গণাণা 26:55 - Chakma Bible

⁵⁵ কুদু কন্‌ গুট্টিগুনে জাগা পেবাক্‌ সিয়েনি চাম্বা চেইনে ঠিগ্ গরা পুরিবো। পত্তি বংশর পাওনা ভাগ তার্‌ গুট্টির নাঙে দিয়্যে চাগালা ভিদিরে থেবঅ।

গণাণা 26:55 Iomraidhean Croise

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

গম্ উপদেজ্ 18:18

পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

যিহিষ্কেল 47:22

তমা ভিদিরে যিদুক্কুন বিদেশী তারার্ ঝি-পুয়োগুন নিইনে থিদেবর্ গুরি বজত্তি গত্তন্ তারাত্তে আর তমাত্তে দেজ্‌‌‌‌চান সোম্বোত্তি ইজেবে ভাগ গুরি দিবা। তারারে তুমি দেজত্ জোর্মেয়্যে ইস্রায়েলীয় ইজেবে ধুরিবা। তমা লগে তারায়ো ইস্রায়েলর্ গুট্টিগুনো ভিদিরে সোম্বোত্তি ইজেবে ভূইয়োর ভাগ পেবাক্।

গণাণা 26:56

গুট্টির মান্‌জ্যর সোংখ্যে কম ওক্‌ বা বেশ্‌ ওক্‌ চাম্বা চেইনে জাগানি ঠিগ্ গরা পুরিবো।”

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

গণাণা 34:13

ইয়েনর্ পরেদি মোশি ইস্রায়েলীয়গুনোরে উগুম গুরিনে কলঅ, “তুমি চাম্বা চেইনে লগেপ্রভুর উগুম মজিম দেজ্‌চান তমার নয় গুট্টি আর মনঃশির অদ্দেক্ গুট্টি ভিদিরে ভাগ গুরি নেযেইনে তমার্‌ সোম্বোত্তি গুরি নেযেবা,

গণাণা 36:2

তারা কলাক্, “ইস্রায়েলীয়গুনো ভিদিরে দেজর্‌ জাগা-জোমিগানি চাম্বা চেইনে ঠিগ্‌ গুরিবার্‌ উগুম্‌ দিবার্‌ অক্তত্ লগেপ্রভু আমা গিরোজ্‌সোরে কোইয়্যেদে আমার ভেই সলফাদর সোম্বোত্তিগানি যেনে তা ঝিগুনোরে দিয়্যে অয়।

প্রেরিত্‌ 1:26

তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 14:2

লগেপ্রভু মোশিরে দিইনে যেধোক্ক্যেন উগুম দিয়্যে সেধোক্ক্যেন ইস্রায়েলীয়গুনোরে সাড়ে নয় গুট্টির ভিদিরে চাম্বা চেইনে সোম্বোত্তিগানি ভাগ গুরি দিয়্যে ওইয়্যে।

যিহোশূয় 17:14

যোষেফ-গুট্টির মানুচ্চুনে যেইনে যিহোশূয়রে কলাক্‌, “সোম্বোত্তি ইজেবে কিত্তেই তুই আমারে বানা এক ভাগ দুয়োচ্‌? লগেপ্রভুর আশিদ্‌বাদে আমার মান্‌জ্যর সোংখ্যে বোউত্‌।”

যিহোশূয় 18:6

দেজর সে সাত্‌ ভাগর্‌ পত্তিগানি পৌইদ্যেনে বেক্কানি লিগিনে তুমি সিয়েনি মইদু আনিবা, আর মুই আমা গোজেন লগেপ্রভুর মুজুঙোত্‌ তমাত্তে চাম্বা চেই দিম্‌।

যিহোশূয় 19:1

দ্বিপল্লা চাম্বা চানার পরেন্দি শিমিয়োন-গুট্টির নাঙানি উদিলো আর তার নানান্‌ বংশর জাগানি ঠিগ্‌ গুরি দিয়্যে অলঅ‌। তারার সোম্বোত্তিগানি যিহূদা-গুট্টির জাগায়ানি ভিদিরে পড়িলো।

যিহোশূয় 19:10

তিন পল্লা চাম্বা চানার পরেন্দি সবূলূন-গুট্টির নাঙানি উদিলো আর তার নানান্‌ বংশর জাগায়ানি ঠিগ্‌ গুরি দিয়্যে অলঅ‌। তারার জাগায়ানির দুযি এলঅ সারীদ সং।

যিহোশূয় 19:17

চের্‌ পল্লা চাম্বা চানার পরেন্দি ইষাখর-গুট্টির নাঙানি উদিলো আর তার নানান্‌ বংশর জাগায়ানি ঠিগ্ গুরি দিয়্যে অলঅ‌।

যিহোশূয় 19:24

পাচ্ পল্লা চাম্বা চানার্‌ পরেন্দি আশের-গুট্টির নাঙানি উদিলো আর তার নানান্‌ বংশর জাগায়ানি ঠিগ্‌ গুরি দিয়্যে অলঅ‌।

যিহোশূয় 19:32

ছয় পল্লা চাম্বা চানার পরেন্দি নপ্তালি-গুট্টির নাঙানি উদিলো আর তার নানান্‌ বংশর জাগায়ানি ঠিগ্‌ গুরি দিয়্যে অলঅ‌।

যিহোশূয় 19:40

সাত পল্লা চাম্বা চানার পরেন্দি দান-গুট্টির নাঙানি উদিলো আর তার্‌ নানান্‌ বংশর জাগায়ানি ঠিগ্‌ গুরি দিয়্যে অলঅ‌।