গণাণা 22:32 - Chakma Bible

³² লগেপ্রভুর দূত্‌তো তারে পুযোর্ গুরিলো, “তর্‌ গাধীবোরে তুই ইয়েন্দোই তিনবার কিত্তে মারিলে? তুই মঅ মুজুঙোত্‌ মর্‌ বিরুদ্ধে যর্‌ বিলি মুই তরে মানা গুরিবাত্তে ইদু এচ্চ্যং।

গণাণা 22:32 Iomraidhean Croise

গীতসংহিতা 145:9

লগেপ্রভু বেক্কুনোত্তে ভালেদিগুরিয়্যে; তার বানেয়্যে বেক্কানি উগুরে মেয়্যে আঘে।

গীতসংহিতা 147:9

য়েমানুনো হানাগানি তেয়ই যোগেই দে; কবাগুনো ছঅগুনে যেক্কেনে ডগরন্ সেক্কেনে তেয়ই তারারে হানা দে।

গীতসংহিতা 36:6

তর্ ধার্মিকতাগান গোজেন মুড়োগুনো ধোক্ক্যেন্; তর্ ন্যায়বিচেরান যেন গভিন্ সাগর ধোক্ক্যেন্। ও লগেপ্রভু, মানুচ্ আর য়েমান বেক্কুনোরে তুয়ই বাঁজে রাগাচ্।

গম্ উপদেজ্ 14:2

যে গমেডালে চলে তে লগেপ্রভুরে ভোক্তিগুরিনে দরায়, মাত্তর্ যে বেঙা পধেদি আঢে তে তারে ঈচ্ গরে।

গম্ উপদেজ্ 16:2

মান্‌জ্যর বেক্ পথ্‌তানি তার নিজো ইদু নিদ্দুযি, মাত্তর্ লগেপ্রভু তা উদ্দেশ্যগানি মাবি চায়।

গম্ উপদেজ্ 28:18

যিবের চলাফিরেত্ নিদ্দুষি তে গমেডালে থায়, মাত্তর্ যে মানুচ্চো বেঙা পধেদি যায় তে আদিক্ক্যেন্‌গুরি পুরিবো।

গম্ উপদেজ্ 28:6

যে তাগোয়্যে মানুচ্চো বেঙা পধেদি যায় তাত্তুন্ বরং সে নাঢা মানুচ্চো গম্ যে গমেডালে আঢাউদো গরে।

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 22:20

সেই রেদোত্‌ গোজেনে এইনে বিলিয়মরে কলঅ, “এই মানুচ্চুনে যেক্কে তরে ডাগিবাত্তে এচ্চ্যন্‌ সেক্কে তুই তারা সমারে যাহ্, মাত্তর্‌ মুই তরে যিয়েনি কোম্‌ তুই বানা সিয়েনি গুরিবে।”

গণাণা 22:22

মাত্তর্‌ তারে যাদে দেগিনে গোজেনে তা উগুরে অমহদ বেজার্ অলঅ। তারে মানা গুরিবাত্তে লগেপ্রভুর দূত্‌তো পদথ্‌ থিয়্যেইনে রলঅ। বিলিয়মে গাধীবো উগুরে চড়িনে যার্‌। তার্‌ দ্বিজন চাগর্‌ তা সমারে এলাক।

গণাণা 22:28

সেক্কে লগেপ্রভু গাধীবোর্‌ মুয়োন্‌ খুলি দিলো। তে বিলিয়মরে কলঅ, “মুই তরে কি গোজ্যংগে, তুই ইয়েন্দোই তিনবার মরে মারিলে?”

গণাণা 22:33

গাধীবো মরে দেগিনে এই তিনবার মঅ মুজুঙোত্তুন্‌ সুরি যেইয়্যে। যুনি তে সুরি ন-যেদঅ, সালে মুই হামাক্কায়্‌ তরে এদক্কনে মারে ফেলেদুং আর গাধীবোরে বাঁজেই রাগেদুং।”

গণাণা 22:35

লগেপ্রভুর দূত্‌তো বিলিয়মরে কলঅ, “তুই উই মানুচ্চুনো সমারে যাহ্, মাত্তর্‌ মুই তরে যিয়েনি কবাত্তে কোম্‌ তুই বানা সিয়েনি কবে।” বিলিয়মে সেক্কে বালাকে পাদেয়্যে নেতাগুনো সমারে গেলঅ।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।

দ্বি’লম্বর বিররণ 25:4

শোজ্য মাড়িবার সলাবোত্‌ বলদর মুয়োনত্‌ মোগোনী খাজা ন-বান্য।