গণাণা 22:6 - Chakma Bible

⁶ এই মানুচ্চুনে মত্তুন্‌ বেশ্‌ বোলী; সেনত্তে তুই এইনে এই মানুচ্চুনোরে অভিশাব দেগি। সালে অয়ত মুই তারারে অদেই দিইনে দেজত্তুন্‌ দাবেই দি পারিম্‌। মুই এই কধাগান্‌ হবর্ পাং, তুই যারারে আশিদ্‌বাদ গরছ্‌ তারা হামাক্কায়্‌ আশিদ্‌বাদ পান্‌ আর যিগুনোরে অভিশাব দুয়োচ্‌ তারা উগুরে অভিশাব্ পড়ে।”

গণাণা 22:6 Iomraidhean Croise

পত্থম 12:3

যিগুনে তরে বর্ দিবাক্‌ মুই তারারে বর্ দিম, আর যিগুনে তরে অভিশাব দিবাক্‌ মুই তারারে অভিশাব দিম্‌। তঅ মাধ্যমে পিত্‌থিমীর্‌ বেক্‌ জাদ্‌তুনে বর্ পেবাক্‌ ।

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

১ রাজাবলী 22:13

যে মানুচ্চো মীখায়রে ডাগি আনিবাত্তে যেইয়্যে তে তারে কলঅ, “চাহ্, অন্য ভাববাদীগুনে বেক্কুনে এককধায় রাজার ফলেদে কধানি কদন্‌। তঅ কধাগান্‌অ যেনে তারা কধা ধোক্ক্যেন্ অয়। তুই ভালেদির কধা কবে।”

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

নহিমিয় 13:2

ইয়েনর্‌ কারনান্‌ অলদে, মোশির সময়োত্‌ তারা হানা আর পানি লোইনে ইস্রায়েলীয়গুনোর্‌ ইদু ন-যান্‌ বরং তারা তারার্‌ অভিশাব্‌পানি দিবাত্তে বিলিয়মরে ভাড়া গোজ্যন্‌। মাত্তর্‌ আমা গোজেনে সে অভিশাবর্‌ বদলে আশিদ্‌বাদ গোজ্যে।

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

গম্ উপদেজ্ 26:2

চোড়োই বা খঞ্জন পেগে যেধোক্ক্যেন্ গুরি ইন্দি উন্দি উড়ি উড়ি বেড়ায়, সেধোক্ক্যেন এনেবাদে দিয়্যে অভিশাব্‌অ লামি ন-এজে।

যিহিষ্কেল 13:6

তারার্ দর্শনান্ মিজে আর তারার্ গোণানা-পড়িদেনাগানি ঠিগ্ নয়। তারা কন্দে, মুই এ কধানি কঙর্, অদচ মুই তারারে ন-পাদাং; তো তারা আজা গরন তারার্ কধানি ফলিবো।

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 22:17

তে তরে বোউত্‌ সর্মানর অধিকারী গুরিবো আর তুই যিয়েন্‌ কবে সিয়েনোই গুরিবো। তে চাইদে যেনে তুই যেইনে তার পক্ষত্তুন্‌ সেই মানুচ্চুনোরে অভিশাব্ দুয়োচ্‌।”

গণাণা 23:13

পরেদি বালাকে বিলিয়মরে কলঅ, “তুই মঅ লগে আর্‌ এক্কান্‌ জাগাত্‌ আয়। সিয়েনত্তুন্‌ তুই ইস্রায়েলীয়গুনোরে দেগিবে। তুই তারারে বেক্কুনোরে যে দেগিবে সিয়েন নয়, বানা তারার্‌ এক্কো ভাগ্‌ দেগিবে। সিয়েনত্তুন্‌ তুই মর্‌ পক্কত্তুন্‌ তারারে অভিশাব দিবে।”

গণাণা 23:27

পরে বালাকে বিলিয়মরে কলঅ, “আদিচ্‌, মুই তরে আর এক জাগাত্‌ লোই যাঙ্‌। দগেনলে গোজেনে খুজি ওইনে সিয়েনত্তুন্‌ তরে মর্‌ পক্কত্তুন্‌ তারারে অভিশাব দিবাত্তে দিবো।”

গণাণা 24:9

সিংহ আর সিংহী ধোক্ক্যেন তারা বেজা মারিবাক্ আর মাদিত্‌ পড়িবাক্‌, সেক্কে কন্না তারারে জাগেবাত্তে সাহস গুরিবো? যিগুনে তমারে আশিদ্‌বাদ গরন্‌ তারা উগুরেয়ো সেধোক্ক্যেন আশিদ্‌বাদ পোরোক; আর যিগুনে অভিশাব্ দুয়োন, তারা উগুরেয়ো সেধোক্ক্যেন অভিশাব্ পোড়োক।”

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।

যিহোশূয় 24:9

পরেন্দি সিপ্পোরর পূঅ মোয়াবর রাজা বালাকে ইস্রায়েলীয়গুনো লগে যুদ্ধো গুরিবাত্তে যুক্কোল্‌ অলঅ‌ আর তমারে অভিশাব্ দিবাত্তেই বিয়োরর পূঅ বিলিয়মরে ডাগি আনিলো।

১ শমূয়েল 17:43

গলিয়াৎ দায়ূদরে কলঅ, “মুই কি কুগুরো ধোক্ক্যেন, তুই লুদিক্কোই মইন্দি এজর্‌?” তে তার দেব-দেবেদাগুনোর নাঙানি গিনিনে দায়ূদরে অভিশাব দিয়্যে ধুরিলো।