গণাণা 27:4 - Chakma Bible

⁴ মাত্তর্‌ সিয়েন্‌ অই বিলিনে কিত্তে আমা বাপ্পো নাঙান্‌ তা বংশত্তুন্‌ বাদ যেবঅ? বাবর্‌ বংশর্‌ মানুচ্চুনো সমারে আমা সোম্বোত্তির্‌ অধিকার্‌ দে।”

গণাণা 27:4 Iomraidhean Croise

গীতসংহিতা 109:13

তারার গুট্টিগুনোরে মারে ফেলা ওক্; তারার পুয়ো ছাগুনোর্ নাঙানি বাদ দিয়া ওক্।

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

গম্ উপদেজ্ 13:9

গোজেন ভক্তগুনোর্ পহ্‌রান জোল্ জোল্যে গুরি জলে, মাত্তর্ পাজিগুনোর বাত্তিগুন্ মুরি যান।

গণাণা 27:3

“আমা বাপ্পো ধূল্যেচর-চাগালাত্‌ মুরি যেইয়্যে। কোরহর যিদুক্কুন্‌ মান্‌জ্যে লগেপ্রভুর বিরুদ্ধে দল পাগেয়োন্‌ তে তারা ভিদিরে ন-এলঅ; তে নিজোর্‌ পাপ্পোই মুরি যেইয়্যে। তার্‌ কনঅ পূঅ ন-এলাক,

গণাণা 27:5

সেক্কে মোশি তারার্‌ এই বেপারান্‌ লগেপ্রভুর মুজুঙোত্‌ তুলি ধুরিলো।

যিহোশূয় 17:4

এ মিলেগুনে ধর্মগুরু ইলিয়াসর আর নূনর পূঅ যিহোশূয় আর নেতাগুনো ইদু যেইনে কলাক্‌, “আমা গুট্টির মানুচ্চুনো ভিদিরে আমারঅ‌ সোম্বোত্তির এক্কান ভাগ দিবার উগুম লগেপ্রভু মোশিরে দিয়্যে।” এ কধাগান শুনিনে যিহোশূয় লগেপ্রভুর উগুম মজিম তারা বাপ্পোর্‌ ভেইয়ুনো লগে তারারেয়ো সোম্বোত্তির অধিকার দিলো।