গণাণা 23:14 - Chakma Bible

¹⁴ ইয়েন্‌ কোইনে বালাকে তারে পিস্‌গা মুড়োবো উগুরে যে সোফীম নাঙে মাদ্‌তো আঘে সিয়েনত্‌ নেযেল। সিয়েনত্‌ তে সাত্তো পূজো বানেইনে এক এক্কো উগুরে এক্কো গুরি দামাড়া গোরু আর এক্কো গুরি ভেড়াছাগল উৎসর্ব গুরিলো।

গণাণা 23:14 Iomraidhean Croise

যিশাইয় 46:6

কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

হোশেয় 12:11

গিলিয়দ ভান্ন্যেয় কামে ভরা, তা মানুচ্চুনে অপদাত্ত। তারা গিল্‌গলত্ বোউত বলদ উৎসর্ব গরন্। তারার্ পূজোগুন চাজ্ গোজ্যে ভূইয়োত্ পাত্তর কুড়ো ধোক্ক্যেন বোউত্।

গণাণা 23:13

পরেদি বালাকে বিলিয়মরে কলঅ, “তুই মঅ লগে আর্‌ এক্কান্‌ জাগাত্‌ আয়। সিয়েনত্তুন্‌ তুই ইস্রায়েলীয়গুনোরে দেগিবে। তুই তারারে বেক্কুনোরে যে দেগিবে সিয়েন নয়, বানা তারার্‌ এক্কো ভাগ্‌ দেগিবে। সিয়েনত্তুন্‌ তুই মর্‌ পক্কত্তুন্‌ তারারে অভিশাব দিবে।”

গণাণা 23:15

সে পরেদি বিলিয়মে বালাকরে কলঅ, “যে য়েমানুন্‌ দিইনে পুজ্যে-উৎসর্বর অনুষ্ঠানান গরা অলঅ তুই সিগুনো ইদু থাক্‌, আর মুই ইন্দি যেইনে লগেপ্রভু সমারে দেগা গরং।”

গণাণা 23:29

সেক্কে বিলিয়মে কলঅ, “ইয়েনত্‌ মত্তে সাত্তো পূজো বানেচ্‌ আর সাত্‌তো বলদ গোরু আর সাত্‌তো ভেড়াছাগল উৎসর্ব গুরিবাত্তে যুক্কোল গুরিচ্‌।”

দ্বি’লম্বর বিররণ 3:27

তুই পিস্‌গার মাদাবোত্‌ উদিনে উত্তোর-দোগিন্‌ আর পূগ-পোঝিমেন্দি চেই লঅ। যর্দন গাঙান্‌ পার্‌ ওইনে যেক্কে তমার্‌ যানা ন-অবঅ সেক্কে নিজোর্‌ চোগে দেজ্‌ছান একবার্‌ চেই নেযঅ।

দ্বি’লম্বর বিররণ 34:1

ইয়েনর্ পরেন্দি মোশি মোয়াবর সং জাগাত্তুন যিরীহোর উগুদোন্দি পিস্‌গা মুড়োমুড়ি ভিদিরে বেগত্তুন উজু নবো মুড়োবোত্‌ উদিলো। সিয়োত্তুন লগেপ্রভু তারে গোদা দেজ্‌ছান দেগেল। তে তারে গিলিয়দত্তুন দান সং বেক জাগায়ান,

দ্বি’লম্বর বিররণ 4:49

সিয়েন ভিদিরে এলদে যর্দনর্‌ পূগেন্দি পুরো অরাবা চাগালাগান। ইয়েন্‌ পিস্‌গা মুড়োবো কামাগানর্‌ তলেন্দি অরাবার সাগর সং যেয়েগোই।