গণাণা 26:53 - Chakma Bible

⁵³ “গুণি নেযেয়ে মানুচ্চুনোর সোংখ্যে মজিম দেজ্‌চান্‌ ভাগ গুরি দিয়া পুরিবো যেনে তারা সিয়েনর গিরোজ্‌ অন্‌।

গণাণা 26:53 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

১ বংশধর 16:18

তে কোইয়্যেদে, “মুই তরে কনান্‌ দেজ্‌ছান্‌ দিম্‌, সিয়েনই অবঅ তর্‌ পাওনা সোম্বোত্তি।”

গীতসংহিতা 105:44

তে অন্য জাদ্‌তুনোর দেজ্‌ছানি ইস্রায়েলীয়গুনোরে দিলো আর সে জাদ্‌তুনোর কামর্ ফল তা মানুচ্চুনোরে নিবাত্তে দিলো,

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

যিহিষ্কেল 47:22

তমা ভিদিরে যিদুক্কুন বিদেশী তারার্ ঝি-পুয়োগুন নিইনে থিদেবর্ গুরি বজত্তি গত্তন্ তারাত্তে আর তমাত্তে দেজ্‌‌‌‌চান সোম্বোত্তি ইজেবে ভাগ গুরি দিবা। তারারে তুমি দেজত্ জোর্মেয়্যে ইস্রায়েলীয় ইজেবে ধুরিবা। তমা লগে তারায়ো ইস্রায়েলর্ গুট্টিগুনো ভিদিরে সোম্বোত্তি ইজেবে ভূইয়োর ভাগ পেবাক্।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

গণাণা 26:52

লগেপ্রভু মোশিরে কলঅ,

গণাণা 26:54

যে গুট্টিবোর্‌ মান্‌জ্যর সোংখ্যে বেশ্‌ সেই গুট্টিবোরে বেশ্‌ আর যে গুট্টিবোর মান্‌জ্যর সোংখ্যে কম সেই গুট্টিবোরে কম্‌ জাগা দিয়া পুরিবো। পত্তি গুট্টিত্তুন্‌ তার্‌ গুণি নেযেয়ে মানুচ্চুনোর সোংখ্যে মজিম জাগানির্‌ গিরোজ অবাক্‌।

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

মথি লেখ্যে গম্ হবর্ 5:5

যিগুনোর হাচ্চ্যেক্‌কানি চিদে তারা বর্‍‍‍পেইয়্যে, কিয়া পিত্‌থিমীগান তারার্ অবঅ‍‍‍।

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”