গণাণা 3:10 - Chakma Bible

¹⁰ ধর্মগুরু ইজেবে কাম গুরিবাত্তে তুই হারোণ আর তার পূঅগুনোরে নেযা। তারা বাদেয়ো আর কনজনে যুনি ধর্মগুরুর কাম্‌ গুরিবাত্তে যান্‌ সালে তারে মারে ফেলা অবঅ।”

গণাণা 3:10 Iomraidhean Croise

২ শমূয়েল 6:7

উষর এ ভোক্তিনেইয়্যে কামানিত্তে তা উগুরে লগেপ্রভু রাগে জুলি উদিলো। সেনত্তে লগেপ্রভু তারে আঘাত গুরিলো, আর সেক্কে তে লগেপ্রভুর সুন্দুক্কোর্‌ কায়-কুরে মুরি গেলঅ।

১ রাজাবলী 12:31

যারবিয়ামে পূজোর অজল্‌ জাগায়ানিত্‌ মন্দির্‌ বানা ধুরিলো আর এমন্‌ মানুচ্চুনোত্তুন্‌ ধর্মগুরু নেযেল যিগুনে লেবির বংশর মানুচ্‌ ন-এলাক্‌।

১ বংশধর 6:32

শলোমনে যিরূশালেমত্‌ লগেপ্রভুর ঘরান্‌ ন-বানানা সং সে মানুচ্চুনে থেবার-তাম্বুলো মুজুঙোত্‌, অত্তাৎ মিলন-তাম্বুলো মুজুঙোত্‌ গান-বাজনা গুরিনে লগেপ্রভুর সেবা-কামানি গুরিদাক্‌। তারাত্তে যে সুদোমান ঠিগ্‌ গুরি দিয়্যে ওইয়্যে সে ইজেবে তারা নিজো কামানি গুরিদাক্‌।

নহিমিয় 6:11

মাত্তর্‌ মুই কলুঙ্‌, “মঅ ধোক্ক্যেন্‌ মান্‌জ্যর্‌ কি ধেই যানা উজিত্‌? বা মঅ ধোক্কেন্‌ কনজনর্‌ কি তার্‌ নিজো পরাণান্‌ রোক্ষ্যে গুরিবাত্তে তবনা-ঘরর্‌ ভিদিরে যানা উজিত্‌? মুই ন-যেম্‌।”

যিহিষ্কেল 44:8

মঅ সুদ্ধো-সাংগ পযাপিরানি উগুরে তমার্ যে কাম্ গুরিবার কধা সিয়েনি ন-গুরিনে মঅ ঘরর্ ভারান্ তুমি অন্যগুনো আঢত্ তুলি দুয়ো।

লেবীয় 22:10

“ধর্মগুরুগুনোর্‌ পরিবারর্‌ মানুচ্‌ বাদে আর কনজনে উৎসর্ব গোজ্যে পবিত্র জিনিস্ হেই ন-পারিবাক্। ধর্মগুরুগুনোর্‌ কনঅ গর্বা বা কামগুরিয়েগুনে সিয়েন্‌ হেই ন-পারিবাক্।

গণাণা 1:51

থেবার্‌-তাম্বুলান যেক্কে অন্য কনকিত্তে নেযা পুরিবো সেক্কে লেবীয়গুনেই সিবে খুলিবাক আর যেক্কে সিবে মিলেই জানা পুরিবো সেক্কে তারাত্তুনো সিবে মিলে পুরিবো। অন্য কনজনে তাইদু গেলে তারে মারে ফেলা অবঅ।

গণাণা 16:10

তে তরে আর অন্য বেক্‌ লেবীয়গুনোরে নিজোর্‌ ইদু আন্যে, মাত্তর্ তুমি ইক্কিনে ধর্মগুরুগুনোর পদ্‌থানঅ গজক্ গুরি নিবাত্তে চঅর্‌।

গণাণা 16:35

ইন্দি যে দিশঅ পঞ্চাশজন মান্‌জ্যে পৌইরেগ্ উৎসর্ব গোজ্যন্‌ লগেপ্রভু ইত্তুন্‌ আগুন্‌ নিগিলি এইনে তারারে পুড়ি ফেলেল।

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 18:3

তর্‌ অধীনোত্‌ থেইনে সাক্ষ্য-তাম্বুলোর বেক্‌ কামানি তারাত্তুন্‌ গরা পুরিবো, মাত্তর্‌ পবিত্র তাম্বুলোর কনঅ জিনিজো ইদু বা পূজোবো ইদু তারা যেই ন-পারিবাক্। সিয়েন গুরিলে তুমি আর তারা বেক্কুনে মারা পুড়িবা।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

গণাণা 3:11

লগেপ্রভু মোশিরে আরঅ‌ কলঅ,

গণাণা 3:38

মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

রোমীয় 12:7

যুনি সিয়েন সেবা গুরিবার্ খেমতা অয় সালে তে সেবা গোরোক্। যে শিক্ষ্যে দিবার্ খেমতা পেইয়্যে তে শিক্ষ্যে দোক্;

ইফিষীয় 2:19

ইয়েনত্যে তুমি আর্ ন-চিন্ন্যেয়ো নয়, বিদেশিয়ো নয়, মাত্তর্ গোজেনর্ মানুচ্চুনো সমারে তুমিয়ো তা রেজ্যর্ আর তা পরিবারর্ মানুচ্ ওইয়ো।

দ্বি’লম্বর বিররণ 18:5

কিত্যে তমার গোজেন লগেপ্রভু তমার বেক্‌ গুট্টিগুনো ভিদিরেত্তুন লেবীয়গুনোরে আর তারার বংশধরুনোরে বেঈ লোইয়্যে, যেনে তারা আমিঝে লগেপ্রভুর নাঙে সেবার কামানি গুরি পারন।

ইব্রীয় 8:4

মাত্তর্ তে যুনি ইক্কিনে এ জগদত্ থেদঅ সালে ধর্মগুরু ওই ন-পারিদো, কিয়া ইধু রীদি-সুদোম মজিম উৎসর্ব গুরিবাত্যে ধর্মগুরু দঅ আঘে।

বিচের গুরিয়্যেগুন 17:5

মীখার এক্কান্‌ মন্দির এলঅ। তে এক্কো এফোদ আর কয়েক্কো দেবেদামূত্তি বানেইনে তার এক্কো পূঅরে ধর্মগুরু-ইজেবে বোজেল।

১ শমূয়েল 6:19

বৈৎ-শেমশর কিজু মানুচ্ লগেপ্রভুর সুন্দুক্কো ভিদিরে খুলিনে চেইয়োন বিলি লগেপ্রভু তারারে মারে ফেলেল। তে সেক্কে সে জাগানর্‌ পঞ্চাশ আজার সত্তুর জন মান্‌জ্যরে মারে ফেলেল। তে এই জদবদে আঘাত্তান্‌ গোজ্যে বিলি মানুচ্চুনে আবিলেচ্‌ খা ধুরিলাক্।