গণাণা 32:13 - Chakma Bible

¹³ ইস্রায়েলীয়গুনো উগুরে লগেপ্রভু রাগে জুলি উঠ্যে আর তা চোগোত্‌ ভান্ন্যেই কাম্‌ গোজ্যে সেই বেক্‌ মানুচ্চুন্‌ শেজ্ ন-ওই যানা সং চোল্লিশ বজর্‌ ধুরিনে তে তারার্‌ ধূল্যেচর-চাগালা ভিদিরে নানান্‌ জাগাত্‌ গুরেয়োন্।

গণাণা 32:13 Iomraidhean Croise

গীতসংহিতা 107:4

তারা ধূল্যেচর-চাগালাত মানুচ্ জন নেইয়্যে জাগাত্ ঘুরিলাক্; বজত্তি গরেদে ধোক্ক্যেন্ কনঅ শঅর্ তারা তোগেই ন-পেলাক্।

গীতসংহিতা 78:33

সেনত্তে তে তারার দিনুন্ বিফলে শেজ্ গুরি দিলো আর দর্‌বুক্ লাগেইনে বজরুন শেজ্ গুরি দিলো।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যাত্রা 16:35

মান্‌জে বজত্তি গরন্‌ এধোক্ক্যেন এক্কান জাগাত্‌, অত্তাত্‌ কনান দেজর্‌ দুঝিত্‌ ন-এজানা সং ইস্রায়েলীয়গুনে চোল্লিশ্‌ বজর্‌ ধুরিনে এই মান্নাগান হেইয়োন।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

গণাণা 14:32

তমার্‌ মরা কিয়্যেগানি এই ধূল্যেচর-চাগালাত্‌ পড়ি থেবঅ।

১ করিন্হীয় 10:5

তো গোজেনে সেই মানুচ্চুনো ভিদিরে বেশির্ ভাগ মান্‌জ্য উগুরে হুজী ন-এলঅ। সেনত্তে তারার্ মরা কিয়্যেনি ধূল্যেচর-চাগালাত্ পড়ি রলঅ।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 2:20

সেনত্তেই লগেপ্রভু ইস্রায়েলীয়গুনো উগুরে রাগে ফুলি উদিনে কলঅ‌, “এ জাদর্‌ পূরোণি মানুচ্চুনোর্‌ সময়োত্‌ মুই যে সুদোমান্‌ থিদে গোজ্যং সিয়েন ইগুনে ন-পালান্‌ আর মঅ কধানিয়ো ন-শুনোন্‌।