গণাণা 30:12 - Chakma Bible

¹² মাত্তর্‌ যুনি তা নেক্কো সেই কধাগান্‌ শুনোনার্‌ লগে লগে সিয়েন্‌ নাকচ্‌ গুরি দে সালে তার্‌ সেই মানত্‌ বা এগেমান্‌ বাদ্ ওই যেবঅ। তা নেক্কো বেক্কানি নাকচ্‌ গোজ্যে বিলি লগেপ্রভু তা মান্যেগান্ বা এগেমান্‌ ভাঙানা ক্ষেমা গুরিবো।

গণাণা 30:12 Iomraidhean Croise

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 44:19

মিলেগুনে আরঅ কলাক্, “আমি যেক্কে আগাজ-রাণী নাঙে আগর্‌বাট্টি জ্বালেদং আর পানীয়-উৎসর্বর অনুষ্ঠান গুরিদোং আর তা ধোক্ক্যেন পিদে বানেদং সেক্কে কি আমা নেক্কুনে সে কধানি হবর্ ন-পেদাক্?”

গণাণা 15:25

ধর্মগুরুবোত্তুন্‌ গোদা ইস্রায়েল জাদ্‌তোর্‌ সেই অন্যেয়ান ঢাগি দিবার্‌ বেবস্থা গরা পুরিবো। সেক্কে তারারে ক্ষেমা গরা অবঅ, কিত্যে তারা নিজোর্ আওজে সিয়েন্‌ ন-গরন্‌ আর তারার্‌ ভুলোত্তে তারা লগেপ্রভুর নাঙে আগুন্দোই-গোজ্যে উৎসর্ব আর পাপ-উৎসর্বর সুদোম গোজ্যন।

গণাণা 15:28

ভুল গুরিনে যে মানুচ্চো ইঙিরিনে অন্যেয় গুরিবো ধর্মগুরুবোত্তুন্‌ লগেপ্রভুর্ মুজুঙোত সে মানুচ্চোর্‌ অন্যেয়ানি ঢাগিবার বেবস্থা গরা পুরিবো। সেই অন্যেয়ানি ঢাগি দিয়া অলে পরেদি তারে ক্ষেমা গরা অবঅ।

গণাণা 30:13

মোক্কো যে মানত্‌ গুরিবো বা শমক্‌ খেইনে কনঅ কিজু ইড়িবার্‌ এগেম্ গুরিবো সিয়েনি মানি নেযানা বা বাদ্ দি দিবার্‌ অধিকার্‌ নেক্কোর্‌ থেবঅ।

গণাণা 30:5

মাত্তর্‌ সেই কধাগান্‌ শুনোনার্‌ লগে লগে যুনি তা বাবে তারে মানা গরে সালে তার্‌ মান্যেগান্ বা যিয়েন্‌ এগেম্ গুরি তে নিজোরে বাঁন্যে সিয়েন্‌ বাদ্ ওই যেবঅ। তা বাবে মানা গোজ্যে বিলি লগেপ্রভু তা মান্যেগান বা এগেমান ভাঙানা ক্ষেমা গুরিবো।

গণাণা 30:8

মাত্তর্‌ সেই কধাগান্‌ শুনোনার্‌ লগে লগে যুনি তা নেক্কো তারে মানা গরে সালে তার্‌ সেই মান্যেগান্‌ বা চিদে-সজ্জা ন-গুরিনে গোজ্যে এগেমান্ শেজ্ ওই যেবঅ আর লগেপ্রভুয়ো তার্‌ মান্যে বা এগেমান্‌ ভাঙানা ক্ষেমা গুরিবো।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ শমূয়েল 1:23

তার নেক্কো ইল্‌কানা তারে কলদে, “তুই যিয়েন গম্ বিলি মনে গরচ্‌ সিয়েনই গর্‌। পূঅবোরে দুধ ন-এরানা সং তুই ইদু থাক্। লগেপ্রভু যেনে তার মান্যাগান পূরোণ গরে।” সেনত্যেই হান্না ঘরত্ রলঅ আর পূঅবোরে দুধ ন-ছাড়ানা সং দেগাশুনো গরা ধুরিলো।