গণাণা 23:23 - Chakma Bible

²³ যাকোব উগুরে কনঅ যাদুবিদ্যে ন-খাদেব; ইস্রায়েল উগুরে ন-খাদেবে কনঅ তন্ত্রমন্ত্র। যাকোব, অত্তাৎ ইস্রায়েল পৌইদ্যেনে ইক্কিনে এই কধানি কুয়া যায়, ‘গোজেনে যিয়েনি গোজ্যে সিয়েনি চাহ্।’

গণাণা 23:23 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

গীতসংহিতা 31:19

তুই যে ভালেদি গোজ্যস্ সিয়েন কত্তমান দাঙর্ কাম্! যিগুনে তরে ভোক্তি গরন্ তারাত্তেই তুই সিয়েন তুলি রাগেয়োচ্; তইদু আশ্রয় লোইয়্যেগুনোরে তুই সে ভালেদিগানি গুরি থাচ্, আর সিয়েনি গুরিবে বেক্কুনো মুজুঙোত্।

গীতসংহিতা 64:9

সেক্কেনে বেক্কুনোর মনত্ দর্‌বুক লাগিবো; গোজেনে যিয়েন গোজ্যে তারা সিয়েন ফগদাং গুরিবাক্ আর সেই কধাগান ভাবিবাক্।

যিশাইয় 41:4

কন্না এ কামান্ গোজ্যে? কারে দিইনে এ কামান ওইয়্যে? বংশর্ পর বংশ ইদু কি ঘুদিবো সিয়েন কন্না পত্তম হইতে ঠিগ্ গুরি রাগেয়্যে? মুই লগেপ্রভু পৌইল্যেত্তুন্ ধুরি আগং আর শেজ্ সময়োর্ মানুচ্চুনোর সমারেয়ো থেম্।”

যিশাইয় 44:25

ভন্ড ভাবভাদীগুনোর্ চিহ্নোগানি মুই বিফল গুরি দুয়োং আর গণক্ক্যেগুনোরে ভুল-বেদমা বানাং। মুই জ্ঞানীগুনোর শিক্ষ্যেগানি বিফল গুরিনে সিয়েনি ভুল-বেদমাগুনোর্ শিক্ষ্যে বানাং।‌

যিহিষ্কেল 21:21

কিত্যে বাবিল রাজা গোণেবাত্তে-পড়িবাত্তে সিদু থামেব যিয়েনত্ পথ্‌তান ভাগ ওই যেইয়্যে, অত্তাৎ দ্বিয়েন পথ যিয়েনত্ এগত্তর্ ওইয়্যে। তে সেল্ মারিবো, তা দেবেদাগুনো সমারে সল্লা গুরিবো আর কনঅ য়েমান কলিজেলোই পোরোক্ষ্যে গুরি চেবঅ।

দানিয়েল 9:15

ইক্কিনে ও আমার প্রভু গোজেন, তুই খেমতাবলা আঢ্‌‌‌‌তোই তঅ মানুচ্চুনোরে মিসরত্তুন্ নিগিলেই আনিনে সুনাঙ্ পেইয়োচ্, আর সিয়েন এইচ্চ্যে সং আঘে। আমি পাপ গোজ্যেই, ভান্ন্যেই কাম গোজ্যেই।

মীখা 7:15

মিসর দেজত্তুন্ নিগিলি এবার্ দিনুনো ধোক্ক্যেন গুরি তুই আমারে আমক্ আমক্ অইদ্যে কাম্ দেগা।

গণাণা 24:1

বিলিয়মে যেক্কে দেগিলো, ইস্রায়েলীয়গুনোরে আশিদ্‌বাদ গরানা লগেপ্রভুর্‌ আওজ্ আঘে সেক্কে তে অন্য বার ধোক্ক্যেন যাদুমন্ত্রর্ সাহায্য নিবার্‌ চেট্ট্যা ন-গুরিলো। তে ধূল্যেচর-চাগালা ইন্দি তার্‌ মুয়োন্‌ ফিরেল।

মথি লেখ্যে গম্ হবর্ 12:25

তারা কি ভাবদন্ সিয়েন যীশু কোই পারিদো আর তারারে কলঅ, যে রেজ্যগান নিজো ভিদিরে ভাগ্ ওই যায় সে রেজ্যগান্ ভস্ত অয়। আর যে শঅরান্ বা পরিবার্‌‌বো নিজো ভিদিরে ভাগ্ ওই যায় সে শঅর্ বা পরিবার ন-টিগে।

মথি লেখ্যে গম্ হবর্ 12:27

তুমি কত্তে মুই অসিজি আত্মাগুনোরে ধাবাং কারন বেল্‌‌‌সবূলে মরে খেমতা দিয়্যে সিয়েনি গুরিবাত্যে। ঠিগ আঘে, সালে তমা মানুচ্চুনোরে কন্না খেমতা দিয়্যে কা বল্লোই তারারে ধাবান্? তুমি ঠিগ্ কধা কর্ না কি, তমা মানুচ্চুনে সিয়েন্ বিচের্ গুরিবাক্।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

যোহন 11:47

সেক্কে আজল্ ধর্মগুরুগুন্ আর ফরীশীগুনে দাঙর্ তেম্মাঙত্ মানুচ্চুনোরে থুবেইনে কলাক্, “আমি ইক্কিনে কি গুরিই? এ মানুচ্চো দঅ বোউত্ আমক্ কাম্ গরের্।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

প্রেরিত্‌ 4:16

তারা কলাক্, “এ মানুচ্চুনোরে লোইনে আমি কি গুরিবোং? যিগুনে যিরূশালেমত্ বজত্তি গরন্ সিগুনে বেক্কুনে কোই পারন্ যে, ইগুনে এক্কান বিশেষ আমক্ অবার্ কাম্ গোজ্যন্, আর আমি সিয়েন অস্বীগের্ অ গুরি ন-পারিই।

প্রেরিত্‌ 5:12

প্রচারক্কুনে মানুচ্চুনো ইধু বোউত্ আমক্ অবার কাম আর চিহ্নো-কাম গুরিদাক্; আর বিশ্বেজিগুনে বেক্কুনে উবোসনা-ঘরর্ শলোমন বারান্দাত্ একসমারে এগত্তর্ অদাক্।

প্রেরিত্‌ 5:14

সিয়েন অলেয়ো বোউত্ মরদ্ আর মিলে প্রভু উগুরে বিশ্বেজ্ গুরিলাক্ আর বিশ্বেজি দল সমারে মিজেলাক্।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

দ্বি’লম্বর বিররণ 3:24

ও প্রভু লগেপ্রভু, তুই যে কত্তমান্‌ দাঙর্‌ আর বোলী সিয়েন্‌ তর্‌ চাগর্‌বোরে দেগেবাত্তে আরাম্ভ গোজ্যস্‌। স্বর্গত্‌ বা পিত্‌থিমীত কনঅ দেবেদা আগন্‌ নাহি, তুই যেদক্কানি কাম্‌ গোজ্যস্‌ সিয়েনি গুরি পারন্‌ আর তুই যে বল্‌ দেগেয়োচ্‌ সিয়েনি দেগেই পারন?

যিহোশূয় 13:22

যুদ্ধোত্‌ যিগুনোরে মারে ফেলা ওইয়্যে তারা বাদে ইস্রায়েলীয়গুনে বিয়োরর পূঅ‌ গণকে বিলিয়মরেয়ো মারে ফেলেয়্যে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।