গণাণা 3:25 - Chakma Bible

²⁵ মিলন-তাম্বুল পৌইদ্যেনে গের্শোনীয়গুনোর্‌ দায়িত্তো এলঅ থেবার-তাম্বুলান, তা উগুরে বিজেইয়ে ছাগল কেজর্‌ ঢাগনি, তা উগুরে ছাল্‌ দ্বিয়েন, মিলন-তাম্বুলত চুমিবার্‌ দোরানর পর্দাগান্‌,

গণাণা 3:25 Iomraidhean Croise

১ বংশধর 23:32

ইঙিরিনে লেবীয়গুনে মিলন-তাম্বুলোর আর পবিত্র জাগানি দেগাশুনো গুরিদাক্‌ আর লগেপ্রভুর ঘর সেবা-কামত্তে তারার্‌ ভেই হারোণ বংশধরুনো অধীনোত্‌ কাম্‌ গুরিদো।

২ বংশধর 31:2

পূজ্যে-উৎসর্ব আর উদোলোলি-উৎসর্বর পরব্‌পান গুরিবাত্তে, সেবা-কামত্তে আর গোজেনর ঘরত্‌ পাত্তুরু তুরু আর নাঙ্ গিনেদে-গীদ গুরিবাত্তে হিষ্কিয় ধর্মগুরু আর লেবীয়গুনোর্‌ পত্তিজনর্‌ কাম্‌ মজিম তারারে নানান্‌ বাবোত্যে দলরে নেযেল।

যাত্রা 25:9

যে চিহ্নোগান্‌ মুই তরে দেগেবাত্তে যাঙর্‌ ঠিগ্ সেধোক্ক্যেন গুরিই তুই মর্‌ এ থেবার-তাম্বুল আর বেক্‌ সরঞ্জামানি বানেই লবে।

যাত্রা 40:19

সে পরেদি লগেপ্রভুর্‌ উগুম মজিম্ তে থেবার্‌-তাম্বুল উগুরে ছাগল কেশ্‌চোই বুন্যে কট্টাবো বিজেই দিলো আর তা উগুরে দ্বিয়েন্‌ ছাল্‌ দিলো।

যাত্রা 40:28

সে পরেন্দি তে থেবার-তাম্বুল দোরানত্ পর্দানি টাঙেল।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 10:17

সে পরেদি থেবার-তাম্বুলান খুলি ফেলা অলঅ আর গের্শোনীয় আর মরারীয়গুনে সিবে বুয়োই নেযা ধুরিলাক্।

গণাণা 3:24

গের্শোনীয় বংশগুনোর্‌ নেতা এলঅ লায়েলর পূঅ ইলীয়াসফ।

গণাণা 3:7

তারা বেক্‌ ইস্রায়েলীয়গুনোর্‌ ওইনে মিলন-তাম্বুলোত হারোণর অধীনোত্‌ থেবার-তাম্বুলর কাম্‌ গুরিবাক।

গণাণা 7:7

গের্শোনীয়গুনোর্‌ কাম মজিম তে দ্বিয়েন্‌ গাড়ি আর চেরবো বলদগোরু তারারে দিলো,

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,