গণাণা 23:7 - Chakma Bible

⁷ সেক্কে বিলিয়মে গোজেনর্‌ দিয়্যে এই কধানি কুয়ো ধুরিলো: “বালাকে মরে অরাম দেজত্তুন্ লোই আনিলো, পূগেদি মুড়োগুনোর্‌ কায়-কুরেত্তুন্‌ মোয়াব-রাজা মরে লোই আনিলো। তে কলঅ, ‘মর্‌ পক্কে তুই যাকোবরে অভিশাব্ দিচ্‌, ইস্রায়েলর্ বিপক্ষে ভান্ন্যেয়ানিত্যে কধা কঅ।’

গণাণা 23:7 Iomraidhean Croise

পত্থম 10:22

শেম পুয়োগুন অলাক্ এলম, অশূর, অর্ফক্‌ষদ, লূদ আর অরাম।

পত্থম 28:2

তুই পদ্দন-অরাম দেজত্‌ তঅ মা বাপ্পো বথূয়েল ঘরত্‌ যাহ্। সিয়েনত্‌ থেবার্‌ সলাবোত্‌ তর্‌ মোল্যা লাবনর যে কনঅ ঝিরে তুই মোক্‌ ইজেবে লগোই।

পত্থম 28:7

এষৌ দেগিলোদে, যাকোবে তা মা-বাবঅ কধামজিম্‌ পদ্দন-অরামত্‌ গেলগোই।

২ শমূয়েল 21:21

তে যেক্কে ইস্রায়েল জাত্তোরে ঈচ্ গরের্ সেক্কে দায়ূদো ভেই শিমিয়র পূঅ যোনাথনে তারে মারে ফেলেল।

২ শমূয়েল 23:9

সে পরেন্দি মানুচ্চো অলদে ইলিয়াসর। তে এলদে অহোহীয়র বংশর দোদার পূঅ। যেক্কে পলেষ্টীয়গুনে যুদ্ধোত্তে এগত্তর্‌ ওইয়োন সেক্কে তারারে ঈচ্ গুরিবাত্তে যে তিন্নো বোলী মানুচ্‌ দায়ূদো লগে এলাক্ ইলিয়াসর অলদে তারাত্তুন্‌ এক্কো বোলী। ইস্রায়েলীয়গুনে পিজেন্দি উদি গেলাক্,

ইয়োব 27:1

ইয়োবে তা কধানি কুও ধুরিলো। তে কলঅ,

ইয়োব 29:1

সে পরেদি ইয়োবে আরঅ কলঅ,

গীতসংহিতা 49:5

যিগুনে ধন-সোম্বোত্তি উগুরে নির্ভর গরন্ আর বোউত্ ধনর বার্‌বো গরন্, ভাদ রাদত্ সে শত্রুগুনোর অন্যেয়ানিয়ে যেক্কেনে মরে ঘিরিবো, সেক্কেনে মুই কিত্তেই দোরেম্?

গীতসংহিতা 78:2

মুই উপমা দিইনে কধানি ভাঙি কোম্; মুই পুরণ দিনো হবর্ ন-পেইয়্যে কধানি কোম।

গম্ উপদেজ্ 26:2

চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

যিহিষ্কেল 17:2

ও মান্‌জ্যর পুয়োবো, উদাহরনর্ মাধ্যমে ইস্রায়েলীয়গুনোরে জানেই দুয়ো,

যিহিষ্কেল 20:49

সেক্কে মুই কলুং, “ও প্রভু লগেপ্রভু, মানুচ্চুনে মঅ পৌইদ্যেনে কদন্, মুই বানা হিত্যে কধানি কঙর্।”

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

হবক্‌‌‌‌কূক 2:6

তারা বেক্কুনে তারে ঠাট্টা-মশ্‌কারী গুরিবাক্‌‌‌‌ আর কবাক্, অভিশাব্ পোড়োক্ তার্, যে অন্যগুনো পযাপিরানি নিজোত্তে থুবোয় আর জামিনো পযাপিরালোই তাগোয়্যে অয়। আর কয়দিন এবাবোত্যে চলিবো?

