গণাণা 31:22 - Chakma Bible

^22-23 সনা, রূবো, পিদোল, লো, টোন্, সিজে আর যিয়েনি আগুনো গরমে বর্‌বাদ্ ন-অয় সিয়েনি আগুনোর্‌ ভিদিরেন্দি তমাত্তুন্‌ চালেই যাহ্ পুরিবো, সে পরেদি সিয়েনি সিজি অবঅ। মাত্তর্‌ তো সিয়েনি সিজি গরেদে পানিলোই শুদ্ধো গুরি নেযা পুরিবো। যিয়েনি আগুনো গরমে বর্‌বাদ্ ওই যায় সিয়েনি সিজি গরেদে পানিত্‌ ভুরে থঅ পুরিবো।

গণাণা 31:22 Iomraidhean Croise

পত্থম 4:22

সিল্লার পেদত্‌ তূবল-কয়িনোর জর্ম অলঅ। পিদোল আর লোয়ার নানান্‌ বাবোত্যে মিশিন বানানা তার কাম। তূবল-কয়িন বোন্নোর্ নাঙান এলঅ নয়মা।

ইয়োব 28:2

মাদিত্তুন্ লুয়ো তুলো অয়, আর ধাতু-পাত্তর্ গোলেইনে নিগিলে অয় তামা।

গণাণা 31:13

মোশি, ধর্মগুরু ইলিয়াসর আর ইস্রায়েলীয়গুনোর্‌ নেতাগুনে বেক্কুনে তাম্বুলোর্‌ বারেন্দি তারা লগে দেগা গুরিবাত্তে গেলাক্।

গণাণা 31:21

যিদুক্কুন সৈন্য যুদ্ধোত্‌ যেইয়োন্‌ ধর্মগুরু ইলিয়াসরে তারারে কলঅ, “ইবে অলঅ মোশিরে দিয়্যে লগেপ্রভুর্‌ রীদি-সুদোমর্ এক্কো ধারা।

যিহোশূয় 6:19

বেক্‌ সনা, রূবো আহ্‌ পিদোল আর লুয়োর পযাবিরেনি লগেপ্রভুর নাঙে যুদো গরানা; সেনত্তেই সিয়েনি তার ধনভান্ডালত্‌ যেবঅ‌।”

যিহোশূয় 8:27

লগেপ্রভু যিহোশূয়রে যেধোক্ক্যেনগুরি উগুম দিয়্যে সেধোক্ক্যেনগুরি ইস্রায়েলীয়গুনে সে শঅরর্‌ এ্যমানর পালুন্‌ আর লুদেয়্যে পযাবিরেনি নিজোত্তেই নেযেলাক্‌।