গণাণা 32:1 - Chakma Bible

¹ রূবেণ আর গাদ-গুট্টির মানুচ্চুনোর গোরু, ছাগল আর ভেড়াছাগলর দাঙর্‌ দাঙর্‌ পাল এলাক্। তারা দেগিলাক্ যাসের আর গিলিয়দ দেজ্‌চান্‌ য়েমান পালেবাত্তে অমহদ দোল্‌ জাগা।

গণাণা 32:1 Iomraidhean Croise

পত্থম 13:2

অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

পত্থম 13:5

লোট, যিবে অব্রামর সমারে যেইয়্যে, তার নিজোর্‌অ বোউত্‌ গোরু, ভেড়া, ছাগল আর তাম্বুল এলঅ।

পত্থম 29:32

লেয়া পিদিলী অলঅ আর তার্‌ এক্কো পুয়ো অলঅ। তে পুয়োবো নাঙান্‌ রাগেল রূবেণ (যিয়েনর্ ভেদ্‌তান্ “উইয়ো চাহ্, এক্কো পুয়ো”), কিত্তে তে কোইয়্যেদে “লগেপ্রভু মঅ দুঃখান্‌ দেক্ক্যে, সেনত্তে ইক্কুনিত্তুন্‌ ধুরি মঅ নেক্কো হামাক্কায়্‌ মরে কোচ্‌পেবঅ।”

পত্থম 47:4

তারা আরঅ কলাক্, “আমি এ দেজত্‌ কয়েক্‌দিন থেবাত্তে এচ্চ্যেই। কনান দেজত্‌ ইক্কিনে অমকদ ভাদ-রাদ্ চলের্‌ বিলিনে সিধু আমার্‌ ছাগল-ভেড়াগুনে হেবার্‌ ঘাস নেই। সেনত্তে দোয়্যে গুরি তঅ চাগরুনোরে গোশনত্‌ থেবাত্তে উগুম্‌ দে।”

২ শমূয়েল 24:5

তারা যর্দন গাঙান্‌ পার্ ওই যেইনে গাদ চাগালার কলগ ভিদিরে শঅরর্‌ দোগিণে অরোয়েরত্‌ যেইনে তাম্বুল ফেলেলাক্, সে পরেন্দি যাসেরত গেলাক্।

২ শমূয়েল 24:6

সে পরেন্দি তারা গিলিয়দ আহ্ তহতীম-হদ্‌শি চাগালাত্‌ গেলাক্। যেরেন্দি তারা দান-যানত্‌ যেইনে ঘুরিনে সীদোনর ইন্দি গেলাক্।

১ বংশধর 4:41

শিমিয়োন-গুট্টির এই মানুচ্চুনে যিহূদার রাজা হিষ্কিয়োর সময়োত্‌ সিদু যেইয়োন্‌। তারা হামীয়গুনোর থেবার্‌ জাগানিত্‌ যেইনে তারারে আক্রমণ গুরিলাক্‌। ইগুনোরে বাদেয়ো তারা সে জাগার্‌ মিয়ূনীয়গুনোরেয়ো আক্রমণ গুরিনে পুরোপুরিগুরিনে ভস্ত গুরিলাক্‌। তারার্‌ আর কনঅ চিহ্নো ন-রলঅ। সে পরেন্দি তারা সে মানুচ্চুনোর জাগানিত্‌ বজত্তি গরা ধুরিলাক্‌, কিত্তে তারার্‌ য়েমানুনোত্তে সিদু বোজোমান ঘাস্‌ এলঅ।

যাত্রা 12:38

ইস্রায়েলীয়গুনে বাদেয়ো আরঅ বোউত্‌ মানেই আর গোরু-ভেড়াছাগলসুদ্ধো এক্কো দাঙর্‌ য়েমানর্ ঝাক্‌অ‌ তারা সমারে এলঅ‌।

যিরমিয় 22:6

যিহূদার রাজঘরর বেক জাগানি পৌইদ্যেনে লগেপ্রভু কোইয়্যেদে, যুনিয়ো তুই মইধু গিলিয়দ ধোক্ক্যেন আর লেবানন মোন তোগোন ধোক্ক্যেন তো মুই তরে হামাক্কায় ধূল্যেচর-চাগালা ধোক্ক্যেন বা মানুচ্ নেইয়্যে শঅর ধোক্ক্যেন গুরিম।

