গণাণা 25:1 - Chakma Bible

¹ শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

গণাণা 25:1 Iomraidhean Croise

২ রাজাবলী 23:7

মরদ মন্দির-বেশ্যেগুনোর যে গুদিগুন্‌ লগেপ্রভুর ঘরত্‌ এলাক্‌ তে সিগুন্‌ ভাঙি দিলো। সিদু মিলেগুনে আশেরাত্তে কাবড় বুনিদাক্‌।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

যাত্রা 22:19

কনঅ‌‌ য়েমান সমারে যুনি কনজনে সিনেলী গরন্‌ সালে হামাক্কায়্‌ তারে মারে ফেলা পুরিবো।

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

উপদেশক 7:26

মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

যিরমিয় 40:11

মোয়াব, অম্মোন, ইদোম আর অন্য দেজর বেক্ যিহূদীগুনে শুনিলাক্, বাবিল রাজা যিহূদা দেজত্ কিজু মান্‌জ্যরে থোই যেইয়্যে‌ আর গদলিয়রে তারা উগুরে শাজন্‌গুরিয়্য নেযেয়্যে।

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

হোশেয় 9:10

লগেপ্রভু কত্তে, “ধূল্যেচর-চাগালাত্ আংগুর ফল পাইদ্যে ধোক্ক্যেন গুরি ইস্রায়েলরে মুই তোগেইনে পেইয়োং; পত্তমবার ফল দিয়্যে ডোমোর্ গাজর্ আগাম ফল ধোক্ক্যেন তমা পুরোণি মানুচ্চুনোরে দেখ্যং। মাত্তর্ তারা বাল-পিয়োর ইধু যেইনে সেই লাজ্ গরেপারা মূত্তিবো ইধু নিজোরে দি দুয়োন্ আর তারার্ কোচ্‌‌পেইয়্যে মূত্তি ধোক্ক্যেন তারা জঘন্য ওই পোজ্যন্।

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 25:17

“মিদিয়নীয়গুনোরে তুমি শত্রু ইজেবে দেগিবা আর তারারে মারে ফেলেবা,

গণাণা 31:2

“তুই ইস্রায়েলীয়গুনোর পক্ষত্তুন্‌ মিদিয়নীয়গুনোরে অন্যেয়ানিত্তে তারার্‌ পাওনা সাজা দে। সে পরেদি তত্তুন্‌ তর্‌ পুরোণি মানুচ্চুনো ইদু যাহ্ পুরিবো।”

গণাণা 33:49

এই তাম্বুলান তারা ফেলেয়োন্‌ যর্দন গাঙর্‌ দুঝিবো ধুরিনে মোয়াবর সংজাগানত্‌ বৈৎ-যিশীমোৎত্তুন্‌ আবেল-শিটীম শঅর সং।

গণাণা 7:15

পূজ্যে-উৎসর্বত্তে এক্কো দামাড়া গোরু, এক্কো ভেড়াছাগল, এক্কো এক বোজোজ্যে ভেড়াছাগলর-ছঅ;

১ করিন্হীয় 10:8

তারা ভিদিরে ভালোকজনে বেভিচের্ গরানার্ ফলে এক দিনোত তেইশ্ আজার মানুচ্‌ মুরি যেয়োন। আমি যেন সেবাবোত্যে বেভিচের্ ন-গুরিই।

দ্বি’লম্বর বিররণ 3:29

সেনত্তে আমি বৈৎ-পিয়োরর উই পারন্দি কিঝিঙানত্‌ থেই গেলং।

দ্বি’লম্বর বিররণ 32:38

কুদু সেই দেব-দেবেদাগুন যিগুনে তারার ডালি দিয়্যে য়েমানর তেলানি হেইয়োন, হেইয়োন তারার ঢালন-উৎসর্বর আংগুর-রস? ইক্কিনে তারা এইনে তমারে সাহায্য গুরিবাক, আর তমারে আশ্রয় দিবাক্‌।

দ্বি’লম্বর বিররণ 4:3

লগেপ্রভু বাল-পিয়োরত্‌ যিয়েনি গোজ্যে সিয়েনি দঅ তুমি নিজোর্‌ চোগেদি দেখ্য। তমা ভিদিরে যিগুনে পিয়োরর বাল-দেবেদার্‌ পূজো গোজ্যন্‌ তমা গোজেন লগেপ্রভু তারারে বেক্কুনোরে তমা ভিদিরেত্তুন্‌ ভস্ত গোজ্যে,

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 22:17

পিয়োরত্‌ আমি যে পাপ্পানি গোজ্যেই সিয়েনত্তে লগেপ্রভুর্‌ সমাজর মানুচ্চুনো ভিদিরে সাজুরেদে পিড়ে দেগা দিয়্যে; এজঅ‌ সং আমি সে পাপত্তুন্‌ নিজোরে সিজি ন-গুরিই। সে পাপর কারণে কি আমাত্তুন্‌ যদেষ্ট শিক্ষ্যে ন-অয়,

যিহোশূয় 3:1

যিহোশূয় বেন্যেপোত্যে ঘুমোত্তুন্ উদিনে বেক্‌ ইস্রায়েলীয়গুনো লগে শিটীমত্তুন যাহ্ ধুরিনে যর্দন গাঙানর্‌ ইদু গেলঅ‌। গাঙান্‌ পার্‌ ন-অনা সং তারা সিয়েনত্‌ রলাক্‌।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।