গণাণা 20:28 - Chakma Bible

²⁸ সে পরেদি মোশি হারোণর কিয়্যেত্তুন্‌ ধর্মগুরুর্ পোজাক্কান্‌ খুলি নেযেইনে সিয়েনি তার্‌ পূঅ ইলীয়াসররে উরে দিলো। হারোণে সেই মুড়োবো উগুরে মুরি গেলঅ। পরেদি মোশি আর ইলীয়াসরে মুড়োবোত্তুন্‌ লামি এলাক্।

গণাণা 20:28 Iomraidhean Croise

১ বংশধর 22:17

দায়ূদে সে পরেন্দি তা পুয়ো শলোমনরে বল্ দিবাত্তে ইস্রায়েলর বেক নেতাগুনোরে উগুম দিইনে কোইয়্যেদে,

যাত্রা 29:28

এধোক্ক্যেনগুরি ইস্রায়েলীয়গুনে গোজ্যে বেক্‌ উদোলোলি-উৎসর্বর্‌ এই জিনিসছানি আমিঝে হারোণ আর তার্‌ পূঅগুনোরে দিয়্যে অবঅ। এই জিনিসছানি অবঅ‌ লগেপ্রভুর্‌ নাঙে ইস্রায়েলীয়গুনোর্‌ দান।

যাত্রা 6:23

হারোণ পূয়োগুন অলাক্ নাদব, অবীহূ, ইলিয়াসর আর ঈথামর। হারোণ অম্মীনাদব ঝি নহশোনর বোন ইলীশেবাররে লোইয়ে আর তা পেদত্‌ ইগুনোর্‌ জর্ম ওইয়্যে।

গণাণা 20:1

বজরর্‌ পত্তম মাজত্‌ বেক্‌ ইস্রায়েলীয়গুনে সীন ধূল্যেচর-চাগালাত্‌ লুমিনে কাদেশ ইদু যেইনে থেলাক। মরিয়মে সেই জাগানত্‌ মুরি গেলঅ আর তারে গোর্ দিয়্যে অলঅ।

গণাণা 20:26

সিদু হারোণর্‌ কিয়্যেত্তুন্‌ ধর্মগুরুবোর্ পোজাক্কান্‌ খুলি নেযেইনে সিবে তার্‌ পূঅ ইলীয়াসররে উরে দুয়ো, কিত্যে হারোণে তার্‌ পুরোণি মানুচ্চুনো ইদু যেবগোই; তে সিয়োদোই মুরি যেবঅ।”

গণাণা 20:27

মোশি লগেপ্রভুর উগুম মজিম কাম্‌ গুরিলো। তারা বেক্‌ ইস্রায়েলীয়গুনো মুজুঙোত্‌ হোর মুড়োবোত্‌ উদি গেলাক্।

গণাণা 27:13

তর্‌ ভেই হারোণে যেধোক্ক্যেন তার্‌ পুরোণি মানুচ্চুনো ইদু যেয়েগোই দেজ্‌চান্‌ চেবার্‌ পরেদি তত্তুনো সেধোক্ক্যেন তর্‌ পুরোণি মানুচ্চুনো ইদু যাহ্ পুরিবো।

দ্বি’লম্বর বিররণ 10:6

ইস্রায়েলীয়গুনে পরেন্দি বেরোৎ-ঝারর্‌-যাকনত্তুন্‌ রওনা ওইনে মোষেরোদোত্‌ লুমিলাক্। সিয়োদোই হারোণে মুরি যেইয়্যে আর তারে গোর্ দিয়্যে ওইয়্যে। তার্‌ পূঅ ইলিয়াসরে তা জাগানত্‌ দাঙর্‌ ধর্মগুরু ওইয়্যে।

দ্বি’লম্বর বিররণ 34:5

লগেপ্রভু যিয়েন কোইয়্যে সে মজিম লগেপ্রভুর চাগর মোশি সেই মোয়াব দেজত্‌ মুরি গেলঅ।

দ্বি’লম্বর বিররণ 34:9

নূনর পূঅ যিহোশূয় উগুরে মোশি আঢ্ বাজেয়্যে বিলিনে তে জ্ঞানদান গুরিয়্যে পবিত্র আত্মালোই পরিপূরোণ ওইয়্যে। সেনত্যে ইস্রায়েলীয়গুনে তার কধামজিম যাহ্ ধোজ্যন্‌ আর মোশির মাধ্যমে লগেপ্রভু তারারে যে উগুমান দিয়্যে সিয়েনি পালন গরা ধোজ্যন্‌।

যিহোশূয় 24:33

পরেদি হারোণর পূঅ ইলিয়াসরে মুরি গেলে তারে গিবিয়াতত্‌ গোর্ দিয়্যে অলঅ। ইফ্রয়িমর মুড়ো-মুড়ি চাগালাত্‌ এ জাগায়ান তার্‌ পূঅ পীনহসরে দিয়্যে ওইয়্যে।

২ পিতর 1:15

মর্ মরণর পরেদিয়ো যেন তুমি এই বেপারানি আমিযে মনত্ থঅ, মুই সিয়েনর বেবস্থাগান গুরিবাত্যে ভারী চেষ্টা গুরিম।