গণাণা 31:3 - Chakma Bible

³ সেক্কে মোশি ইস্রায়েলীয়গুনোরে কলঅ, “মিদিয়নীয়গুনোর বিরুদ্ধে যুদ্ধো গুরিবাত্তে তমা ভিদিরেত্তুন্‌ কিজু মান্‌জ্যরে যুদ্ধোর্‌ পোজাক্কোই সাজেইনে নেযঅ, যেনে তারা লগেপ্রভুর ওইনে মিদিয়নীয়গুনোর্‌ পাওনা সাজা দি পারন্‌।

গণাণা 31:3 Iomraidhean Croise

২ রাজাবলী 10:30

লগেপ্রভু যেহূরে কলঅ, “মঅ চোগেন্দি যিয়েনি গম্‌ সিয়েনি গুরিনে তুই গম্‌ গোজ্যস্‌ আর আহাবর বংশর উগুরে মুই যিয়েনি গুরিবাত্তে চেইয়োং সিয়েনিয়ো তুই গোজ্যস্‌, সেনত্তে চের্‌ পুরুষ সং তর্‌ বংশধরুনে ইস্রায়েলর সিংহাসনত্‌ বুজি পারিবাক্‌।”

২ রাজাবলী 9:7

তর্‌ গিরোজ্‌ আহাবর বংশবোরে তুই ভস্ত গুরিবে। ঈষেবলে মঅ চাগরুনোরে, অত্তাৎ ভাববাদীগুনোরে আর লগেপ্রভুর অন্য বেক্‌ চাগরুনোরে যে লো ঝোরেয়্যে সিয়েনর হেনাবো মুই সুজিম্‌।

যাত্রা 17:16

মোশি কলঅ, “লগেপ্রভুর্‌ সিংহাসনর বিরুদ্ধে আত্‌ তুলো ওইয়্যে, সেনত্যেই বংশর পর বংশ ধুরিনে লগেপ্রভু অমালেকীয়গুনোর্‌ বিরুদ্ধে থেবঅ‌।”

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

লেবীয় 26:25

মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।

গণাণা 25:11

“ধর্মগুরু হারোণর নাদিন্‌, অত্তাৎ ইলিয়াসরর্‌ পূঅ পীনহস ইস্রায়েলীয়গুনো উগুরেত্তুন্‌ মর্‌ রাক্কান্‌ দূর্‌ গোজ্যে। ইস্রায়েলীয়গুনো ভিদিরেত্তুন্‌ তে মর্‌ পাওনা ভোক্তিগান পৌইদ্যেনে মঅ ধোক্ক্যেন আওজী। সেনত্তেই মর্‌ পাওনা ভোক্তিগান পৌইদ্যেনে মর্‌ অমহদ আওজ্ থেলেয়ো মুই তারারে শেজ্ গুরিবাত্তে ন-দুয়োং।

গণাণা 25:13

তে তার্‌ গোজেনর্ পাওনা ভোক্তিগান পৌইদ্যেনে আওজী ওইনে ইস্রায়েলীয়গুনোর পাপ্পানি নাঢি দিবার্‌ কামান গোজ্যে বিলি মুই তাত্তে এধোক্ক্যেন সুদোম থিদেবর্ গোজ্যং যেনে ধর্মগুরুবোর্ পদ্‌তান্‌ তার্‌ আর তার্‌ বংশধরুনো ভিদিরে উমরত্যে ধুরি থায়।”

গণাণা 31:4

ইস্রায়েলীয়গুনোর্‌ পত্তি গুট্টিত্তুন্‌ এক আজার্ গুরিনে মানুচ্‌ নেযেইনে যুদ্ধোত্‌ পাধেই দে।”

বিচের গুরিয়্যেগুন 5:2

ইস্রায়েলর নেতাগুনে যুদ্ধোত্‌ মানুচ্চুনোরে পরিচালনা গোজ্যন্‌, আর মানুচ্চুনেয়ো নিজোর্ আওজে উজেই গেলাক্‌। লগেপ্রভুর বাঈনী ওক্

বিচের গুরিয়্যেগুন 5:23

লগেপ্রভুর দূত্তো কলঅ, মেরোসরে অভিশাব দে, জদবদেগুরিনে অভিশাব দে সে জাগার মানুচ্চুনোরে; তারা কনজনে যুদ্ধোত্‌ লগেপ্রভু লগে ন-মিজেন্‌, ন-মিজেন্দোই বোলীবন্দগুনোর বিরুদ্ধে।