গণাণা 30:13 - Chakma Bible

¹³ মোক্কো যে মানত্‌ গুরিবো বা শমক্‌ খেইনে কনঅ কিজু ইড়িবার্‌ এগেম্ গুরিবো সিয়েনি মানি নেযানা বা বাদ্ দি দিবার্‌ অধিকার্‌ নেক্কোর্‌ থেবঅ।

গণাণা 30:13 Iomraidhean Croise

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

গীতসংহিতা 35:13

তো তারার্ অসুগোর্ সময়োত্ মুই বস্তা ফাদা সিলুম্ উয্যং; উবোস্ থেইনে নিজোরে বল্‌‌পোজ্যে গোজ্যং; মাত্তর্ মঅ তবনাগান মইদু ফিরি এচ্চ্যে।

যিশাইয় 58:5

মুই কি এবাবোত্যে উবোস্ থানাগান্ চেইয়োং? তমার্ উবোস্ থানাগান দঅ বানা নিজোরে দুঘ্ দেনা; সিয়েন বানা নল-খাগাড়া ধোক্ক্যেন মাঢাবো লোঙেয়্যে আর বস্তা ফাদা আহ্ ছেইয়ো উগুরে পড়ি থানা। ইয়েনরে কি তুমি উবোস্ থানা আর লগেপ্রভুর দোয়্যে দেগেবার দিন কঅ?

লেবীয় 16:29

ইয়েনর্ পরেদি যিয়েন্‌ কঙর্‌ সিয়েন্‌ তমাত্তে এক্কান্‌ থিদেবর ‍সুদোম ওই থেবঅ। বজরর্‌ সাত্‌ মাজর্‌ দশ দিনোত্‌ তুমি বেক্কুনে নিজোর্‌ মনানি ভাঙিচুরি দুঘ্ স্বীগের্‌ গুরিবা। সে দিনোত্‌ কনঅ কাম্‌ গরানা ন-চুলিবো। ইস্রায়েলীয় ওক্‌ কিম্বা ইস্রায়েলীয়গুনোর্‌ ভিদিরে বজত্তি গোজ্যে অন্য জাদর্‌ মানুচ্‌ ওক্‌, বেক্কুনোত্তুন্‌ সিয়েন্‌ মানা পুরিবো,

লেবীয় 23:27

“এ সাত মাজর্‌ দশ দিনোর্‌ দিন্নো অবঅ পাপ ঢাগি দিবার দিন। সেদিন্যে তমার্‌ এক্কো পবিত্র মিলন-সভা অবঅ আর নিজোর্‌ মনান্‌ ভাঙিচুরি দুখস্বীগের্‌ গরা পুরিবো। তমার্‌ সেদিন্যে লগেপ্রভুর্ নাঙে আগুন্দোই-গোজ্যে উৎসর্বর্‌ অনুষ্ঠান গরা পুরিবো।

লেবীয় 23:32

সেদিন্নো অবঅ তমাত্তে এক্কো জিরেবার দিন। সেদিন্যে তমার দুখস্বীগের্‌ গরা পুরিবো। সেই মাজর্‌ নয় দিনোত্‌ সাজোন্যেত্তুন্‌ ধুরি আরাম্ভ গুরি তার্‌কেল্যে সাজোন্যে সং তুমি এ জিরেবার দিন্নো পালন গুরিবা।”

গণাণা 29:7

এই সাত মাজর্ দশ দিনোত্অ এক্কো সুদ্ধো-সাংগ মিলন-সভা গরা পুরিবো। এই দিন্নোত্‌ তুমি পত্তিজনে নিজোর্‌ মনানি ভাঙিচুরি দুখ্‌ স্বীগের গুরিবা আর বেক্‌ কাম গরানাগানি বন্ধ রাগেবা।

গণাণা 30:12

মাত্তর্‌ যুনি তা নেক্কো সেই কধাগান্‌ শুনোনার্‌ লগে লগে সিয়েন্‌ নাকচ্‌ গুরি দে সালে তার্‌ সেই মানত্‌ বা এগেমান্‌ বাদ্ ওই যেবঅ। তা নেক্কো বেক্কানি নাকচ্‌ গোজ্যে বিলি লগেপ্রভু তা মান্যেগান্ বা এগেমান্‌ ভাঙানা ক্ষেমা গুরিবো।

গণাণা 30:14

মাত্তর্‌ যুনি তা নেক্কো দিনোর্‌ পর্‌ দিন সে পৌইদ্যেনে কিচ্ছু ন-কোইনে অলর্ গুরি থায়্‌ সালে সেক্কে তা মোক্কোর্‌ মানত্‌ বা এগেমর্ বাঁনা খেইয়্যেগান পাগানা ওই যায়। বেক্‌ কধানি শুনোনার্‌ লগে লগে তার্‌ এই যে অলর্ গুরি থানাগান্ সিয়েন্‌ তা মোক্কোর্‌ মান্যেগান্ বা এগেমানরে ধর গুরি দে।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ করিন্হীয় 11:9

মিলেগুনোত্তে মরদরে বানা ন-অয় মাত্তর্ মরদত্যে মিলেগুনোরে বানা ওইয়্যে।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।