গণাণা 21:16 - Chakma Bible

¹⁶ সিয়োত্তুন্‌ আদা মারিনে ইস্রায়েলীয়গুনে বের নাঙে এক্কো কূয়োর্‌ ইদু এলাক। এই কূয়োবো ইদু লগেপ্রভু মোশিরে কলঅ, “তুই মানুচ্চুনোরে একলগে এগত্তর্‌ গর্‌, মুই তারারে পানি দিম।”

গণাণা 21:16 Iomraidhean Croise

পত্থম 21:19

সে পরেদি গোজেনে হাগার চোখ্‌কুন্‌ খুলি দিলো, সেক্কে তে এক্কো পানিলোই ভোজ্যে কুয়ো দেগিলো। সে কূয়োবো ইধু যেইনে তে তার্ চাম থৈল্যেবো ভুরি নেযেনে পুয়োবোরে পানি হাবেল।

যাত্রা 17:6

সে পরেদি মুই হোরেব মুড়োবোর্‌ ইদু তঅ মুজুঙোত্‌ এক্কো পাত্তর উগুরে যেইনে ঠিয়েম্‌। তুই সেই পাত্তর্‌বোত্‌ আঘাত্‌ গুরিবে আর সেক্কে মানুচ্চুনে হেবাত্তে সিয়োত্তুন্‌ পানি নিগিলি এবঅ‌।” ইস্রায়েলীয় বুড়ো নেতাগুনো মুজুঙোত্‌ মোশি সিয়েনোই গুরিলো।

যিশাইয় 12:3

ইয়েনত্তে তুমি হুজি ওইনে উদ্ধোরর্ বেক্ পয়নালাগুনোত্তুন্ পানি তুলিবা।

যিশাইয় 15:8

মোয়াব দুযিগানর্ চেরোকিত্তেদি তারার কানানি রগুন্ শুনো যার্; ইগ্লয়িম আর বের-এলিম সং তারার আবিলেচ্ গরাগান শুনো যার্।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

গণাণা 20:8

“তুই সেই লুুদিক্কো নেযা আর তুই আর তর্‌ ভেই হারোণে ইস্রায়েলীয়গুনোরে এক্কান জাগাত্‌ এগত্তর্‌ গরঅ। উই যে দাঙর্‌ পাত্তর্‌বো আঘে তুই ইস্রায়েলীয়গুনো মুজুঙোত্‌ সিবেরে কঅ আর সেক্কে সিবে পানি দিবো। ইস্রায়েলীয়গুনে আর তারার্‌ য়েমানপালুন্‌ যেনে খেই পারন্‌ সেনত্তে তুই তারাত্তে পাত্তরত্তুন্‌ পানি নিগিলেই আনিবে।”

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।

বিচের গুরিয়্যেগুন 9:21

ইয়েনর্ পরেন্দি যোথমে ধেই যেইনে বের্‌ নাঙে এক্কান জাগাত্‌ গেলঅ। তে তার্‌ ভেই অবিমেলকর দরে সিদু বজত্তি গরা ধুরিলো।