গণাণা 32:22 - Chakma Bible

²² মাত্তর্‌ দেজ্‌চান লগেপ্রভুর অধীনোত্‌ এজানার্‌ পরেদি তুমি ফিরি এই পারিবা আর লগেপ্রভু আহ্ ইস্রায়েল জাদ উগুরে তমার্‌ কামানিত্তুন্‌ রেহাই পেবা; আর সেক্কে লগেপ্রভুর্ আওজে এই জাগায়ান্‌ তমার্‌ সোম্বোত্তি অবঅ ।

গণাণা 32:22 Iomraidhean Croise

২ শমূয়েল 3:28

যোয়াব আর তা ভেই অবীশয় অব্‌নেররে মারে ফেলেল, কিত্যে তে তারার্‌ ভেই অসাহেলরে গিবিয়োনর যুদ্ধোত্‌ মারে ফেলেয়্যে। পরেন্দি দায়ূদে সে হবরান্‌ পেইনে কলদে, “নেরের পূঅ অব্‌নেরর লো ঝড়ানার্‌ পৌইদ্যেনে মুই আর মঅ রেজ্যগানে লগেপ্রভুর মুুজুঙোত্‌ উমরত্তে নিদ্দুজী। যোয়াব আর তা বাবর্‌ গুট্টিগুনে বেক্কুনে যেনে সে লো-গানির দায়ী অন্‌। যোয়াবর গুট্টিত্‌ আমিঝে যেন কেউ না কেউ চুনুগুলোবোর স্রাব বা চামঅ পিড়েত্‌ ভুগোন, কেউ লুদিক্কোই ভর্‌ দিইনে আদন, কেউ খুন অন বা কেউ খানার অভাবে দুখ্‌ পান।”

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

লেবীয় 14:34

যে কনান দেজ্‌চান্‌ সোম্বোত্তি ইজেবে মুই তমারে দিবাত্তে যাঙর্‌ সে দেজত্‌ তুমি চোমেবার্‌ পরেদি সে জাগানর্‌ কনঅ ঘরত্‌ মুই যুনি ছিদি পোজ্যে ক্ষয়-গোজ্যে ফারাঙি সাজুরিবার্‌ বেবস্থা গরঙ্‌,

দ্বি’লম্বর বিররণ 3:20

লগেপ্রভু যেদকদিন সং তমা ধোক্ক্যেন গুরি তমার্‌ ভেইয়ুনোরেয়ো জিরেবার্‌ সুযোগ নঅ-দে আর যর্দনর্‌ উই পারত্‌ যে দেজ্‌ছান তমা গোজেন লগেপ্রভু তারারে দিবাত্তে যার্‌ সিয়েন্‌ তারা অধিকার্‌ ন-গুরিনে সেদকদিন সং তমাত্তুন্‌ যুদ্ধো গুরিনে যাহ্ পুরিবো। সে পরেন্দি এই যে জাগা-জোমিগানি তমারে দিয়্যে অলঅ ইয়েনত্‌ তুমি ফিরি এই পারিবা।

যিহোশূয় 1:15

লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 10:30

লগেপ্রভু সে শঅরান আর সিদুগোর্ রাজাবোরে ইস্রায়েলীয়গুনো আঢত্‌ তুলি দিলো। যিহোশূয় সে শঅরর্‌ মানুচ্চুনোরে আর বেক্‌ জেদা পরাণবলাগুনোরে মারে ফেলেল, কাররে বাঁজেই ন-রাগেল। তে যিরীহো রাজার যে অবস্থা গোজ্যে সিদুগোর্ রাজার অবস্থায়ো সেধোক্ক্যেন্‌ গুরিলো।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 13:8

মনঃশি-গুট্টির অদ্দেক্‌ মানুচ্‌ আর রূবেণ আহ্‌ গাদ-গুট্টির মানুচ্চুনে যর্দনর পূগেন্দি জাগায়ান সোম্বোত্তি ইজেবে আগে পেইয়োন্‌। লগেপ্রভুর চাগর্‌ মোশি তারাত্তে সে জাগায়ান ঠিগ্‌ গুরি দি যেইয়্যে।

যিহোশূয় 18:1

সে পরেন্দি বেক্‌ ইস্রায়েলীয়গুনে শীলোত্‌ এগত্তর্‌ ওইনে মিলন-তাম্বুলান টাঙেলাক্‌। পুরো দেজ্‌চান্‌ ইস্রায়েলীয়গুনোর অধীনোত্‌ আনা অলেয়ো তারার সাত্তো গুট্টি সেক্কেয়ো সোম্বোত্তি ন-পান্‌।

যিহোশূয় 2:19

সেক্কে যুনি কনজনে তমা ঘরত্তুন নিগিলিনে পদথ্‌ যান্‌ সালে তে নিজেই তার মরানাত্তে দায়ী থেবঅ। আমি তাত্তেই দায়ী ন-অবং। মাত্তর্ যিগুনে তঅ‌ লগে এ ঘরঅ‌ ভিদিরে থেবাক্‌ তারা কারঅ‌ উগুরে যুনি আঢ্ বাজা অয় সালে তার্‌ মরাণাত্তে আমি দায়ী থেবং।

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।