গণাণা 25:5 - Chakma Bible

⁵ সেক্কে মোশি ইস্রায়েলীয় বিচেরগুরিয়্যেগুনোরে কলঅ, “তমার্‌ অধীনোত্‌ যিদুক্কুন মান্‌জ্যে পিয়োরর বাল দেবেদার পূজোত্‌ মিজেয়োন্দোই তারার্‌ পত্তিজনরে তমাত্তুন্‌ মারে ফেলা পুরিবো।”

গণাণা 25:5 Iomraidhean Croise

১ রাজাবলী 18:40

সেক্কে এলিয় তারারে এ উগুমানি দিলো, “বাল দেবেদার ভাববাদীগুনোরে ধরঅ। তারার্‌ একজনরেয়ো ধেই যেবাত্তে ন-দুয়ো।” সেক্কে মানুচ্চুনে তারারে ধুরি ফেলেলাক্‌। এলিয় তারারে কীশোন কিজিঙোত্‌ নেযেইনে সিদু তারারে মারে ফেলেল।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 22:20

লগেপ্রভুরে বাদে যুনি কনজনে কনঅ‌ দেবেদা ইদু কিজু উৎসর্ব গরন্‌ সালে তারেয়ো মারে ফেলা পুরিবো।

গণাণা 25:3

ইঙিরিনে ইস্রায়েলীয়গুনে পিয়োর মুড়োবোত্‌ বাল দেবেদা পূজোত্‌ মিজেলাক্। সেক্কে তারা উগুরে লগেপ্রভুর রাগর্‌ আগুনান্‌ জুলি উদিলো।

দ্বি’লম্বর বিররণ 13:13

সিদুগোর্ ইস্রায়েলীয়গুনো ভিদিরে কিজু পাজি মানুচ্‌ দেগা দুয়োন যিগুনে সিদুগোর্ মানুচ্চুনোরে ইয়েন কোইনে ভান্ন্যেই পধেদি টানি নেযেয়োন, আদঅ, আমি দেব-দেবেদাগুনোরে পূজো গুরিই, যে দেব-দেবেদাগুনে তমা ইদু নূয়ো।

দ্বি’লম্বর বিররণ 13:15

মাত্তর্‌ সিদুগোর্‌ বেক্‌ আদাম্মেগুনোরে হামাক্কায় মারে ফেলা পুরিবো। সে আদামান বা শঅরান্ আর সিয়েনর মানুচ্চুন আর য়েমানপালুন তুমি বেক্কানি শেজ্ গুরি দিবা।

দ্বি’লম্বর বিররণ 13:6

পিত্‌থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্‌ মোক্‌ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্‌, আদিচ্‌, আমি যেইনে দেব-দেবেদাগুনোর পূজো গুরিই,

দ্বি’লম্বর বিররণ 13:9

তারে মারেই ফেলা পুরিবো। তারে মারে ফেলেবার কামান তুমি নিজো আঢে আরাম্ভ গুরিবা, সে পরেন্দি অন্য বেক্কুনে মিজেবাক।

যিহোশূয় 22:17

পিয়োরত্‌ আমি যে পাপ্পানি গোজ্যেই সিয়েনত্তে লগেপ্রভুর্‌ সমাজর মানুচ্চুনো ভিদিরে সাজুরেদে পিড়ে দেগা দিয়্যে; এজঅ‌ সং আমি সে পাপত্তুন্‌ নিজোরে সিজি ন-গুরিই। সে পাপর কারণে কি আমাত্তুন্‌ যদেষ্ট শিক্ষ্যে ন-অয়,