গণাণা 22:31 - Chakma Bible

³¹ ইয়েনর্ পরেদি লগেপ্রভু বিলিয়মর্‌ চোক্কুন্‌ খুলি দিলো আর তে লগেপ্রভুর দূত্‌তোরে তলোয়ার আদত্‌ গুরি পদ্‌থানর সংমোধ্যে থিয়্যেই থাগদে দেগিলো। সেক্কে তে মাদা নিগিরিনে মাদিত্‌ আদুপাড়িনে পড়িলো।

গণাণা 22:31 Iomraidhean Croise

পত্থম 21:19

সে পরেদি গোজেনে হাগার চোখ্‌কুন্‌ খুলি দিলো, সেক্কে তে এক্কো পানিলোই ভোজ্যে কুয়ো দেগিলো। সে কূয়োবো ইধু যেইনে তে তার্ চাম থৈল্যেবো ভুরি নেযেনে পুয়োবোরে পানি হাবেল।

১ বংশধর 21:16

এ ভিদিরে দায়ূদে উগুরেত্তুন্‌ রিনি চেইনে দেগিলোদে, লগেপ্রভুর দূত্‌তো আগাজ ইদু থিয়্যেই এলঅ আর তা আদত্‌ রোইয়্যে যিরূশালেম উগুরে মেল্যে গুরি-ধোজ্যে খুলো তলোয়ারান্‌। ইয়েন্‌ দেগিনে দায়ূদ আর বুড়ো নেতাগুনে বস্তা সিলুম্‌ উজ্যে অবস্থায় মাদি উগুরে আদু পাড়িনে পড়িলাক্‌।

গীতসংহিতা 9:20

ও লগেপ্রভু, তারার্ মনত্ দর্‌বুগ্ লাগেই দে, অন্য জাদ্‌‌তুনে হবর্ পাদোক্, তারা বানা মানুচ্।

যাত্রা 34:8

এ কধাগান শুনিনে মোশি সেক্কে মাদিত্‌ মাদা নিগিরিনে তারে ভোক্তি জানেইনে কলঅ‌, “ও প্রভু, মঅ উগুরে যুনি তর্‌ দোয়্যে থায়্‌ সালে তুই আমা লগে আদিচ্। যুনিয়ো এ মানুচ্চুনে একবুচ্চ্যে তো তুই আমার্‌ ভান্ন্যেইয়ানি আর পাপ্পানি ক্ষেমা গুরিনে তর্‌ নিজোর্‌ বিলি আমারে মানি লঅ‌।”

গণাণা 22:30

গাধীবো বিলিয়মরে কলঅ, “মুই কি তর্‌ সেই গাধীবো নয় যিবে উগুরে তুই সারা জিংকানিগান্‌ চড়ি এচ্চ্যচ্‌? তঅ সমারে কি এধোক্ক্যেন বেবহার্‌ গরানা মর্‌ অভ্যাস?” বিলিয়মে কলঅ, “না, সিয়েন্‌ দ ন-গরচ্‌।”

গণাণা 24:16

যে মানুচ্চো গোজেনর্‌ কধানি শুন্যে আর দাঙর্‌ গোজেনর্‌ ইত্তুন্‌ জ্ঞান পার্‌, যে বেগত্তুন্ খেমতাবলা গোজেনর্‌ দিয়্যে জ্ঞানান্ দেখ্যে, যে মাদি উগুরে আদু পাড়িনে পোজ্যে, আর যিবের্‌ চোগো পাদা খুলি যেইয়্যে, তে এই কধাগান কত্তে:

গণাণা 24:4

যে মানুচ্চো গোজেনর্‌ কধা শুন্যে আর গোজেনর্‌ দিয়্যে জ্ঞ্যানান্ দেখ্যে, যে মাদি উগুরে আদু পাড়িনে পোজ্যে আর যিবের্‌ চোগো পাদাগান মেলা যেইয়্যে,

লূকে লেখ্যে গম্ হবর্ 24:16

তারা চোগ্‌কুন যেন নাঢা যেইয়োন্, সেনত্তে তারা যীশুরে চিনি ন-পারিলাক্।

লূকে লেখ্যে গম্ হবর্ 24:31

সেক্কে তারার্ চোগ্‌কুন খুলি গেলাক্; তারা যীশুরে চিনিলাক্, মাত্তর্ সিয়েনর্ লগে লগে তারে আর দেগা ন-গেলঅ।

যোহন 18:6

যীশু যেক্কে তারারে কলঅ, “মুয়ই সিবে,” সেক্কে তারা পিজেদি যেইনে মাদিত্ পড়ি গেলাক্।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

যিহোশূয় 5:14

জোবত্‌ তে কলঅ‌, “মুই কারঅ‌ পক্ষর মানুচ্‌ নয়। মুই লগেপ্রভুর সৈন্যদলর সেনাপতি; ইক্কিনে মুই ইয়েনত্‌ এচ্চ্যং।” এ কধা শুনিনে যিহোশূয় মাটিত্‌ আদু পাড়ি পড়িনে তারে সালাম্‌ গুরিলো আর পুজোর্‌ গুরিলো, “মঅ গিরোজ্‌ তা চাগর্‌বোরে কি কিজু কবাত্তে চায়?”