গণাণা 31:10 - Chakma Bible

¹⁰ মিদিয়নীয়গুনে যেদক্কানি শঅরত্‌ বজত্তি গুরিদাক সেই বেক শঅরানি আর শঅরর্‌ বারেন্দি তাম্বুল বানেইনে বজত্তি গুরিবার জাগায়ানি তারা পুড়ি ফেলেলাক্।

গণাণা 31:10 Iomraidhean Croise

পত্থম 25:16

ইশ্মায়েলর এ বারজন পুয়ো এলাক্‌ বারবো গুট্টির্‌ সদ্দার্। তারা নাঙানি অনুসারে তারার আদাম আর আদাম বারেন্দি তাম্বুল-তাঙেবার জাগার্ নাঙানি রাগা ওইয়্যে।

১ রাজাবলী 9:16

ইয়েনর্‌ আগেন্দি মিসরর রাজা ফরৌণে গেষর গজক্ গুরিনে সিয়েন্‌ আগুনোত্‌ পুড়ি দিয়্যে আর সিদুগোর্‌ আদাম্মে কনানীয়গুনোরে মারে ফেলেয়্যে। যেরেন্দি তে জাগায়ান তা ঝিবোরে, অত্তাৎ শলোমনর্ মোক্কোরে বৌর্‌ ডাবা ইজেবে দিয়্যে।

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

গণাণা 31:11

সে পরেদি তারা মোশি, ধর্মগুরু ইলিয়াসর আর বেক্‌ ইস্রায়েলীয়গুনো ইদু যেবাত্তে তারার্‌ লুদেয়্যে পযাপিরানি, মানুচ্‌ আর য়েমানপালুন নেযেইনে তাম্বুল ইন্দি উজেই গেলাক্। সেক্কে তারার্‌ তাম্বুলান্‌ এলদে যিরীহোর উগুদোন্দি যর্দন গাঙর্‌ পাড়ত্‌ মোয়াবর সংজাগানত্।

গণাণা 31:9

তারা মিদিয়নীয়গুনোর্‌ মিলেমানুচ্চুনোরে আর ঝি-পূঅগুনোরে বোন্দী গুরিলাক্ আর তারার্‌ বেক্‌ গোরু, ছাগল আর ভেড়াছাগলর পালুন আর পযাপিরানি লুদেলাক্।

যিহোশূয় 6:24

সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।