গণাণা 22:34 - Chakma Bible

³⁴ সেক্কে বিলিয়মে লগেপ্রভুর দূত্‌তোরে কলঅ, “মুই পাপ গোজ্যং। মুই বুঝি ন-পারং, তুই মরে মানা গুরিবাত্তে পদথ্‌ থিয়্যেই আগচ্‌। তুই যুনি বেজার্‌ অচ্‌ সালে মুই ফিরি যেম্‌।”

গণাণা 22:34 Iomraidhean Croise

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

১ বংশধর 21:7

এ উগুমান্‌ গোজেন চোগেন্দিয়ো গম্‌ ন-এলঅ; সেনত্তে তে ইস্রায়েল জাদ্‌তোরে সাজা দিলো।

গীতসংহিতা 78:34

তে তারারে মারে ফেলানার পরেন্দি বাদ্‌বাগি মানুচ্চুনে তা কধা ইদোত্ তুলিলাক্; তারা আরঅ তান্দি ফিরিনে আওজ্ গুরিনে তারারে ডাগিলো।

যাত্রা 9:27

ফরৌণে সেক্কে মোশি আর হারোণরে ডাগি আনিনে কলঅ, “এবেরা মুই পাপ কাম গোজ্যং। লগেপ্রভু ঠিগ্ কামান্‌ গোজ্যে। মুই আর মঅ মানুচ্চুনে দুষী।

গম্ উপদেজ্ 24:18

যুনি সিয়েন গরচ্ সালে লগেপ্রভু সিয়েন দেগিনে বেজার্ অবঅ, আর শত্রুগুনো উগুরেত্তুন্ তার অমকদ বেজার্ অনাগান্ সোরেই নেযেব।

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 14:40

তার্‌কেল্যে বেন্যেপোত্যে তারা সেই মুড়োমুরি চাগালা ইন্দি যেবাত্তে যুক্কোল্ ওইনে কলাক্, “আমি যের্‌। আমি পাপ গুরি ফেল্ল্যেই; ইক্কুনি আমি লগেপ্রভুর এগেম্ গোজ্যে দেজত্‌ যেবং।”

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 22:33

গাধীবো মরে দেগিনে এই তিনবার মঅ মুজুঙোত্তুন্‌ সুরি যেইয়্যে। যুনি তে সুরি ন-যেদঅ, সালে মুই হামাক্কায়্‌ তরে এদক্কনে মারে ফেলেদুং আর গাধীবোরে বাঁজেই রাগেদুং।”

১ শমূয়েল 15:24

শৌল সেক্কে শমূয়েলরে কলঅ, “মুই পাপ গোজ্যং। লগেপ্রভুর উগুম আর তর্‌ উগুম মুই হামাক্কায় অমান্য গোজ্যং। মানুচ্চুনোর দরে মুই তারার কধা মজিম্ কাম গোজ্যং।

১ শমূয়েল 15:30

শৌলে কলঅ, “মুই পাপ গোজ্যং; তো মর্‌ কোজোলীগান্ ইয়েন, মঅ জাদর্‌ বুড়ো নেতাগুনো ইদু আর ইস্রায়েলীয়গুনোর মুজুঙোত্‌ মর্‌ সর্মানান্‌ রাগঅ। মুই যেনে তর্‌ গোজেন লগেপ্রভুর উবোসনা গুরি পারং সেনত্তেই তুই মঅ সমারে আদিচ্‌।”

১ শমূয়েল 24:17

তে দায়ূদোরে কলঅ, “তুই মত্তুন্‌ বেশ্‌ ন্যায়বলা, কিত্যে মুই তর্‌ লগে ভান্ন্যেই বেবহার গুরিলেয়ো তুই মর্‌ লগে দোল্‌ বেবহার্‌ গোজ্যচ্‌।

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”