গণাণা 25:6 - Chakma Bible

⁶ সেক্কে মোশি আর ইস্রায়েলীয়গুনে বেক্কুনে যেক্কে মিলন-তাম্বুলো ইদু কানাকাদি গত্তন্‌ সেই সময়োত্‌ এক্কো ইস্রায়েলীয় তারার্‌ চোগো মুজুঙোন্দি এক্কো মিদিয়নীয় মিলেরে তা গোর‌্‌বোর্‌ মানুচ্চুনো ভিদিরে নেযেল।

গণাণা 25:6 Iomraidhean Croise

পত্থম 37:28

সে মিদিয়নীয় বেবসায়ীগুনো মুজুঙোত এত্তে ন এত্তে ভেইয়ুনে যোষেফরে গাদত্তুন্‌ টানি তুলিলাক আর কুড়ি কত্তা রূবোলোই ইশ্মায়েলীগুনো ইধু তারে বিজি দিলাক্। সে বেবসায়ীগুনে যোষেফরে মিসরত্‌ নেযেলাক্।

১ রাজাবলী 11:18

তারা মিদিয়নত্তুন্‌ আঢা মারিনে পারণত্‌ যেইয়োন আর পরেন্দি সিয়োত্তুন্‌ কিজু মানুচ্‌ নেযেইনে তারা মিসরর্‌ রাজা ফরৌণর ইদু যেইয়োন্‌। ফরৌণ হদদরে ঘর, জাগা-জোমি আর হানা-দানা দিলো।

গীতসংহিতা 94:16

কন্না মর্ পক্ষ ওইনে পাজিগুনোর বিরুদ্ধে কধা কবঅ? মর্ পক্ষ ওইনে অন্যেয়গুরিয়্যেগুনোর বিরুদ্ধে কন্না কধা কবঅ?

যিশাইয় 22:12

সেদিন্যে বেগত্তুন্ খেমতাবলা প্রভু লগেপ্রভু কানিবার্ বা আবিলেচ্ গুরিবাত্তে, মাঢাবো চুলানি মুড়েবাত্তে আর বস্তা পাদা পিনিবাত্তে তমারে ডাক্ক্যে।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 36:23

যিহূদী সে বোইবো কিজু পড়ানার পরেদি রাজা লিগিয়্যেবোর ছুরিগান্দোই সে ভাগ্‌কান কাবিনে আগুনো পিলেবোত্ ফেলেই দিলো; এবাবোত্যেগুরি গোদা বোইবো আগুনোত্ পুড়ি দিয়্যে অলঅ।

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যোয়েল 2:17

যিগুনে লগেপ্রভুর মুজুঙোত্ সেবা-কাম গরন্ সেই ধর্মগুরুগুনে উবোসনা-ঘরর্ বারান্দা আর পুজোবোর্ সংমোধ্যে কানোদোক্। তারা কোদোক্, “ও লগেপ্রভু, তঅ মানুচ্চুনো উগুরে তুই দোয়্যে গর্। তঅ সোম্বোত্তিগানরে ঈচ্ গরেপারা ন-গুরিচ্, জাদ ভিদিরে তারার্ নাঙানি ঈচ্ গরেপারা কধা অবাত্তে ন-দিচ্। অন্য জাদ মানুচ্চুনে কিত্তে কবাক্, ‘তারার্ গোজেনে কুদু?’ ”

গণাণা 16:47

সেক্কে হারোণে মোশির কধা মজিম পৌইরেগর্ কদরাবোত্‌ আগুন আর পৌইরেগ দিইনে সেই বেক্‌ মানুচ্চুনো ভিদিরে গেলঅ। এ সময়ানত্ মানুচ্চুনো ভিদিরে ভানাপিড়ে আরাম্ভ ওই গেলঅ, মাত্তর্‌ হারোণে পৌইরেগ্ উৎসর্ব গুরিনে তারার্‌ পাপ্‌পানি ঢাগি দিবার বেবস্থা গুরিলো।

গণাণা 22:4

তারা মিদিয়নীয় বুড়ো নেতাগুনোরে কলাক্, “গোরুগুনে যেধোক্ক্যেনগুরি মাদর্‌ ঘাস পুঝিসারি খেই নেযান্‌ এই দল্লো সেধোক্ক্যেনগুরি আমা চেরোকিত্তে বেক্কানি পুঝিসারি খেই নেযেবাক্।” সেনত্তে মোয়াবর সেক্কে রাজাবো সিপ্পোরর পুয়ো বালাকে বিয়োরর পুয়ো বিলিয়মরে ডাগি আনিবাত্তে মানুচ্‌ পাদেই দিলো। বিলিয়মে সেক্কে ইউফ্রেটিস গাঙর্‌ কায়-কুরে তার নিজোর্‌ মানুচ্চুনোর্‌ দেজত্‌ পথোর শঅরত্‌ এলাক্। বালাকে কোই পাদেল, “মিসর দেজত্তুন্‌ একদল মানুচ্‌ নিগিলি এচ্চ্যন্। তারা গোদা দেজ্‌চান্‌ ছাগি নেযেয়োন্‌ আর মর্‌ মুজুঙোত্ বজত্তি গোজ্জ্যন।

গণাণা 31:2

“তুই ইস্রায়েলীয়গুনোর পক্ষত্তুন্‌ মিদিয়নীয়গুনোরে অন্যেয়ানিত্তে তারার্‌ পাওনা সাজা দে। সে পরেদি তত্তুন্‌ তর্‌ পুরোণি মানুচ্চুনো ইদু যাহ্ পুরিবো।”

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

বিচের গুরিয়্যেগুন 2:4

লগেপ্রভুর দূত্তো যেক্কে ইস্রায়েলীয়গুনো ইদু এ কধানি কলঅ‌ সেক্কে তারা দাঙর্‌ দাঙর্‌ গুরি কাঁনা ধুরিলাক্‌।