28 মনঃশি আর ইফ্রয়িমোর সংমোধ্যেন্দি যোষেফর বংশধর:
যোষেফ পুয়ো মনঃশি আর ইফ্রয়িম মিসর দেজত্ জোর্মেয়োন্। ইগুনোর্ মাবো এলঅ ওন্ শঅর ধর্মগুরু পোটীফরর ঝি আসনৎ।
মুই তইধু এবার্ আগেদি তর্ দ্বিবে পুয়ো মিসরত্ জর্ম ওইয়োন তারারে মঅ পুয়ো ইজেবে ধরা অবঅ। রূবেণ আর শিমিয়োন যেধোক্ক্যেন মর্ সেধোক্ক্যেন ইফ্রয়িম আর মনঃশিয়ো মর্।
মনঃশি-গুট্টির অদ্দেক্ মানুচ্ বাশনত্তুন্ বাল-হর্মোণ, সনীর আর হর্মোণ মুড়োবো সং যে জাগায়ানি এলঅ সিদু বজত্তি গরা ধুরিলাক্। তারা জনেদি বালুক্কুন্ এলাক্।
মনঃশি পুয়োগুন অলাক্ অস্রীয়েল আর গিলিয়দ বাপ্পো মাখীর। মনঃশি অরামীয় লাঙোর্ পেদত্ ইগুনোর্ জর্ম ওইয়্যে।
মনঃশির বংশধরুনো ভিদিরে যিগুনোর্ বয়স কুড়ি বা তাত্তুন্ বেশ্, অত্তাৎ যিগুনে যুদ্ধোত্ যেবার্ অক্ত ওইয়োন্, বংশ আর পরিবারর্ পরিচয় মজিম তারার্ নাঙানি লিগি নেযা অলঅ।
দুনিয়ার ভোজ্যে গম গম জিনিস দিইনে, আর জোল্জোল্যে ঝুপোত্ যিবে এলঅ তার দোয়্যেলোই। যোষেফর মাদাত্ এ বেক্ আশিদ্বাদতানি ঝুড়ি পোড়োক্; ভেইয়ুনো ভিদিরে যে গম্ তারই মাদাত্ ঝুরি পোরোক্ এই বেক আশিদ্বাদতানি।
মনঃশি আর ইফ্রয়িম নাঙে যোষেফর দ্বিবে পূঅর্ মাধ্যমে দ্বিবে গুট্টির সৃট্টি ওইয়্যে। লেবীয়গুনে ভূইয়োর ভাগ ন-পেলাক্ ঠিগ্, মাত্তর্ তারা বজত্তি গুরিবার আর পযাপিরানি রাগেবাত্তে কয়েক্কান আদাম আহ্ শঅর আর গোরু-ভেড়া ছাগল চোরেবাত্তে কায়-কুরে খলা পেলাক্।
