গণাণা 21:3 - Chakma Bible

³ লগেপ্রভু তারার্‌ এই বিশেজ্ হোজোলীগান্‌ শুনিলো আর সেই কনানীয়োগুনোরে তারার্‌ আঢত্‌ আনি দিলো। ইস্রায়েলীয়গুনে তারার্‌ আদামানি আর শঅরানি এক্কুবারে ভস্ত গুরি ফেলেলাক্। সেনত্তে সেই জাগায়ানর্‌ নাঙান্‌ অলঅ হর্মা (যিয়েনর্ ভেদ্‌তান “ভস্ত অলঅ”)।

গণাণা 21:3 Iomraidhean Croise

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

গণাণা 14:45

তারারে দেগিনে সেই মুড়োমুরি চাগালার্ অমালেকীয় আর কনানীয়গুনে লামি এইনে তারারে আক্রমণ গুরিলাক্ আর হর্মা শঅর সং তারারে লোড়েই নেযেলাক্।

দ্বি’লম্বর বিররণ 1:44

সিয়েন্‌ দিগিনে যিদুক্কুন ইমোরীয় সেই মুড়ো-মুড়ি চাগালাত্‌ বজত্তি গুরিদাক তারা তমার বিরুদ্ধে নিগিলি এলাক্। এক ঝাক্ মু পুগো ধোক্ক্যেন তারা তমারে লোড়েলাক্ আর সেয়ীর ভিদিরে হর্মা সং তমারে মাত্যে মাত্যে নেযেলাক্।

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

যিহোশূয় 12:14

হর্মার রাজা, অরাদর রাজা,

বিচের গুরিয়্যেগুন 1:17

যিহূদা-গুট্টির মানুচ্চুনে তারার্‌ ভেই শিমিয়োন-গুট্টির মানুচ্চুনো সমারে যেইনে সফাৎ শঅরর্‌ আদাম্মে কনানীয়গুনোরে আক্রমণ গুরিলাক্‌ আর তারার্‌ শঅর্‌রান এক্কুবারে চোইদেল্‌ গুরি দিলাক্‌। সেনত্তেই শঅ‌রানর নাঙান্‌ দিয়্যে অলঅ‌ হর্মা (যিয়েনর্ ভেদ্‌তান্ চোইদেল্‌)।