গণাণা 27:23 - Chakma Bible

²³ সে পরেদি লগেপ্রভুর উগুম মজিম তা উগুরে আত্তান্‌ রাগেইনে তারে কামর্‌ ভারান্‌ দিলো।

গণাণা 27:23 Iomraidhean Croise

গণাণা 27:18

ইয়েনর্ জোবত্‌ লগেপ্রভু মোশিরে কলঅ, “নূনোর পূঅ যিহোশূয় ভিদিরে গোজেনর্‌ আত্মাগান্ আঘে। তুই তারে আনিনে তা উগুরে তর্‌ আত্তান্‌ রাগেচ্‌।

গণাণা 27:19

তুই তারে ধর্মগুরু ইলিয়াসর আর ইস্রায়েলীয়গুনো মুজুঙোত্‌ আঝিল্ গুরিনে তারা মুজুঙোত্ তারে কামর্‌ ভারান্‌ দে।

গণাণা 27:22

মোশি গোজেনর্‌ উগুম মজিম কাম্‌ গুরিলো। তে যিহোশূয়রে ধর্মগুরু ইলিয়াসর আর ইস্রায়েলীয়গুনো মুজুঙোত্‌ আঝিল্ গুরিলো।

গণাণা 28:1

লগেপ্রভু মোশিরে এ কধাগান ইস্রায়েলীয়গুনোরে কবাত্তে কলঅ, “মরে খুজি গুরিবার্‌ তুম্বাজ্‌ ইজেবে মর্‌ নাঙে আগুন্দোই-পুজ্যে উৎসর্বত্তে তুমি ঠিগ্ সময়োত্‌ মর্‌ খানা আনিবাত্তে ভুল ন-গোজ্য।”

দ্বি’লম্বর বিররণ 3:21

সে অক্তত্‌ মুই যিহোশূয়রে কলুং, তমা গোজেন্‌ লগেপ্রভু এ দ্বিজন রাজার্‌ অবস্থা কি গোজ্যে সিয়েন্‌ দঅ তুমি নিজো চোগেদি দেখ্য। তুমি যিয়েনত যর্‌ সে জাগানর্‌ বেক্‌ রেজ্যগানির্‌ অবস্থায়ো লগেপ্রভু সেধোক্ক্যেন গুরিবো।

দ্বি’লম্বর বিররণ 3:28

যিহোশূয়রে কি গরা পুরিবো সিয়েন্‌ তুমি তারে কোই দুয়ো; তারে উচ্ছোমি আর সাহস দুয়ো, কিত্যে তেয়ো আগে আগে যেইনে মানুচ্চুনোরে পার্‌ গুরি নেযেব আর যে দেজ্‌ছান তুই চেবাত্তে যর্‌ সিয়েন্‌ তারারে দিইনে অধিকার্‌ গুরিবে।

দ্বি’লম্বর বিররণ 31:23

নূনোর পূঅ যিহোশূয়রে লগেপ্রভু এ উগুমান দিলো, “তুই বোলী অ আর মনত্‌ বুক্‌ বান্‌। যে দেজ্‌ছান দিবার এগেম মুই শমক্‌ গুরিনে ইস্রায়েলীয়গুনো ইদু গোজ্যং সিয়েনত্ তুমি তারারে নেযেবা। মুই নিজে তঅ সমারে থেম্‌।”

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।