গণাণা 21:13 - Chakma Bible

¹³ সিয়োত্তুন্‌ আদা মারিনে তারা অর্ণোন গাঙর্‌ উইপারত্‌ যেইনে তাম্বুলান ফেলেলাক্। ইমোরীয়োগুনো দেজত্তুন্‌ যে ধূল্যেচর-চাগালাগান্‌ আরাম্ভ ওইয়্যে সিয়েন ভিদিরে এলদে এই অর্ণোন গাঙান। গাঙানর্‌ এক কিত্তেন্দি এলদে মোয়াব আর অন্য কিত্তেন্দি এলদে ইমোরীয়োগুনোর দেজ্‌ছান।

গণাণা 21:13 Iomraidhean Croise

যিশাইয় 16:2

পেগো বাহ্‌‌‌ত্তুন ঠিলিনে নিগিলেই দিলে পেগে যেবাবোত্যেগুরি ইন্দি উন্দি ঘুরি বেড়ায় সেবাবোত্যেগুরি মোয়াব মানুচ্চুনে অর্ণোন গাঙান্ আঢিনে পার্ অইদ্যে জাগানত্ ঘুরি বেড়েবাক্।

যিরমিয় 48:20

মোয়াবে অগমান ওইয়্যে, কিত্তে তে চুরমার ওইয়্যে। তুমি আবিলেচ্ গরঅ আর কানঅ। অর্ণোন গাঙ পারত্ এ কধাগান ফগদাং গরঅ, মোয়াব ভস্ত ওই যেইয়্যে।

গণাণা 21:14

লগেপ্রভুর্ যুদ্ধো নাঙে বোইবোত্‌ আঘে, “আর শঅরন্দি যেইয়্যে শূফা চাগালার্ বাহেব আর অর্ণোন আর তার্‌ চিগোন গাঙন্দি যেইয়্যে মড়ঙুন্ আর মড়ঙুনোর ইদু মুড়োবোর্‌ তলে জাগানি, যিয়েনি মোয়াবর্‌ এক কিত্তেন্দির্ দুজি।”

গণাণা 22:36

বিলিয়মর এজানার্‌ কধা শুনিনে বালাকে তারে আগ্‌বারেই নিবাত্তে অর্ণোন গাঙর্‌ পাড়ত্‌ মোয়াবীয়গুনোর শঅরত্‌ গেলঅ। এই শঅরান্‌ এলদে তার্‌ রেজ্যর্‌ শেজ দুঝিত্‌।

দ্বি’লম্বর বিররণ 2:13

পরেদি লগেপ্রভু কলঅ, ইক্কিনে তুমি উদিনে সেরদ কিঝিঙান্‌ পার্‌ ওইনে যঅ। আর আমি সিয়েন্‌ পার্‌ ওইনে এলং।

দ্বি’লম্বর বিররণ 2:24

সে পরেন্দি লগেপ্রভু কোইয়্যেদে, তুমি নিগিলি যঅ আর অর্ণোন গাঙান্‌ পার্‌ ওইনে যঅ। চঅ, মুই হিষ্‌বোনোর ইমোরীয় রাজা সীহোন আর তার্‌ দেজ্‌ছান তমা আদত্‌ দি দুয়োং। তুমি তা দেজ্‌ছান গজক্ গরানা আরাম্ভ গুরিনে তারে যুদ্ধোত্‌ লামদে বাধ্য গরঅ।

বিচের গুরিয়্যেগুন 11:18

সে পরেন্দি তারা ধূল্যে-চর চাগালার ভিদিরেন্দি যেইনে ইদোম আর মোয়াব দেজ্‌চান ঘুরিনে মোয়াব দেজর পূগেন্দি যেইনে অর্ণোন গাঙর্‌ উই পারন্দি তাম্বুলান ফেলেয়োন। তারা মোয়াব দেজত্‌ ন-চমন্‌, কিয়া অর্ণোন গাঙান্‌ এলদে মোয়াব দেজর ধুজি।