গণাণা 27:21 - Chakma Bible

²¹ তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

গণাণা 27:21 Iomraidhean Croise

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

ইষ্রা 2:63

শাজন্‌গুরিয়্যেগুনে তারার্ উগুমান দিলাক্ যেদকদিন সং ঊরীম আর তুম্মীমান বেবহার্ গুরিবার অধিকারী কনঅ ধর্মগুরু পাহ্ ন যায় সেদকদিন সং তারা যেনে দাঙর্ পবিত্র হানার্ কিজু ন হান।

নহিমিয় 7:65

শাজন্‌গুরিয়্যেবো তারারে উগুম্‌ দিলো যেদকদিন সং ঊরীম আর তুম্মীম বেবহার গুরিবার অধিকারী কনঅ ধর্মগুরু পাহ্ ন-যায় সেদকদিন সং তারা যেনে সুদ্ধো-সাংগ হানার্‌ কিচ্ছু ন-পান্‌।

যাত্রা 28:30

বুগ্‌-ঢাগনিগানর্ ভাজঅ ভিদিরে থবে উরীম আর তুম্মীম। সেক্কে হারোণে যেক্কে লগেপ্রভুর্‌ মুজুঙোত্‌ আঝিল্ অবঅ‌ সেক্কে সিয়েনি তার্‌ বুগোত্‌ থেবঅ। সেক্কে হারোণে লগেপ্রভুর মুজুঙোত্‌ আমিঝে ইস্রায়েলীয়গুনোত্তেই মর্‌ উগুমানি জানিবার্‌ উপায় ইজেবে তার্‌ বুগোত্‌ রাগেব।

লেবীয় 8:8

তা উগুরে তে বুগ-ঢাগনিগান্‌ উরেই দিইনে তা ভিদিরে ঊরীম আর তুম্মীম রাগেল।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

গণাণা 27:2

এই মিলেগুনে মিলন-তাম্বুলোত্‌ সুমিবার পদথ্‌ যেইনে মোশি আর ধর্মগুরু ইলিয়াসর আর বেক্‌ নেতাগুনে আর ইস্রায়েলীয়গুনোর্‌ মুজুঙোত্‌ থিয়্যেইনে কলাক্‌,

গণাণা 27:20

তরে যে খেমতাগান্‌ দিয়্যে ওইয়্যে সিয়েনর্‌ কিজু তুই তা আদত্‌ দে যেনে ইস্রায়েলীয়গুনে বেক্কুনে তারে মানন্‌।

গণাণা 27:22

মোশি গোজেনর্‌ উগুম মজিম কাম্‌ গুরিলো। তে যিহোশূয়রে ধর্মগুরু ইলিয়াসর আর ইস্রায়েলীয়গুনো মুজুঙোত্‌ আঝিল্ গুরিলো।

গণাণা 27:5

সেক্কে মোশি তারার্‌ এই বেপারান্‌ লগেপ্রভুর মুজুঙোত্‌ তুলি ধুরিলো।

দ্বি’লম্বর বিররণ 31:3

তমার গোজেন লগেপ্রভু নিজে গাঙান্ পার্ ওইনে তমার আগে আগে যেবঅ। তমা মুজুঙোত্তুন সেই বেক্‌ জাদ্‌তুনোরে তেয়ই ভস্ত গুরি দিবো আর তুমি তারার দেজ্‌ছান গজক্ গুরি নেযেবা। লগেপ্রভুর কধা মজিম যিহোশূয় গাঙান পার্ ওইনে তমার আগে আগে যেবঅ।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

যিহোশূয় 9:14

ইস্রায়েলীয়গুনে তারার হানানি নেযেইনে চেলাক্‌ ঠিগ্ মাত্তর্‌ লগেপ্রভুর মতামত্তান্‌ পুজোর্‌ ন-গুরিলাক্‌।

বিচের গুরিয়্যেগুন 1:1

যিহোশূয়র মরাণার পরেন্দি ইস্রায়েলীয়গুনে লগেপ্রভুরে পূযোর্‌ গুরিলাক্‌, “আমা পক্ষেন্দি কনানীয়গুনো সমার যুদ্ধো গুরিবাত্তে পত্তমে কন্না যেবঅ‌।”

বিচের গুরিয়্যেগুন 20:18

তারা বৈথেলত যেইনে গোজেনর্‌ ইত্তুন্‌ জানিবাত্তে চেলাক্‌ বিন্যামীনীয়গুনো লগে যুদ্ধো গুরিবাত্তে তারা ভিদিরেত্তুন কন্না আগে যেবঅ। জোবত্‌ লগেপ্রভু জানেলদে, যিহূদা-গুট্টিবো আগে যেবঅ।

১ শমূয়েল 14:19

শৌল যেক্কে ধর্মগুরুগুনো সমারে কধা কোইয়্যে সেক্কে পলেষ্টীয়গুনোর তাম্বুলোত্‌ ঝাগুলুক্‌ চলের্‌ আর সিয়েন বেজত্তুন্‌ বেশ্‌ অর্‌। সেনত্তেই শৌল ধর্মগুরুবোরে কলদে, “থাক্‌, ন-লাগিবো।”

১ শমূয়েল 23:9

দায়ূদে যেক্কে হবর্‌ পেলঅ, শৌল তার বিরুদ্ধে কুজুুরোমি গরের্‌ সেক্কে তে ধর্মগুরু অবিয়াতররে কলঅ, “তর্‌ এফোদতো ইদু আন্।”

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।

১ শমূয়েল 30:7

দায়ূদে সেক্কে অহীমেলকর পূঅ দাঙর্‌ ধর্মগুরু অবিয়াতররে কলঅ, “এফোদ্‌তো মইদু আন।” সিবে আনানার্‌ পরেন্দি দায়ূদে লগেপ্রভুরে পুযোর্‌ গুরিলো, “মুই সেই আক্রমণগুরিয়্যে দলর্‌ পিজেন্দি লোড়েম্‌? গুরিলে কি তারারে ধুরি পারিবে?” জোবত্‌ লগেপ্রভু কলদে, “অয়, লড়া। তুই হামাক্কায় তারারে ধুরি পারিবে আর বেক্কুনোরে উদ্ধোর্ গুরি পারিবে।”