গণাণা 32:14 - Chakma Bible

¹⁴ “আর তুমি, পাপীগুন, তমার বাপ-দাদাগুনোর্‌ জাগাত্‌ এইনে থিয়েইয়ো আর ইস্রায়েলীয়গুনো উগুরে লগেপ্রভুর রাগর্‌ আগুনান আরঅ বাড়েই দুয়ো।

গণাণা 32:14 Iomraidhean Croise

পত্থম 5:3

একশ ত্রিশ বজর বয়জত্‌ আদমর্ এক্কো পুয়ো জর্ম অলঅ। পুয়োবো বারেদি আর ভিদিরেদি রিনি চেলে তা ধোক্ক্যেন্‌ ওইয়্যে। আদমে তা নাঙান্‌ দিলো শেথ।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

২ বংশধর 28:13

তারা কলাক্কে,“সে বন্দীগুনোরে তুমি ইদু ন-আনিবা; আনিলে আমি লগেপ্রভুর ইদু দুষি অবং। আমার্‌ পাপ আর দুজ্‌ছানি লগে কি তুমি আরঅ কিজু মিজেবাত্তে চঅ? আমি দঅ অমকদ দুষি ওইনে আগিই আর লগেপ্রভুর দর্‌গরেপারা রাগ্‌কান ইস্রায়েল উগুরে রোইয়্যে।”

ইষ্রা 10:10

সেক্কে ধর্মগুরু ইষ্রা উদিনে থিয়্যেইনে তারারে কলঅ, “তুমি অবিশ্বেজি ওইয়ো, অন্য জাদর্ মিলেগুনোরে লোইনে তুমি ইস্রায়েলীয়গুনোর্ পাপ সমারে আর পাপ মিজেয়ো।

নহিমিয় 13:18

তমা পূরোণিমানুচ্চুনে কি সে একই কামানি ন-গরন্‌, যিয়েনর্‌ কারনে আমা গোজেনে আমা উগুরে আর এ শঅরান উগুরে এ দজাগান্‌ ঘোদেয়্যে? আর ইক্কিনে তুমি জিরেবার্‌ দিন্নোর্‌ সুদ্ধো-সাংগগান্‌ বর্‌‍বাদ্ গুরিনে ইস্রায়েলীয়গুনো উগুরে গোজেনর আরঅ অহুজিগান্‌ বাড়েই তুল্য।”

ইয়োব 14:4

অসিজিত্তুন্‌ কি কনজনে সিজি কিজু বানেই পারন্‌? কনজনে ন-পারন্‌।

গীতসংহিতা 78:57

তারার পুরোণি মানুচ্চুনো ধোক্ক্যেন তারা গম্ পদত্তুন সুরি যেইনে বেইমানি গুরিলাক্; বজং ধনু ধোক্ক্যেন তারা বেঙা গুরি থেলাক্।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিশাইয় 57:4

তুমি কারে ঠাট্টা গরর্? কারে তুমি মুয়োন ভেঙর্ আর জিলান্ দেগর্? তুমি কি অন্যেয় গুরিয়্যেগুনোর্ বংশ আর মিজে কধা কোইয়্যেগুনোর পুয়ো নয়?

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

গণাণা 32:15

তুমি যুনি তা কধা মজিম ন-আদঅ, সালে তে এবেরায়ো এই বেক্‌ মানুচ্চুনোরে ধূল্যেচর-চাগালাত্‌ ফেলেই রাগেব, আর তুমি অবা তারার্‌ ভস্ত অনার্ কারণান্।”

লূকে লেখ্যে গম্ হবর্ 11:48

সেনত্তে তমা পুরোণি মানুচ্চুনোর্ কামর্ সাক্ষী তুমি আর তারার্ সেই কামানি তুমি মানিয়ো নেজর্। এক কিত্তেদি তারা ভাববাদীগুনোরে খুন্ গোজ্যন্, অন্যকিত্তেদি তুমি সেই ভাববাদীগুনোর গোরানি বানেই রাগর্।

দ্বি’লম্বর বিররণ 9:24

মুই যেক্কেত্তুন্‌ ধুরি তমারে চিনি পাজ্যং সেক্কেত্তুন্‌ ধুরি দেখ্যংগে, তুমি লগেপ্রভুর বিরুদ্ধে বানা উল্লোমী গুরি যল্লোই।