গণাণা 29:12 - Chakma Bible

¹² সাত মাজর্ পন্দর তারিগোত্ এক্কো সুদ্ধো-সাংগ মিলন-সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো। তুমি লগেপ্রভুর্ নাঙে সাত দিন ধুরিনে উৎসব পালন গুরিবা।

গণাণা 29:12 Iomraidhean Croise

১ রাজাবলী 12:32

যিহূদা চাগালার্‌ ভিদিরে যে পরপ্পুন্‌ অদাক্‌ সে পরব ধোক্কেন আস্‌তো মাজর্‌ পন্দর দিনোর্‌ দিন্নোত্‌ তে বৈথেলত্‌অ ইক্কো পরবর্‌ বেবস্থা গুরিলো আর নিজোর্‌ বানেয়্যে গোরু ছবোর্‌ নাঙে ডালিপূজোবো উগুরে এ্যমান্‌ উৎসর্ব গুরিলো। তে বৈথেলত্‌ পূজোর্‌ অজল্‌ জাগানিত্‌ তার্‌ বানেয়্যে মন্দিরোত্‌ ধর্মগুরুয়ো নেযেল।

ইষ্রা 3:4

সে পরেদি তারা বোইবোর কধামজিম্ নাঢা মান্‌‍‍জ্যর্ ঘরর্ পরব্ পালেলাক্ আর পত্তি দিনোর্ ঠিগ সংখ্যে মজিম্ পূজ্যে-উৎসর্গর অনুষ্ঠান গুরিলাক্।

নহিমিয় 8:14

তারা রীদি-সুদোম ভিদিরেন্দি দেগিলাক্কে মোশির মাধ্যমে লগেপ্রভু এ উগুমান্‌ দিলো, সাত্‌ মাসর্‌ পরবর্‌ অক্তত্‌ ইস্রায়েলীয়গুনে নাদা মান্‌জ্যর-ঘরত্‌ বজত্তি গুরিবাক্‌,

নহিমিয় 8:18

পত্তম দিনোত্তুন্‌ ধুরি আরাম্ভ গুরিনে শেজ দিন সং ইষ্রা পত্তিদিন গোজেনর রীদি-সুদোম বোইবোত্তুন্‌ পড়া ধুরিলো। মানুচ্চুনে সাত দিন সং পরপ্‌বো পালেলাক্‌ আর আস্‌তো দিনোত্‌ সুদোম্‌ মজিম শেজ দিনোত্‌ বিশেজ্ তেম্মাং অলঅ।

যাত্রা 23:16

তুমি খেদত্‌ যিয়েনি লাগেবা সিয়েনির্ পত্তম ফসল্লোই ক্ষেত-ক্ষেত্তি কাবিবার্‌ পরপ্পো পালেবা। চাষকামর্‌ শেষ্‌ মাজত্‌ ক্ষেদত্তুন্‌ ফসল্‌ তুলিবার্‌ অক্তত্‌ তুমি ফসল তুবেবার্ পরপ্পো পালেবা।

যাত্রা 34:22

গম কাবানার্‌ অক্তত্‌ পত্তম কাপ্যে গমুন্দোই সাত সাপ্তার্‌ পরব্‌ পালন্‌ গুরিবা আর চাষ কামর শেজ মাস্‌চোত্‌ পালন্‌ গুরিবা ফসল থুবেবার্‌ পরব্‌।

যিহিষ্কেল 45:25

সাত মাসর্ পনর দিনোত্ যে সাত দিনোর্ পরব্ আরাম্ভ অয় সে অক্তত্ উৎসর্বত্তে শাশন্‌গুরিয়্যেবো পাপ-উৎসর্বর্, পূজ্যে-উৎসর্বর আর শোজ্য-উৎসর্বর জিনিস আর তেল দিবো।

লেবীয় 23:7

এ সাত দিনোর্‌ পত্তম দিনোত্‌ পবিত্র মিলন-সভা অবঅ আর সেদিন্যে তমার্‌ কনঅ দুঘোর্‌ কাম্‌ গরানা ন-পুরিবো।

গণাণা 29:1

সাত মাজর্ পত্তম দিন্নোত্‌ তুমি এক্কো সুদ্ধো-সাংগ মিলন-সভা গুরিবা। সেদিন্যে তমার্‌ কনঅ দুঘোর্‌ কাম্‌ গরানা ন-চলিবো। সেদিন্নো অবঅ তমার্‌ শিংগা বাজেবার দিন।

গণাণা 29:13

লগেপ্রভুরে খুজি গুরিবার তুম্বাজ ইজেবে এক্কান আগুন্দোই-পুজ্যে উৎসর্ব গরা পুরিবো। ইয়েনত্তে তেরবো বলদ, দ্বিবে ভেড়াছাগল আর চৌদ্দোবো এক বোজোজ্যে ভেড়াছাগলর ছলোই এক্কান পুজ্যে-উৎসর্বর অনুষ্ঠান গরা পুরিবো। ইগুনোর পত্তিবো দাগ্‌-দুগ্‌ নেইয়্যে ওয়া পুরিবো।

গণাণা 29:35

আস্‌তো দিনোত্‌ শেজঅ দিন্নোর বিশেজ সভা গরা পুরিবো আর সেদিন্যে তমার্‌ কনঅ দুঘোর্ কাম্‌ গরানা ন-চলিবো।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।