গণাণা 22:11 - Chakma Bible

¹¹ ‘মিসর দেজত্তুন্‌ একদল মানুচ্‌ নিগিলি এইনে দেজ্‌ছানরে ঢাগি ফেলেয়োন। ইক্কিনে তুই এইনে মর্‌ পক্কত্তুন এই মানুচ্চুনোরে অভিশাব্ দেগি। সালে অয়ত মুই যুদ্ধো গুরিনে ইগুনোরে ধাবেই দি পারিম।’”

গণাণা 22:11 Iomraidhean Croise

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

গণাণা 22:10

জোবত্‌ বিলিয়মে গোজেনরে কলঅ, “মোয়াবর রাজা সিপ্পোরর পূঅ বালাকে মইদু হবর্ পাদেইনে কোইয়্যেদে,

গণাণা 22:12

মাত্তর্‌ গোজেনে বিলিয়মরে কলঅ, “তুই তারা সমারে ন-যেবে আর সেই মানুচ্চুনোরে কনঅ অভিশাব ন-দিবে, কিত্যে সিগুন মর্‌ আশিদ্‌বাদ পেইয়্যে মানুচ্‌।”

গণাণা 23:11

এই কধাগান শুনিনে বালাকে বিলিয়মরে কলঅ, “তুই মরে ইয়েন্‌ কি গুরিলে? মর্‌ শত্রুগুনোরে অভিশাব দিবাত্তে মুই তরে আনিলুং আর তুই কি-না তারারে আশিদবাদ্‌ গুরিলে।”

গণাণা 23:7

সেক্কে বিলিয়মে গোজেনর্‌ দিয়্যে এই কধানি কুয়ো ধুরিলো: “বালাকে মরে অরাম দেজত্তুন্ লোই আনিলো, পূগেদি মুড়োগুনোর্‌ কায়-কুরেত্তুন্‌ মোয়াব-রাজা মরে লোই আনিলো। তে কলঅ, ‘মর্‌ পক্কে তুই যাকোবরে অভিশাব্ দিচ্‌, ইস্রায়েলর্ বিপক্ষে ভান্ন্যেয়ানিত্যে কধা কঅ।’

গণাণা 24:10

এই কধাগান শুনিনে বালাকে বিলিয়ম উগুরে রাগে আগুন ধোক্ক্যেন অলঅ। তে আদ চাবর্‌ মারিনে তারে কলঅ, “মর্‌ শত্রুগুনোরে অভিশাব দিবাত্তে মুই তরে ডাগি আন্যং মাত্তর্‌ ইয়েন্‌ ন-গুরিনে তুই তারারে তিনবার্‌ আশিদ্‌বাদ গুরিলে।

যিহোশূয় 24:10

মাত্তর্‌ বিলিয়মর কধালোই কান পাদিবাত্তে মুই রাজী ন-অং, সেনত্তে তে বার্‌ বার্‌ তমারে আশিদ্‌বাদ গোজ্যে। বালাক আঢত্তুন্‌ মুয়ই তমারে উদ্ধোর গুরিলুং।

১ শমূয়েল 17:43

গলিয়াৎ দায়ূদরে কলঅ, “মুই কি কুগুরো ধোক্ক্যেন, তুই লুদিক্কোই মইন্দি এজর্‌?” তে তার দেব-দেবেদাগুনোর নাঙানি গিনিনে দায়ূদরে অভিশাব দিয়্যে ধুরিলো।