গণাণা 26:54 - Chakma Bible

⁵⁴ যে গুট্টিবোর্‌ মান্‌জ্যর সোংখ্যে বেশ্‌ সেই গুট্টিবোরে বেশ্‌ আর যে গুট্টিবোর মান্‌জ্যর সোংখ্যে কম সেই গুট্টিবোরে কম্‌ জাগা দিয়া পুরিবো। পত্তি গুট্টিত্তুন্‌ তার্‌ গুণি নেযেয়ে মানুচ্চুনোর সোংখ্যে মজিম জাগানির্‌ গিরোজ অবাক্‌।

গণাণা 26:54 Iomraidhean Croise

গণাণা 26:53

“গুণি নেযেয়ে মানুচ্চুনোর সোংখ্যে মজিম দেজ্‌চান্‌ ভাগ গুরি দিয়া পুরিবো যেনে তারা সিয়েনর গিরোজ্‌ অন্‌।

গণাণা 32:3

“অটারোৎ, দীবোন, যাসের, নিম্রা, হিষ্‌বোন, ইলিয়ালী, সেবাম, নবো আর বিয়োন নাঙে যেদক্কানি জাগা লগেপ্রভু ইস্রায়েলীয়গুনোর্‌ অধীনোত্‌ আন্যে সে জাগায়ানি য়েমান্‌ পালেবাত্তে অমহদ দোল্‌, আর তর্‌ এই চাগরুনোরঅ য়েমানপাল আগন্‌।

গণাণা 32:5

যুনি আমা উগুরে তর্‌ দোয়্যে অয় সালে তর্‌ এই চাগরুনোরে এই জাগায়ানি সোম্বোত্তি ইজেবে দে। যর্দন গাঙর্‌ উইপারত্‌ আমারে লোই ন-যেবে।”

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

গণাণা 35:8

ইস্রায়েলীয়গুনোর সোম্বোত্তিত্তুন্‌ লেবীয়গুনোর্‌ যেদক্কানি আদাম আর শঅর দিয়্যে অবঅ সিয়েনি পত্তি গুট্টির পেইয়্যে সোম্বোত্তির পরিমাণান বুঝেই দিয়্যে পুরিবো। যে গুট্টিবোর ভাগত্‌ বেশ্‌ আদাম আর শঅর পড়িবো সেই গুট্টিবোত্তুন্‌ বেশ্‌ আর যে গুট্টিবোর ভাগত্‌ কম্‌ আদাম আর শঅর পড়িবো সেই গুট্টিবোত্তুন্‌ কম নিবা।”

যিহোশূয় 17:14

যোষেফ-গুট্টির মানুচ্চুনে যেইনে যিহোশূয়রে কলাক্‌, “সোম্বোত্তি ইজেবে কিত্তেই তুই আমারে বানা এক ভাগ দুয়োচ্‌? লগেপ্রভুর আশিদ্‌বাদে আমার মান্‌জ্যর সোংখ্যে বোউত্‌।”

যিহোশূয় 19:9

সে সোম্বোত্তিগানি যিহূদা-গুট্টির্‌ ভাগত্তুন্‌ নেযা ওইয়্যে, কিত্যে যিহূদা-গুট্টির দরকারত্তুন্‌ বেশ্‌ জাগা তারার্‌ ভাগত্‌ পোজ্যে। সেনত্তেই যিহূদা-গুট্টির জাগায়ানি ভিদিরে শিমিয়োন-গুট্টিগুনে তারার সোম্বোত্তিগানি পেইয়োন।