গণাণা 20:6 - Chakma Bible

⁶ সেক্কে মোশি আর হারোণে তারার ইত্তুন্‌ মিলন-তাম্বুলো দোরান ইদু যেইনে আদু পাড়িনে পড়িলাক্। সেক্কে লগেপ্রভুর মহিমাগান্ তারা মুজুঙোত্ ফগদাং অলঅ।

গণাণা 20:6 Iomraidhean Croise

১ বংশধর 21:16

এ ভিদিরে দায়ূদে উগুরেত্তুন্‌ রিনি চেইনে দেগিলোদে, লগেপ্রভুর দূত্‌তো আগাজ ইদু থিয়্যেই এলঅ আর তা আদত্‌ রোইয়্যে যিরূশালেম উগুরে মেল্যে গুরি-ধোজ্যে খুলো তলোয়ারান্‌। ইয়েন্‌ দেগিনে দায়ূদ আর বুড়ো নেতাগুনে বস্তা সিলুম্‌ উজ্যে অবস্থায় মাদি উগুরে আদু পাড়িনে পড়িলাক্‌।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

যাত্রা 17:4

এই কধাগান শুনিনে মোশি লগেপ্রভু ইধু কানাকুদি গুরিনে কলঅ‌, “মুই এই মানুচ্চুন্দোই কি গুরিম? আর এক্কেনা বেশ্‌কম্‌ অলে দঅ তারা মরে পাত্তর্‌ মারিবাক্।”

গণাণা 12:5

সেক্কে লগেপ্রভু মেঘ মাধ্যমে আঝিল্ ওইনে লামি এলঅ আর মিলন-তাম্বুলোর দোরো ইদু থিয়্যেইনে হারোণ আর মরিয়মরে ডাগিলো। তাঁরা দ্বিজনে উজেই এজানার্‌ পরেদি লগেপ্রভুর কলদে, “তুমি মঅ কধাগান্‌ শুনো। তমা ভিদিরে কনঅ নবী থেলে মুই লগেপ্রভুর দিব্য জ্ঞানর্‌ ভিদিরেন্দি নিজোরে তাইদু ফগদাং গরং আর স্ববন্দোই কধা কং।

গণাণা 14:10

মাত্তর্‌ দলর বেক্কুনে যিহোশূয় আর কালেবরে পাত্তর্‌ মেলা দিইনে মারে ফেলেবার কধা কুয়া ধোজ্যন। সেক্কে মিলন-তাম্বুলোত্তুন বেক্‌ ইস্রায়েলীয়গুনোর্‌ মুজুঙোত্‌ লগেপ্রভুর মহিমা দেগা দিলো।

গণাণা 14:5

এই অবস্থাগান্ দেগিনেই মোশি আর হারোণে ইস্রায়েলীয়গুনোর পুরো দল্লো মুজুঙোত্‌ মাদিত্‌ আদু পাড়িনে পরিলাক।

গণাণা 16:19

কোরহ যেক্কে মোশি আর হারোণর বিপক্ষে সমাজর বেক্‌ মানুচ্চুনোরে এগত্তর্‌ গুরিনে মিলন-তাম্বুলোর দোরান ইদু যেইনে থিয়্যেলাক্ সেক্কে তারার্‌ বেক্কুনো মুজুঙোত্‌ লগেপ্রভুর মহিমাগান্ দেগা দিলো।

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

গণাণা 16:4

এই কধাগান শুনিনে মোশি মাদি উগুরে আদু পাড়িনে পড়িলো।

গণাণা 16:42

মাত্তর্‌ যেক্কে সমাজর্‌ বেক্‌ মানুচ্চুনে মোশি আর হারোণর বিপক্ষে এগত্তর্ ওইনে মিলন-তাম্বুলো ইন্দি ঘুরিনে থিয়্যেলাক্‌ সেক্কে অদাদৎ্‌ মিলন-তাম্বুলান সে মোক্ক্যেন্দি ঢাগি গেলঅ আর লগেপ্রভুর মহিমা ফুদি উদিলো।

গণাণা 16:45

“তুমি ইগুনোত্তুন্‌ সুরি যঅ; মুই ইক্কুনি ইগুনোরে শেজ্ গুরি ফেলেম্‌।” এই কধাগান শুনিনে তারা মাদিত্‌ আদু পাড়িনে পুরিলাক।

গণাণা 20:7

লগেপ্রভু মোশিরে কলঅ,

মথি লেখ্যে গম্ হবর্ 26:39

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।