গণাণা 24:5 - Chakma Bible

⁵ তে এই কধাগান কত্তে: ও যাকোব, তর্‌ তাম্বুলানি কি দোল! ও ইস্রায়েল, কি দোল্‌ তর্‌ থেবার্‌ জাগাগান!

গণাণা 24:5 Iomraidhean Croise

নহিমিয় 13:2

ইয়েনর্‌ কারনান্‌ অলদে, মোশির সময়োত্‌ তারা হানা আর পানি লোইনে ইস্রায়েলীয়গুনোর্‌ ইদু ন-যান্‌ বরং তারা তারার্‌ অভিশাব্‌পানি দিবাত্তে বিলিয়মরে ভাড়া গোজ্যন্‌। মাত্তর্‌ আমা গোজেনে সে অভিশাবর্‌ বদলে আশিদ্‌বাদ গোজ্যে।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

যাত্রা 38:21

থেবার্‌-তাম্বুল, অত্তাৎ সাক্ষ্য-তাম্বুলান বানাদে যেদক্কানি পযাপিরা লাক্ক্যে মোশির্‌ উগুম মজিম্ পোইল্যেত্তুন্‌ ধুরি ধর্মগুরু হারোণর্‌ পূঅ ঈথামরর্‌ পরিচালনায়্‌ লেবীয়োগুনে সিয়েনর্‌ ইজেপ্পান্‌ রাগেয়োন্‌।

পরমগীত 4:7

মর্ পরাণি, তঅ কিয়্যেগানর্ বেক্কানি দোল্, তঅ ভিদিরে কনঅ টেপ্‌পোজ্যে নেই।

পরমগীত 6:4

মর্ পরাণি, তুই তির্সা শঅর ধোক্ক্যেন্ দোল্, যিরূশালেম ধোক্ক্যেন্ অমকদ দোল্; বাবতা উড়েয়্যে সৈন্যদল ধোক্ক্যেন্ তর্ সয়সাগজ্যে।

লেবীয় 23:42

সাত দিন তুমি নাদামান্‌জ্যর-ঘরত্‌ বজত্তি গুরিবা। ইস্রায়েল বংশত্‌ যিগুনে জোর্মেয়োন্‌ তারারে বেক্কুনোরে এ সময়ানত্‌ নাদামান্‌জ্যর-ঘরত্‌ থাহ্ পুরিবো।

মালাখি 2:12

যিগুনে এবাবোত্যে কাম্ গরন তারা যুনিয়ো বা বেগত্তুন্ খেমতাবলা লগেপ্রভুর নাঙে উৎসর্বর জিনিস্‌ আনন্ তো লগেপ্রভু যাকোব বংশ ভিদিরেত্তুন্ তারারে বেক্কুনোরে শেষ্ গুরি দিবো। ‌‌‌

গণাণা 2:34

মোশিরে দিয়া লগেপ্রভুর উগুম মজিম্ ইস্রায়েলীয়গুনে বেক্কানি গুরিদাক্। তা উগুম মজিম্ তারা যার্‌ যার্‌ চাগালাত্ তাম্বুল টাঙেদাক্‌ আর তাঁর্‌ উগুম মজিম তারা যার্‌ যার্‌ বংশ আর পরিবার্‌ মজিম আদা মারিদাক্।

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

গণাণা 24:4

যে মানুচ্চো গোজেনর্‌ কধা শুন্যে আর গোজেনর্‌ দিয়্যে জ্ঞ্যানান্ দেখ্যে, যে মাদি উগুরে আদু পাড়িনে পোজ্যে আর যিবের্‌ চোগো পাদাগান মেলা যেইয়্যে,

গণাণা 24:6

সিয়েনি পড়ি আঘে কিজিঙো ধোক্ক্যেন, পড়ি আঘে গাঙ পারর্‌ বাগান ধোক্ক্যেন, লগেপ্রভুর্ লাগেয়্যে অগুরু গাজঅ ধোক্ক্যেন, পানি পাড়র্‌ এরস গাজঅ ধোক্ক্যেন।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

যিহোশূয় 24:10

মাত্তর্‌ বিলিয়মর কধালোই কান পাদিবাত্তে মুই রাজী ন-অং, সেনত্তে তে বার্‌ বার্‌ তমারে আশিদ্‌বাদ গোজ্যে। বালাক আঢত্তুন্‌ মুয়ই তমারে উদ্ধোর গুরিলুং।