গণাণা 24:6 - Chakma Bible

⁶ সিয়েনি পড়ি আঘে কিজিঙো ধোক্ক্যেন, পড়ি আঘে গাঙ পারর্‌ বাগান ধোক্ক্যেন, লগেপ্রভুর্ লাগেয়্যে অগুরু গাজঅ ধোক্ক্যেন, পানি পাড়র্‌ এরস গাজঅ ধোক্ক্যেন।

গণাণা 24:6 Iomraidhean Croise

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 104:16

লগেপ্রভুর বানেয়্যে বেক গাজ-বাশছুন্ বোউত্ ঝড় পান; তার লাগেয়্যে লেবাননর্ এরস গাছ্‌চুনেয়ো ঝড় পান্।

গীতসংহিতা 45:8

গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

পরমগীত 6:11

লাঙেলর্ নূয়ো চারাগুন্ চেবাত্তে, আংগুর লুদিত্ বোল্ ধোজ্যে নাহি চেবাত্তে, আর ডালোম গাজত্ ফুল ফুত্যে নাহি চেবাত্তে মুই লামিনে বাদাম গাজ ঝারত্ গেলুং।

যিশাইয় 41:19

মুই ধূল্যেচর চাগালাত্ এরস, বাব্‌লা, গুলমেদি আর ঝার্‌‌‌‌‌‌বো জলপাই গাজ্ লাগেম আর ধূল্যেচরত্ লাগেম বেরস, ঝাউ আর তাশূর গাজ,‌‌‌‌‌‌‌‌

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

গণাণা 24:5

তে এই কধাগান কত্তে: ও যাকোব, তর্‌ তাম্বুলানি কি দোল! ও ইস্রায়েল, কি দোল্‌ তর্‌ থেবার্‌ জাগাগান!