গণাণা 22:3 - Chakma Bible

³ এদক্‌ মানুচ্‌ দেগিনে মোয়াবীয়গুনে দোরেয়োন্‌। ইস্রায়েলীয়গুনোরে দেগিনে হামাক্কায় মোয়াবীয়গুনে অমহদ দোরেয়োন।

গণাণা 22:3 Iomraidhean Croise

নহিমিয় 13:2

ইয়েনর্‌ কারনান্‌ অলদে, মোশির সময়োত্‌ তারা হানা আর পানি লোইনে ইস্রায়েলীয়গুনোর্‌ ইদু ন-যান্‌ বরং তারা তারার্‌ অভিশাব্‌পানি দিবাত্তে বিলিয়মরে ভাড়া গোজ্যন্‌। মাত্তর্‌ আমা গোজেনে সে অভিশাবর্‌ বদলে আশিদ্‌বাদ গোজ্যে।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

যাত্রা 1:12

মাত্তর্‌ তারা উগুরে যেদক্‌ অত্যেচার্ গরা অলঅ সেদক্‌ তারা জনেদি বাড়ি যেইনে দেজ চেরোকিত্তেদি ছিদি পড়িলাক্। সেক্কে ইস্রায়েলীয়গুনোত্তে মিসরীয়গুনো মনত্‌ অমকদ দর্‌বুক সোমেল।

যাত্রা 15:15

ইদোমীয় সর্দারুনে দরে ওলোমত্ত্য অবাক্; মোয়াবীয় নেতাগুনে দরে গির্‌গিরেবাক্‌, আর অমহদ দর্‌বুগোত্‌ পড়িনে কনানীয়গুনে সাহস্‌ আড়েবাক্‌। ও লগেপ্রভু, তর্‌ মানেইয়ুনোর্‌ যানা থুম ন-অনা সং, তর্‌ ছাড়ি নেযেয়ে মানেইয়ুনোর্‌ যানা থুম ন-অনা সং তর্‌ দাঙর্ খেমতার্ মুজুঙোত্‌ সেই‌ বেক্‌ জাদ্‌তুনে পাত্তর্‌ ধোক্ক্যেন পড়ি থেবাক্।

যাত্রা 23:27

তুমি যিদুক্কুন্‌ জাদ ইদু যেবা তারার মনত্‌ মঅ পৌইদ্যেনে এক্কান্‌ দর্‌গরেপারা মনভাব্‌ মুই আগে আগে জাগেই দিম্‌ আর তারা ভিদিরে এক্কান্‌ ওলোজোলো গুরি দিম। তমার বেক্‌ শত্রুগুনে পিজেদি ফিরিনে ধেই যেবাক্।

যিশাইয় 23:5

মিসরত্ এ হবরান্ গেলে পরেদি মিসরীয়গুনে সোরর হবরান্দোই মনত্ দুঘ্ পেবাক্।

দ্বি’লম্বর বিররণ 2:25

এচ্চ্যেত্তুন্‌ ধুরি মুই পিত্‌থিমীর বেক্‌ জাদ ভিদিরে তমা পৌইদ্যেনে এক্কান দর্‌গরেদে ভাব আর গির্‌গিরেনি ধরানা আরাম্ভ গুরিম্‌। তারা তমার কধানি শুনিলে গির্‌গিরেবাক্‌ আর তমাত্যে তারার্‌ মনানিত্‌ অমকদ ভান্ন্যেই চিদে জাগিবো।

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।