গণাণা 23:12 - Chakma Bible

¹² জোবত্‌ বিলিয়মে কলঅ, “লগেপ্রভু মর্‌ মুয়োনত্‌ যে কধাগান্‌ যুগেই দিয়্যে সিয়েনি কি মুই ন-কোইনে থেই পারং?”

গণাণা 23:12 Iomraidhean Croise

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

গম্ উপদেজ্ 26:25

তা কধাগান মিদে অলেয়ো বিশ্বেজ্ ন-গুরিচ্, কিত্তে তা মন ভিদিরে আগেদে সাত্‌তান ঈচ্ গরেদে জিনিস।

গণাণা 22:20

সেই রেদোত্‌ গোজেনে এইনে বিলিয়মরে কলঅ, “এই মানুচ্চুনে যেক্কে তরে ডাগিবাত্তে এচ্চ্যন্‌ সেক্কে তুই তারা সমারে যাহ্, মাত্তর্‌ মুই তরে যিয়েনি কোম্‌ তুই বানা সিয়েনি গুরিবে।”

গণাণা 22:38

জোবত্‌ বিলিয়মে কলঅ, “মুই ইক্কিনে তইদু এচ্চ্যং। মাত্তর্‌ মর্‌ নিজোর্‌ কনঅ কধা কবার্‌ সাধ্য নেই। গোজেনে যে কধাগান্‌ মর্‌ মুয়োন্দি যোগেই দিবো মত্তুন বানা সিয়েনোই কুয়ো পুরিবো।”

গণাণা 23:13

পরেদি বালাকে বিলিয়মরে কলঅ, “তুই মঅ লগে আর্‌ এক্কান্‌ জাগাত্‌ আয়। সিয়েনত্তুন্‌ তুই ইস্রায়েলীয়গুনোরে দেগিবে। তুই তারারে বেক্কুনোরে যে দেগিবে সিয়েন নয়, বানা তারার্‌ এক্কো ভাগ্‌ দেগিবে। সিয়েনত্তুন্‌ তুই মর্‌ পক্কত্তুন্‌ তারারে অভিশাব দিবে।”

গণাণা 23:20

মুই আশিদ্‌বাদ গুরিবাত্তে উগুম্‌ পেইয়োং। তে ইস্রায়েলরে আশিদ্‌বাদ গোজ্যে, মুই সিয়ান্‌ বুদুলি ন-পারং।

গণাণা 23:26

জোবত্‌ বিলিয়মে কলঅ, “মুই কি তরে ন-কং, লগেপ্রভু যিয়েনি কবঅ সিয়েনি মত্তুন্‌ গরা পুরিবো?”

গণাণা 23:3

সে পরেদি বিলিয়মে বালাকরে কলঅ, “যে য়েমানুন্‌দোই পুজ্যে-উৎসর্বর অনুষ্ঠানান গরা অলঅ তুই সিগুনো ইদু থাক্‌ আর মুই উন্দি যাঙর্‌। দগেনলে লগেপ্রভু মঅ লগে দেগা গুরিবাত্তে এবঅ। তে মইদু যিয়েনি ফগদাঙ্‌ গুরিবো মুই সিয়েনি তইদু কোম্‌।” এই কধাগান কোইনে বিলিয়মে এন্‌ এক্কো মুড়ো উগুরে উদিলো যিয়েনত্‌ কনঅ গাজ্‌পালা ন-এলাক্।

গণাণা 24:13

যুনিয়ো বালাকে সোনা-রূবোয় ভোজ্যে রাজ্‌ঘরান্‌ মরে দে তো মর্‌ নিজোর্‌ আওজে মুই গম্‌-ভান্ন্যেই কিচ্ছু গুরি ন-পারিম বা লগেপ্রভুর্‌ উগুমোর্‌ বারেন্দি যেই ন-পারিম, আর লগেপ্রভু যিয়েনি কবঅ বানা সিয়েনিই মত্তুন্‌ কুয়া পুরিবো।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।