যিরমিয় 48:32

ও সিব্‌মার আংগুর লদা, মুই যাসেরত্তে যেবাবোত্যে কানিম্ তাত্তুন্‌অ বেশ্ তত্তে কানিম্। তঅ ডেলাগুন সাগর পাড়্‌‌‌‌‌‌‌সং ছিদি যেইয়োন; সিগুন যাসের সাগর পাড় সং লুম্মোন্দোই। মাত্তর্ তঅ হরান্যের্ ফল আর আংগুর উগুরে ভস্তগুরিয়্যেগুনে এই যেইয়োন।

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিরমিয় 8:22

গিলিয়দত্ কি কনঅ মলম নেই? সিয়েনত্ কি কনঅ ডাক্তর্ নেই? সালে মঅ মানুচ্চুনোর কিয়্যেনি কিত্তে গম্ ন-অয়?

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

গণাণা 21:32

মোশি যাসর শঅরত্‌ চর্ পাধেই দেনার পরেদি ইস্রায়েলীয়গুনে সেই শঅরর্‌ কায়-কুরে আদামানি গজক্ গুরি নিলাক আর সেই জাগানর্‌ ইমোরীয়গুনোরে ধাবেই দিলাক্।

গণাণা 32:2

সিয়েনি দেগিনে তারা মোশি আর ধর্মগুরু ইলিয়াসর আর ইস্রায়েলীয় সমাজর্‌ নেতাগুনোরে যেইনে কলাক্‌,

গণাণা 32:26

আমার্‌ ঝি-পূঅ, মোক্‌, ছাগল-ভেড়াছাগল আর গোরুর পালুন্‌ সিদু গিলিয়দর্‌ শঅরানিত্‌ থেবাক।

গণাণা 32:3

“অটারোৎ, দীবোন, যাসের, নিম্রা, হিষ্‌বোন, ইলিয়ালী, সেবাম, নবো আর বিয়োন নাঙে যেদক্কানি জাগা লগেপ্রভু ইস্রায়েলীয়গুনোর্‌ অধীনোত্‌ আন্যে সে জাগায়ানি য়েমান্‌ পালেবাত্তে অমহদ দোল্‌, আর তর্‌ এই চাগরুনোরঅ য়েমানপাল আগন্‌।

গণাণা 32:35

অট্‌রোৎ-শোফন, যাসের, যগ্‌বিহ,

দ্বি’লম্বর বিররণ 33:21

বেক জাগানিত্তুন্ সেরা জাগা তে বেঈ নেযেয়ে; নেতার যগাজ্যে পাওনা তাত্যে রাগেয়্যে আঘে। যুদ্ধোত্‌ এগত্তর ওইয়্যে সর্দারুনো ভিদিরে তেয়ই লগেপ্রভুর ন্যায়ে-ভোজ্যে উগুম পালেয়্যে, পালেয়্যে ইস্রায়েলরে দিয়্যে লগেপ্রভুর সুদোমানি।”

যিহোশূয় 22:13

তারা ধর্মগুরু ইলিয়াসরর পূঅ পীনহসরে গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মানুচ্চুনো ইদু পাদেলাক্।

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।

১ যোহন 2:16

কিয়া জগদ ভিদিরে যিয়েনি আঘে-কিয়্যের্ কামনা, চোগোর্ লুভ আর সংসার পৌইদ্যেনে দেমাগ্-ইয়েনর্ কনগান বাবা ইত্তুন্ ন-এজে, জগদত্তুন্ এজে।

বিচের গুরিয়্যেগুন 5:16

ও রূবেণর মানুচ্চুন, কিত্তে তুমি ভেড়া ছাগল ঘরর দ্বিয়েনর সংমধ্যে বোই এলা তুমি কি গরক্কুনোর বাঁশি শুনিবাত্তে চেইয়ো রূবেণর সৈন্যদলুনো ভিদিরে অমকদ কধালোই মিলেমিলি ন-অলঅ।