গণাণা 32:29 - Chakma Bible

²⁹ তে তারারে কলঅ, “গাদ আর রূবেণ-গুট্টির মরত্তুনে যুনি বেক্কুনে যুদ্ধোর্‌ পোজাক্কোই লগেপ্রভুর্‌ মুজুঙোত্‌ যুদ্ধো গুরিবাত্তে তমা লগে যর্দন্‌ গাঙান্‌ পার্‌ ওই যান্‌, মাত্তর্‌ যেক্কে দেজ্‌চান্‌ তমার্‌ অধীনোত্‌ এবঅ সেক্কে তুমি সোম্বোত্তি ইজেবে গিলিয়দ দেজ্‌চান্‌ তারারে দি দিবা।

গণাণা 32:29 Iomraidhean Croise

গণাণা 32:17

মাত্তর্‌ ইস্রায়েলীয়গুনোরে তারার্‌ নিজোর্‌ জাগানত্‌ লুমেই ন-দেনা সং আমি যুদ্ধোর্‌ সাজে তারার্ আগে আগে যেবাত্তে যুক্কোল আগিই। ইয়েন ভিদিরে আমার্‌ পরিবার্‌বো দেবাল-ঘিজ্যে শঅরত্‌ বজত্তি গুরিবো যেনে এই দেজর্‌ মানুচ্চুনো আঢত্তুন্‌ তারা রোক্ষ্যে পান।

গণাণা 32:28

সেক্কে মোশি এই মানুচ্চুনো পৌইদ্যেনে ধর্মগুরু ইলিয়াসর, নূনোর্‌ পূঅ যিহোশূয় আর ইস্রায়েলীয় গুট্টির নানান্‌ বংশর নেতাগুনোরে উগুম্‌ দিলো।

গণাণা 32:30

মাত্তর্‌ যুনি তারা সিয়েন্‌ ন-গরন্‌ সালে কনান দেজত্‌ তমা সমারে তারার্‌ সোম্বোত্তিগানি নেযা পুরিবো।”

যিহোশূয় 12:6

ইস্রায়েলীয়গুনে আর লগেপ্রভুর চাগর্‌ মোশি এ দ্বিজন রাজারে ওদেই দিলো। তে তারার্‌ জাগায়ানি সোম্বোত্তি ইজেবে রূবেণ আহ্‌ গাদ-গুট্টির বেক্কুনোরে আর মনঃশি-গুট্টির অদ্দেক্‌ মান্‌জ্যরে দি যেইয়্যে।

যিহোশূয় 13:11

গিলিয়দ চাগালাগান্‌, গশূরীয় আর মাখাথীয়গুনোর জাগায়ান্‌, পুরো হর্মোণ মুড়োবো আর সল্‌খা সং পুরো বাশন দেজ্‌চানঅ‌ সে ভিদিরে এলঅ।

যিহোশূয় 14:3

মোশি আড়াই গুট্টির্ সোম্বোত্তিগানি যর্দনর পূগেন্দি আগে দি যেইয়্যে, মাত্তর্‌ তে লেবি-গুট্টিরে ইস্রায়েলীয়গুনো ভিদিরে কনঅ সোম্বোত্তি ন-দে।

যিহোশূয় 18:7

মাত্তর্‌ লেবীয়গুনে তমা লগে কনঅ‌ ভাগ ন-পেবাক্‌, কিত্যে লগেপ্রভু ধর্মগুরু ইজেবে সেবা-কাম্‌ গরানা অলঅ‌ তারার্‌ সোম্বোত্তি। গাদ-আর রূবেণ-গুট্টির মানুচ্চুনে আর মনঃশি-গুট্টির অদ্দেক মানুচ্‌ আগে যর্দন গাঙর্‌ পূগেন্দি তারার সোম্বোত্তিগানি পেইয়োন্‌। লগেপ্রভুর চাগর্‌ মোশি সিয়েন তারারে দি যেইয়্যে।”

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।

বিচের গুরিয়্যেগুন 10:3

তোলয়র পরেন্দি গিলিয়দীয় চাগালাত্‌ যায়ীরে বেইশ বজর ইস্রায়েলীয়গুনোর শাজন্‌‌‌‌গুরিয়্যে এলঅ।

১ শমূয়েল 18:17

শৌল একদিন্যে দায়ূদোরে কলঅ, “মর্‌ দাঙর্‌ ঝিবো মেরবরে মুই তত্তেই বৌ দিম্‌। তুই বানা মর্‌ পক্ষেন্দি বীরো ধোক্ক্যেন লগেপ্রভুত্তে যুদ্ধো গুরিবাক্।” মাত্তর্‌ শৌলর মনর্‌ কধাগান এলদে ইয়েন, তে দায়ূদো উগুরে আত্তান্‌ ন-তুলিলেয়ো দায়ূদে যেনে পলেষ্টীয়গুনোর আঢত্‌ মারা পড়ে।