গণাণা 22:11

‘মিসর দেজত্তুন্‌ একদল মানুচ্‌ নিগিলি এইনে দেজ্‌ছানরে ঢাগি ফেলেয়োন। ইক্কিনে তুই এইনে মর্‌ পক্কত্তুন এই মানুচ্চুনোরে অভিশাব্ দেগি। সালে অয়ত মুই যুদ্ধো গুরিনে ইগুনোরে ধাবেই দি পারিম।’”

গণাণা 22:17

তে তরে বোউত্‌ সর্মানর অধিকারী গুরিবো আর তুই যিয়েন্‌ কবে সিয়েনোই গুরিবো। তে চাইদে যেনে তুই যেইনে তার পক্ষত্তুন্‌ সেই মানুচ্চুনোরে অভিশাব্ দুয়োচ্‌।”

গণাণা 23:18

বিলিয়মে সেক্কে গোজেনর্ দিয়্যে এই কধানি কুয়া ধুরিলো; “বালাক রাজা উঠ্‌, শুনিচ্‌; ও সিপ্পোরর পুয়ো, মঅ কধানি শুনিচ্‌।

গণাণা 23:6

বিলিয়মে বালাক ইদু ফিরি গেলঅ। তে দেগিলোদে, বালাকে মোয়াবর্‌ বেক্‌ নেতাগুনোরে নেযেইনে তার উৎসর্ব গোজ্যে য়েমানুনো ইদু থিয়্যেই আঘে।

গণাণা 24:15

বিলিয়মে সেক্কে গোজেনর্‌ দিয়্যে এই কধাগান্‌ কুয়া দোজ্যে: “বিয়োরর পূঅ বিলিয়িমে এ কধাগান্‌ কত্তে, যিবের্‌ চোক্কুন্‌ মেল্যে আগন্‌ তে এ কধাগান কত্তে,

গণাণা 24:21

সে পরেন্দি বিলিয়মে কেনীয়গুনোরে দেগিনে গোজেনর্‌ দিয়্যে এ কধাগান কুয়া ধুরিলো: “তমার্‌ থেবার জাগানি উমরত্যে; মুড়ো-মুড়িত্‌ তমার্‌ থেবার জাগা আঘে।

গণাণা 24:23

পরেদি বিলিয়ম গোজেনর্‌ দিয়্যে এ কধাগান কুয়া ধুরিলো: “হায়! গোজেনে যেক্কে এই বেক্কানি গুরিবো, সেক্কে কি কনজনে বাঁজি থেই পারিবাক্?

গণাণা 24:3

আর তে গোজেনর্‌ দিয়্যে এই কধাগান্‌ কুয়া ধুরিলো: “বিয়োরর পূঅ বিলিয়মে এ কধাগান্‌ কত্তে, যিবের্‌ চোখ মেল্যে আঘে তে এ কধাগান্‌ কত্তে,

মথি লেখ্যে গম্ হবর্ 13:33

যীশু তারারে আর এক্কো হিত্ত্য কুয়ো ধুরিলো। “স্বর্গ-রেজ্যগান্ এবাবোত্যে। এক্কো মিলে সদা লোইনে আদার কেজি মোয়দ্যে লগে মিজেল। সেনে বেক্ মোয়দ্যেগান্ ফুলি উদিলো।”

মথি লেখ্যে গম্ হবর্ 13:35

ইয়েন্ অলঅ যেন ভাববাদীর মাধ্যমে এই যে কধাগান্ কুয়ো ওইয়্যে সিয়েন্ পূরোণ অয়: শিক্ষ্যে-ভরা উপমা দিইনে মুই মুয়োন্ খুলিম্; জগদর্ আরাম্ভত্তুন্ ধুরি যিয়েনি যিয়েনি লুগেয়্যে এলঅ, সিয়েনি কোম্।

মার্ক 12:12

সেক্কে সেই ইহুদি নেতাগুনে যীশুরে ধুরিবাত্তে চেলাক্, কিয়া তারা বুঝিলাক্, হিত্ত্যবো যীশু তারা বিরুদ্ধে কোইয়্যে। মাত্তর্ তারা মানুচ্চুনো দরে যীশুরে ফেলেই গেলাক্।

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।

১ শমূয়েল 17:10

সেই পলেষ্টীয়বো আরঅ কলঅ, “মুই এচ্চ্যে ইস্রায়েলর সৈন্যদলুনোরে ঘিনেইনে কঙর্‌, মর্‌ লগে যুদ্ধো গুরিবাত্তে তুমি এক্কো মানুচ্‌ দুয়ো।”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”

১ শমূয়েল 17:45

সেক্কে দায়ূদে সেই পলেষ্টীয়বোরে কলঅ, “তুই মইদু এজত্তে লাম্বা কিরিচ্‌, শেল্‌ আর ছুড়িলোই, মাত্তর্‌ মুই তইদু এজঙর্‌ পুরো খেমতার অধিকারী লগেপ্রভু, ইস্রায়েলীয় সৈন্যদলুনোর গোজেনর নাঙান্দোই, যিবেরে তুই ঘিনেয়োচ্‌।