বিররণ 3:12

আমার্‌ অধিকার্‌ গোজ্যে জাগাত্তুন্‌ মুই সেক্কেনে অর্ণোন গাঙর্‌ ইদু অরোয়র শঅরর্‌ বারেন্দি উত্তোর মিক্কে চাগালাগান আর গিলিয়দর্‌ মুড়ো-মুড়ি চাগালার্‌ অদ্দেক্‌ আর সে জাগানর্‌ বেক্‌ আদামানি আর শঅরানি রূবেণ আর গাদ-গুট্টির মানুচ্চুনোরে দিলুং।

যিহোশূয় 12:1

অরাবা সং জাগানর পুরো পূগেদি ভাক্কান্‌ অর্ণোন কিজিঙোত্তুন্‌ হর্মোণ মুড়োবো সং যর্দন গাঙর্‌ পূগেদি ইমোরীয়গুনোর রাজা সীহোন আর বাশনর রাজা ওগরে ইস্রায়েলীয়গুনে ওদেই দিইনে তারার্‌ চাগালাগানি গজক্ গুরি নেযেয়োন্‌।

যিহোশূয় 12:6

ইস্রায়েলীয়গুনে আর লগেপ্রভুর চাগর্‌ মোশি এ দ্বিজন রাজারে ওদেই দিলো। তে তারার্‌ জাগায়ানি সোম্বোত্তি ইজেবে রূবেণ আহ্‌ গাদ-গুট্টির বেক্কুনোরে আর মনঃশি-গুট্টির অদ্দেক্‌ মান্‌জ্যরে দি যেইয়্যে।