গণাণা 23:5 - Chakma Bible

⁵ সেক্কে লগেপ্রভু বিলিয়মর্‌ মুয়োনত্‌ কদক্কানি কধা যুগেই দিইনে কলঅ,“তুই বালাক ইদু ফিরি যেইনে তারে এই কধানি কঅ।”

গণাণা 23:5 Iomraidhean Croise

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

গম্ উপদেজ্ 16:1

মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

যিশাইয় 51:16

মুই তমা মুয়োত্ মঅ কধানি দুয়োং আর মঅ আঢ ছাবাগান্দোই তমারে ঢাগি রাগেয়োং। মুয়ই আগাজ্‌‍‌চানরে তা জাগানত্ রাগেয়োং আর পিত্‌‍‌থিমীর গড়াগান গাড়েয়োং। মুই সিয়োনানরে কোইয়োং, ‘তুই মঅ মানুচ্।’ ”

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

যিরমিয় 1:9

সে পরেদি লগেপ্রভু মঅ মুয়োনত্ আঢ্‌‍তান বাবেইনে বাজেই দিলো আর মরে কলঅ, “ইক্কিনে মুই তঅ মুয়োনত্ মঅ কধানি দিলুং।

গণাণা 22:20

সেই রেদোত্‌ গোজেনে এইনে বিলিয়মরে কলঅ, “এই মানুচ্চুনে যেক্কে তরে ডাগিবাত্তে এচ্চ্যন্‌ সেক্কে তুই তারা সমারে যাহ্, মাত্তর্‌ মুই তরে যিয়েনি কোম্‌ তুই বানা সিয়েনি গুরিবে।”

গণাণা 22:35

লগেপ্রভুর দূত্‌তো বিলিয়মরে কলঅ, “তুই উই মানুচ্চুনো সমারে যাহ্, মাত্তর্‌ মুই তরে যিয়েনি কবাত্তে কোম্‌ তুই বানা সিয়েনি কবে।” বিলিয়মে সেক্কে বালাকে পাদেয়্যে নেতাগুনো সমারে গেলঅ।

গণাণা 23:16

লগেপ্রভু বিলিয়ম সমারে দেগা গুরিনে তার্‌ মুয়োন্দি কদক্কানি কধা যোগেই দিইনে কলঅ, তুই বালাক ইদু ফিরি যেইনে তারে এই কধানি কঅ।

গণাণা 23:4

সেক্কে গোজেনে তা সমারে দেগা গুরিলো। বিলিয়মে কলঅ, “মুই সাত্তো পূজো বানেয়োং আর পত্তি পূজো উগুরে এক্কো গুরি দামাড়া গোরু আর এক্কো গুরি ভেড়াছাগল উৎসর্ব গোজ্যং।”

গণাণা 23:6

বিলিয়মে বালাক ইদু ফিরি গেলঅ। তে দেগিলোদে, বালাকে মোয়াবর্‌ বেক্‌ নেতাগুনোরে নেযেইনে তার উৎসর্ব গোজ্যে য়েমানুনো ইদু থিয়্যেই আঘে।

লূকে লেখ্যে গম্ হবর্ 12:12

কি কুয়ো পরিবো পবিত্র আত্মাগানে সেলক্কে সিয়েনি তমারে শিগেই দিবো।”

যোহন 11:51

কাইয়াফা যে নিজোত্তুন্ এ কধাগান্ কোইয়্যে সিয়েন্ নয় মাত্তর্ তে এলদে সেই বজর দাঙর্ ধর্মগুরু। সেনত্তে তে আগাম্ কধা কোইয়্যেদে, যিহূদী জাদত্যে যীশু মুরিবো।

দ্বি’লম্বর বিররণ 18:18

মুই তারার্‌ ইস্রায়েলীয় ভেইয়ুনো ভিদিরেত্তুন তারাত্যে তঅ ধোক্ক্যেন এক্কো ভাববাদী যুক্কোল্‌ গুরিম। তা মুয়ন্দি মুই মর্‌ কধানি কোম্‌, আর মুই যিয়েনি কবাত্তে তারে উগুম দিম্‌ সিয়েনি তারারে কবঅ।