গণাণা 22:23 - Chakma Bible

²³ লগেপ্রভুর দূত্‌তো তলোয়ার আদত্‌ লোই থিয়্যেই থাগদে দেগিনে গাধীবো পদ্‌থান্‌ ছাড়িনে মাদন্দি লামি গেলঅ। গাধীবোরে আরঅ পদ্‌থান্‌ ফিরেইনে লোই যেবাত্তে বিলিয়মে তারে মারা ধুরিলো।

গণাণা 22:23 Iomraidhean Croise

২ রাজাবলী 6:17

সে পরেন্দি ইলীশায় এ তবনাগান গুরিলো, “ও লগেপ্রভু, তা চোখ্‌কুন্‌ খুলি দে যেনে তে দেগে।” সেক্কে লগেপ্রভু সে চাগর্‌বোর্‌ চোখ্‌কুন্‌ খুলি দিলো। তে দেগিলোদে ইলীশায়র চেরোকিত্তে মুড়ো-মুড়িগুন আগুনোর রথ আর ঘোড়ালোই ভোজ্যে।

১ বংশধর 21:16

এ ভিদিরে দায়ূদে উগুরেত্তুন্‌ রিনি চেইনে দেগিলোদে, লগেপ্রভুর দূত্‌তো আগাজ ইদু থিয়্যেই এলঅ আর তা আদত্‌ রোইয়্যে যিরূশালেম উগুরে মেল্যে গুরি-ধোজ্যে খুলো তলোয়ারান্‌। ইয়েন্‌ দেগিনে দায়ূদ আর বুড়ো নেতাগুনে বস্তা সিলুম্‌ উজ্যে অবস্থায় মাদি উগুরে আদু পাড়িনে পড়িলাক্‌।

যিরমিয় 8:7

সারস পেগ্‌‌কোয়ো নিজো সময়ান হবর্ পায়, আর কঅ, চাতক আর শালিক পেগ্‌কুনেয়ো তারার যেবার সময়ান ইন্দি খিয়েল রাগান, মাত্তর্ মঅ মানুচ্চুনে মর্ সুদোমানি ইন্দি মনযোগ ন-দুয়োন।‌

দানিয়েল 10:7

মুই দানিয়েল গায় গায় সেই দর্শনান্ দেগিলুং; মঅ সমারে মানুচ্চুনে সিয়েনি ন-দেগিলাক্, মাত্তর্ তারা এদক্ দোরেলাক্ যে, তারা ধেই যেইনে পৌল্যে রলাক্।

গণাণা 22:22

মাত্তর্‌ তারে যাদে দেগিনে গোজেনে তা উগুরে অমহদ বেজার্ অলঅ। তারে মানা গুরিবাত্তে লগেপ্রভুর দূত্‌তো পদথ্‌ থিয়্যেইনে রলঅ। বিলিয়মে গাধীবো উগুরে চড়িনে যার্‌। তার্‌ দ্বিজন চাগর্‌ তা সমারে এলাক।

গণাণা 22:24

লগেপ্রভুর দূত্‌তো পরেদি দ্বিবে আংগুর ক্ষেদর সংমোধ্যেন্দি এক্কান চিবেচিপ্প্যে পদ উগুরে যেইনে থিয়্যেল। পদ্‌থানর দ্বিকিত্তেন্দি দেবাল এলঅ।

প্রেরিত্‌ 22:9

যিগুনে মঅ লগে এলাক্ সিগুনে সেই পহ্‌রান্ দেগিলাক্, মাত্তর্ যে মঅ লগে কধা কর্ তা কধানি তারা ন-বুঝিলাক্।

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

২ পিতর 2:16

মাত্তর্ তার ভান্ন্যেই কামানিত্যে তে এক্কো ববা গাধাত্তুন্ ধমক্ খেইয়্যে। সেই গাধাবো মান্‌জ্য ধোক্ক্যেন কধা কোইনে তার্ পাগলামিত্ মানা গোজ্জ্যে।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।