গণাণা 23:19 - Chakma Bible

¹⁹ গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

গণাণা 23:19 Iomraidhean Croise

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

১ রাজাবলী 14:11

তার্‌ বংশত্‌ যিদুক্কুন্‌ মানুচ্‌ শঅরত্‌ মুরিবাক্‌ তারারে কুগুরে হেবাক্ আর যিগুনে মাদ ভিদিরে মুরিবাক্‌ তারারে পেগে হেবাক্‌। মুই লগেপ্রভু এ কধাগান কঙর্‌।

২ রাজাবলী 15:12

লগেপ্রভু যেহূরে যিয়েনি কোইয়্যে, “তঅ বংশত্তুন চের্‌ আজু সং ইস্রায়েলর সিংহাসনত্‌ বুজিবাক্‌,” সিয়েন্‌ পূরোণ অলঅ।

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

১ বংশধর 17:17

ও গোজেন, ইয়েন তঅ চোগেন্দি যদবদে ন-অয়; ইয়েন লগে তঅ চাগরুনো বংশর আগাম কধায়ো তুই কোইয়োচ্‌। ও গোজেন লগেপ্রভু, মুই যেনে এক্কো দাঙর্‌ মানুচ্‌ সে চোগেন্দি তুই মরে দেখ্যচ্‌।

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 132:11

লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

গীতসংহিতা 77:9

গোজেনে কি মেয়্যে গুরিবাত্যে ভুলি যেইয়্যে? তে কি রাগে তার্ দোয়্যে-মেয়্যেগান বন্ধ গুরি দিলো?

গীতসংহিতা 89:34

মর্ থিদেবর্ গোজ্যে সুদোমান মুই ন-ভাঙিম; মঅ মুয়োনে যিয়েনি কোইয়্যে সিয়েন ন-বোদোলেম্।

গীতসংহিতা 89:35

মঅ পবিত্রতাগান শমক্ গুরি মুই একপল্লা কোই রাগেয়োং- মুই দায়ূদো ইদু কনদিন্‌অ মিজে কধা ন-কোম;

যিশাইয় 21:17

কেদরর ধনুবলা যোদ্ধোগুনো ভিদিরে কয়েক্কো মান্‌জ্যে বাঁজি থেবাক্। ইস্রায়েলর গোজেন লগেপ্রভু এ কধাগান কোইয়্যে।”

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

যিশাইয় 46:11

মঅ উদ্দেশ্যগান পুরেবাত্তে মুই এক্কো মান্‌জ্যরে দূর দেজত্তুন্ ডাগি আনিম; তে পূগ দেজত্তুন্ শিগেরী পেগো ধোক্ক্যেন্ এবঅ। মুই যিয়েনি কোইয়োং সিয়েনি মুই সফল গুরিম আর যিয়েনি পরিকল্পনা গোজ্যং সিয়েনি গুরিম।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 4:28

পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

দানিয়েল 4:28

ইয়েনি রাজা নবূখদ্‌নিৎসর উগুরে ঘুদিলো। বার মাস পরেদি তে যেক্কে বাবিলর রাজঘর ছাদ উগুরে বেড়ার্ সেক্কে কোইয়্যেদে, “মর্ খেমতালোই আর মর্ সয়-সাগোজ্যে বাঈনী গুরিবাত্তে রাজধানী ইজেবে যিয়েন মুই বানেয়োং ইয়েন কি সেই মহান বাবিল নয়?”

হোশেয় 11:9

মর্ দর্‌‌‌গরেপারা রাগ্‌‌‌কান মুই ফগদাং ন-গুরিম, ইফ্রয়িমরে আর ভস্ত ন-গুরিম, কিত্যে মুই গোজেন, মানুচ্ নয়; মুই তঅ ভিদিরে থেইয়্যে সেই পবিত্র মানুচ্চো। মুই রাগ্ ন-আনিম।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

হবক্‌‌‌‌কূক 2:3

কিত্যে এ দর্শনানর্ কধাগান পূরোণ অবার্ সময় এজঅ বাগী আঘে, মাত্তর্ সিয়েন যাদিমাদি উজেই এজের্ আর সে দর্শনান্ মিজে প্রমান্ ন-অবঅ। দিরি অলেয়ো সিয়েনত্তে বাজ্জেই থাগঅ; সিয়েন ঠিগ্ সময়োত্ হামাক্কায় পূরোণ অবঅ। তুই এ কধাগান লেগ্:

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

গণাণা 14:35

এই পাজি জাদর্‌ মানুচ্চুনে যিগুনে মর্‌ বিরুদ্ধে দল পাগেয়োন্‌ তারা বেক্কুনে এই ধূল্যেচর জাগাদই শেজ্ ওই যেবাক। মুই লগেপ্রভু এই কধাগান কঙর্।”

গণাণা 23:18

বিলিয়মে সেক্কে গোজেনর্ দিয়্যে এই কধানি কুয়া ধুরিলো; “বালাক রাজা উঠ্‌, শুনিচ্‌; ও সিপ্পোরর পুয়ো, মঅ কধানি শুনিচ্‌।

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

রোমীয় 9:6

গোজেন কধানি যে মিজে ওই যেইয়্যে সিয়েন নয়, কিয়া যিগুনে ইস্রায়েল জাদ ইধু জোর্মেয়োন তারা বেক্কুনে ঘেচ্চেকগুরি ইস্রায়েল নয়।

২ তীমথিয় 2:13

আমি অবিশ্বেজি অলেয়ো তে বিশ্বেজি থায়, কিয়া তে নিজোরে অস্বিগের্ গুরি ন-পারে।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

ইব্রীয় 7:21

মাত্তর্ তে যীশুরে দাঙর্ ধর্মগুরু বানেবার অক্তত্ শমক্ খিয়্যে। পবিত্র বোইবোত্ এ পৌইদ্যেনে লেগা আঘে, প্রভু শমক্ খিয়্যে, “তুই উমরত্যে ধর্মগুরু।” এ পৌইদ্যেনে তে তার্ মনান্ ন-বোদোলেব।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?

যিহোশূয় 21:45

লগেপ্রভু ইস্রায়েলীয়গুনোরে ভালেদি গুরিবাত্তে যেদক্কানি এগেম্ গোজ্যে সিয়েনির্‌ এক্কানঅ অপূরোণ ন-থায়, বেক্কানি পূরোণ ওইয়্যে।

১ শমূয়েল 15:29

যিবে ইস্রায়েলর বাঈনী পেবার্ তে মিজে কধা ন-কয় বা মনান্অ ন-বদলায়। তে মানুচ্ নয়দে যে, মনান্অ বোদোলেব।”

১ শমূয়েল 3:12

মুই এলির বংশর পৌইদ্যেনে যিয়েনি কঙর্‌ সিয়েনির পোইল্যেত্তুন ধুরি যেরেন্দি সং বেক্কানিই এলির বিরুদ্ধে পূরোণ গুরিম।