গণাণা 32:11 - Chakma Bible

¹¹ যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

গণাণা 32:11 Iomraidhean Croise

গণাণা 14:24

মাত্তর্‌ মর্‌ চাগর্‌ কালেবর মনত্‌ সেধোক্ক্যেন চিদে-সজ্জা নেই আর তে মর্‌ কধাগান্‌ পুরোপুরি মানি চলে। সেনত্তে যে দেজত্‌ তে যেইয়্যে মুই তারে সেই দেজত্‌ লোই যেম্‌ আর তার্‌ বংশধরুনে সিয়েনি সোম্বোত্তি ইজেবে পেবাক।

গণাণা 26:2

“ইস্রায়েলীয়গুনো ভিদিরে যিগুনোর বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন, গোর্‌বো মজিম তুমি তারার্‌ সোংখ্যেগুন্‌ গুণি লঅ।”

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।