গণাণা 20:24 - Chakma Bible

²⁴ “হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

গণাণা 20:24 Iomraidhean Croise

পত্থম 15:15

মাত্তর্‌ তা আগেদি তুই বুড়ো বয়জত্‌ গমেডালে মুরি যেইনে গোর্ পেবাক্ আর তর পুরোণি মানুচ্চুনো ইধু লুমিবেগোই।

পত্থম 25:17

ইশ্মায়েলে একশঅ সাত্রিশ বজর বাঁজি এলঅ। সে পরেদি তে মুরি যেইনে তা পুরোণি মানুচ্চুনোর ইদু গেলগোই।

পত্থম 25:8

এক্কান দোল্‌ আর সুগোর্ জীংকানি কাদেইনে ভালোক্ বজর বাদে তে মুরি যেইনে তা পুরোণি মানুচ্চুনো ইদু গেলগোই।

পত্থম 35:29

এক্কান্‌ পরিপূরোন জিংকানি কাদেইনে তে বুড়ো বয়জত্‌ মুরি যেইনে তা আগ মানুচ্চুনো ইধু গেলগোই। তার পুয়ো এষৌ আর যাকোবে তারে গোর্ দিলাক্।

পত্থম 49:29

পরেদি যাকোবে তা পুয়োগুনোরে এ উগুমানি দিলো, “চোদ্দোগুট্টিগুনো ইধু যেবার্‌ অক্ত মর্‌ ওইয়্যে। হিত্তীয় ইফ্রোণ ভূইয়োত্‌ যে গাত্তো আঘে সেই গাত্তোত্‌ মঅ চোদ্দো গুট্টিগুনো সমারে মরে গোর্ দুয়ো।

পত্থম 49:33

যাকোবে তা পুয়োগুনোরে উগুম্‌ দেনার পরেদি বিচ্ছোনান উগুরে তা টেঙানি তুলিনে ঘুমোত্‌ পুড়িলো। সে পরেদি শেজ্ নিযেস্‌ ফেলেইনে তা পুরোণি মানুচ্চুনো ইধু গেলগোই।

২ বংশধর 34:28

সেনত্তে মুই যাদিমাদি তরে তর্‌ পূরোণি মানুচ্চুনো ইদু নেযেম্‌ আর তুই সুগে শান্দিয়্যে গোরান্ পেবে। এ জাগায়ান উগুরে আর যিগুনে ইদু বজত্তি গত্তন্‌ তারা উগুরে মুই যেদক্কানি দজা আনিম্‌ তঅ চোখ্‌কুনে সিয়েনি ন-দেগিবাক্‌।’ ” তারা হুল্‌দার জোব্‌পান লোইনে রাজা ইদু ফিরি গেলাক্‌।

যাত্রা 17:7

মানুচ্চুনে এই রফীদীমোত্‌ কোল্‌-কোজ্যে গোজ্যন্‌ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্‌। সেনত্যে মোশি এই জাগাগানর্‌ দ্বিয়েন্‌ নাঙ্‌ দিলো মঃসা (যিয়েনর্ ভেদ্‌তান্ “জগা চানা”) আর মরীবা (যিয়েনর্ ভেদ্তান্ “কোল্‌বাজানা”)।

গণাণা 20:26

সিদু হারোণর্‌ কিয়্যেত্তুন্‌ ধর্মগুরুবোর্ পোজাক্কান্‌ খুলি নেযেইনে সিবে তার্‌ পূঅ ইলীয়াসররে উরে দুয়ো, কিত্যে হারোণে তার্‌ পুরোণি মানুচ্চুনো ইদু যেবগোই; তে সিয়োদোই মুরি যেবঅ।”

গণাণা 20:5

মিসর দেজত্তুন্‌ কিত্তে তুই আমারে এই দর্‌গরেপারা জাগানত্‌ আনিলে? এই জাগানত্‌ নেই কনঅ শোজ্য বা ডোমোর্‌ গুলো, নেই কনঅ আংগুরো লুদি বা ডালোম; সিগুন বাদে হেবার্‌ পানিয়ো ইয়েনত্‌ নেই।”

গণাণা 27:13

তর্‌ ভেই হারোণে যেধোক্ক্যেন তার্‌ পুরোণি মানুচ্চুনো ইদু যেয়েগোই দেজ্‌চান্‌ চেবার্‌ পরেদি তত্তুনো সেধোক্ক্যেন তর্‌ পুরোণি মানুচ্চুনো ইদু যাহ্ পুরিবো।

গণাণা 31:2

“তুই ইস্রায়েলীয়গুনোর পক্ষত্তুন্‌ মিদিয়নীয়গুনোরে অন্যেয়ানিত্তে তারার্‌ পাওনা সাজা দে। সে পরেদি তত্তুন্‌ তর্‌ পুরোণি মানুচ্চুনো ইদু যাহ্ পুরিবো।”

গণাণা 4:27

বুধি বুয়োবার কাম্‌ ওক্‌ বা আরঅ অন্য যে কনঅ কাম্‌ ওক্‌, বেক্‌ কামানিই হারোণ আর তার্‌ পূঅগুনোর্‌ উগুমো ধোক্ক্যেন্ তারাত্তুন্‌ গরা পুরিবো। যেদক্কানি জিনিস বুয়োই নেযানা তারার্‌ দায়িত্বো সিয়েন্‌ তুমি তারারে কোই দিবা।

দ্বি’লম্বর বিররণ 32:50

তর্‌ ভেই হারোণে যেধোক্ক্যেন হোর মুড়োবোত মুরি যেইনে তার পুরোণি মানুচ্চুনো ইদু যেইয়্যেগোই সেধোক্ক্যেন গুরি তুমিয়ো নবো মুড়োবোত্‌ উদিনে মুরি যেবা আর তমার পুরোণি মানুচ্চুনোর ইদু যেবাগোই।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

বিচের গুরিয়্যেগুন 2:10

যিহোশূয়র সময়োত্‌ ইস্রায়েলীয়গুনে মারা যেইনে তারার্‌ পূরোণি বুড়ো-বুড়িগুনো ইদু যানার পরেন্দি তারার্‌ জাগায়ানিত এলাক্‌ তারার্‌ গুট্টিগুনে। ইগুনে লগেপ্রভুরে ন-চিনিদাক্‌ আর লগেপ্রভু ইস্রায়েলীয়গুনোত্তে যিয়েনি গোজ্যে সিয়েনিয়ো হবর্‌ ন-পেদাক্‌।